Heimamenn nýttu færin sín betur en gestirnir og uppskáru tvö mörk. Bæði lið hefðu með átt að skora en það voru heimamenn sem voru beittari þegar upp var staðið og uppskáru stigin þrjú

Fyrsta markið í leiknum var stórt. Darraðadans sem skilaði heimamönnum marki. Á því andartaki öðlaðist liðið sjálfstraust og eftir það var eiginlega ekki spurning um hvort liðið var að fara að klára dæmið.

Leiknisliðið kemst í fimm stig og skilur nafna sína eftir í botnbaráttu sem virðist ætla að verða dvalarstaður þeirra í sumar ef fram heldur sem horfir. Dýrmæt þrjú stig fyrir heimamenn sem vilja og ættu að vera í baráttu í efri helming deildarinnar

Varnarlína Fáskrúðsfirðinga virkaði afar ótraust og hefðu heimamenn getað bætt við fleiri mörkum. Ljóst er að liðið er að leka of mörgum mörkum og er brýn þörf á að stoppa í þær stærðarinnar holur sem eru á liðinu varnarlega í heild sinni.

Báðir vítaspyrnudómarnir voru réttir. Virkaði öruggur í sínu þrátt fyrir nokkur skipti sem leikmenn fengu boltann í hönd en leikur hélt áfram. En það kannski útskýrist sökum þess að Sigurður er viðloginn handknattleiksdómgæslu líka. Flott frammistaða!