þri 24.jan 2023
[email protected]
Everton íhugar að ráða Hasenhuttl
 |
| Ralph Hasenhuttl. |
Everton er í stjóraleit sem stendur eftir að Frank Lampard var látinn fara í gær.
Þeir sem hafa hvað mest verið orðaðir við stöðuna eru Marcelo Bielsa og Sean Dyche. Þeir tveir eru áfram tveir líklegustu mennirnir til að taka við starfinu.
Sky Sports greinir frá því að Everton sé að íhuga að ráða Ralph Hasenhuttl, fyrrum stjóra Southampton, í starfið. Hasenhuttl var rekinn frá Southampton í nóvember eftir slæma byrjun á tímabilinu.
Samkvæmt veðbönkum er Marcelo Bielsa talinn líklegastur, Sean Dyche er númer tvö, Sam Allardyce er númer þjú, Wayne Rooney er númer fjögur í röðinni og þeir Ralph Hasenhuttl og Duncan Ferguson eru svo næstir og taldir jafn líklegir.
Hasenhuttl er 55 ára gamall Austurríkismaður sem tók við starfinu hjá Southampton árið 2018 eftir að hafa stýrt RB Leipzig í tvö ár þar á undan.
|
