fös 03.feb 2023
[email protected]
Foden gæti snúið aftur - Stones frá næstu vikurnar
 |
| Phil Foden. |
Pep Guardiola sagði frá því á fréttamannafundi í dag að Phil Foden gæti snúið aftur á sunnudaginn þegar Manchester City heimsækir Tottenham.
„Hann er að verða betri, hann hefur æft virkilega vel síðustu daga," segir Guardiola en sóknarmiðjumaðurinn ungi hefur misst af síðustu þremur leikjum.
Það eru hinsvegar verri fréttir af John Stones en miðvörðurinn er kominn á meiðslalistann, meiddur aftan í læri. Hann verður frá í nokkrar vikur eða jafnvel næsta mánuðinn.
Fyrr á tímabilinu missti hann af leikjum vegna samskonar meiðsla.
„Þegar það er mikið leikjaálag þá kemur svona fyrir, en hann kemur aftur eftir nokkrar vikur," segir Guardiola.
Manchester City er í öðru sæti ensku úrvalsdeildarinnar, fimm stigum frá Arsenal, en Tottenham er í fimmta sæti og í harðri baráttu um Meistaradeildarsæti.
|
