Real Madrid 2 - 0 Valencia
1-0 Marco Asensio ('52 )
2-0 Vinicius Junior ('55 )
Rautt spjald: Gabriel Paulista, Valencia ('72)

Real Madrid komst aftur á sigurbraut í kvöld í spænsku deildinni eftir markalaust jafntefli gegn Real Sociedad í síðustu umferð.

Real fékk Valencia í heimsókn en það var markalaust í hálfleik. Antonio Rudiger hélt þó að hann hefði komið Real yfir í uppbótartíma en markið var að lokum dæmt af þar sem Karim Benzema var dæmdur brotlegur.

Hann fékk gult spjald fyrir brotið.

Real gerði hins vegar út um leikinn snemma í síðari hálfleik en Benzema lagði upp tvö mörk með þriggja mínútna millibili. Fyrst á Marco Asensio og síðan á Vinicius Junior.

Valencia lék manni færri síðustu 20 mínúturnar þar sem Gabriel Paulista fékk að líta rauða spjaldið fyrir að sparka hressilega í Vinicius Jr.

Real er í 2. sæti fimm stigum á eftir toppliði Barcelona. Valencia er í 14. sæti aðeins stigi frá fallsæti.