Sean Dyche er mættur aftur í ensku úrvalsdeildina

Enska úrvalsdeildin fer aftur af stað eftir bikarveislu um síðustu vikuna.

Umferðin hefst á leik Chelsea og Fulham á Brúnni í kvöld en hópur heimamanna er ansi mikið breyttur eftir svakaleg kaup í janúar og verður áhugavert að sjá hvernig Graham Potter mun stilla upp liðinu í kvöld.

Topplið Arsenal heimsækir Everton í hádeginu á morgun en það verður fyrsti leikur Sean Dyche sem stjóri Everton eftir að hafa tekið við af Frank Lampard á dögunum.

Manchester United fær Crystal Palace í heimsókn kl. 15 og Wolves og Liverpool mætast í þriðja sinn á stuttum tíma.

Stórleikur umferðarinnar er síðan á sunnudaginn þegar Tottenham fær Manchester City í heimsókn í síðasta leik umferðarinnar.

föstudagur 3. febrúar

20:00 Chelsea - Fulham

laugardagur 4. febrúar

12:30 Everton - Arsenal
15:00 Man Utd - Crystal Palace
15:00 Wolves - Liverpool
15:00 Brighton - Bournemouth
15:00 Aston Villa - Leicester
15:00 Brentford - Southampton
17:30 Newcastle - West Ham

sunnudagur 5. febrúar

14:00 Nott. Forest - Leeds
16:30 Tottenham - Man City