Asensio lét verja frá sér á punktinum.

Frábær sigur hjá Mallorca.

Mynd: EPA

Mallorca 1 - 0 Real Madrid
1-0 Nacho ('13 , sjálfsmark)
1-0 Marco Asensio ('60 , Misnotað víti)

Fyrsti leikur dagsins í La Liga deildinni á Spáni var viðureign Real Mallorca og Spánarmeistara Real Madrid.

Madrid mátti ekki við því að misstíga sig í baráttunni um titilinn við Barcelona en Börsungar spila gegn Sevilla á heimavelli í kvöld.

Mallorca er um miðja deild en liðið komst í forystu snemma leiks þegar Nacho, miðvörður Real Madrid, varð fyrir því óláni að setja boltann í eigið net.

Staðan var 1-0 í hálfleik en eftir klukkutíma leik fengu gestirnir vítaspyrnu. Marco Asensio steig á punktinn en Serbinn Predrag Rajkovic varði frá honum.

Real reyndi hvað það gat til að ná einhverju úr leiknum en Luka Modric, David Alaba, Toni Kroos og Mariano Diaz kom allir inn á sem varamenn.

Það dugði ekki til og frábær 1-0 sigur staðreynd hjá Mallorca. Madridíngar eru því áfram fimm stigum á eftir Barcelona sem á leik til góða.