Byrjunarliðin Ívar Arnbro Þórhallsson fær tækifæri í markinu hjá KA í dag og þá er Valdimar Logi Sævarsson einnig í byrjunarliðinu en þeir eru báðir 17 ára gamlir.

Þetta er aðeins annar leikur Ívars fyrir KA.

Örvar Eggertsson tekur út leikbann og Karl Ágúst Karlsson er ekki með í dag. Sigurbergur Áki Jörundsson og Ívar Örn Jónsson koma inn í þeirra stað.

Jafnt á Akureyri og dramatík í Kórnum KA nældi í fjögur stig gegn HK í leikjum liðanna í 22 leikja mótinu en fyrri leikur liðanna fór fram í Kórnum í Kópavogi. Þar voru heimamenn með forystuna í hálfleik en Ásgeir Sigurgeirsson kom inn á í liði KA í hálfleik og skoraði tvö og tryggði KA sigur.

HK 1 - 2 KA
1-0 Marciano Aziz ('23 )
1-1 Ásgeir Sigurgeirsson ('62 )
1-2 Ásgeir Sigurgeirsson ('76 )
Lestu um leikinn

Hér á Greifavellinum fyrr í sumar gerðu liðin jafntefli en KA lenti í veseni strax á 3. mínútu þegar Dusan Brkovic var rekinn af velli með rautt spjald. Jakob Snær Árnason kom KA hins vegar yfir eftir rúmlega hálftíma leik en Ahmad Faqa jafnaði metin í upphafi síðari hálfleiks og þar við sat.

KA 1 - 1 HK
1-0 Jakob Snær Árnason ('34 )
1-1 Ahmad Faqa ('49 )
Rautt spjald: Dusan Brkovic, KA ('2)
Lestu um leikinn

Spáin Elmar Atli Garðarsson fyrirliði Vestra sem spilar í Bestu deildinni á næstu leiktíð spáir í lokaumferðina en hann spáir jafntefli hér í dag og HK gerir því nóg til að halda sæti sínu í deildinni.

KA 1 - 1 HK
HK fer norður og sækir stigið sem þeir þurfa til að halda sér í deildinni.

Dómararnir Ívar Orri Kristjánsson verður með flautuna hér í dag.
Birkir Sigurðarson og Kristján Már Ólafs verða honum til aðstoðar. Sigurður Hjörtur Þrastarson verður á hliðarlínunni og Þóroddur Hjaltalín er eftirlitsmaður KSÍ.

Ungir fá sénsinn hjá KA Haddi hefur verið duglegur að gefa ungum leikmönnum tækifæri að undanförnu og má búast við því að ungir leikmenn komið við sögu í dag hjá KA. Fótbolti.net ræddi við Hadda í aðdraganda leiksins.

   06.10.2023 15:00

Haddi: Þurfum að fara yngja upp

Sveinn Margeir Hauksson tekur út leikbann í dag.

Ómar svekktur með að Örvar taki út leikbann í dag Örvar Eggertsson leikmaður HK tekur út leikbann í dag. Fótbolti.net ræddi við Ómar Inga Guðmundsson í aðdraganda leiksins. Þar nefndi hann m.a. bannið.

   05.10.2023 11:42

Ómar Ingi kaldhæðinn: Um að gera að senda menn í leikbönn fyrir það

HK gæti fallið í dag KA hefur tryggt sér forsetabikarinn og mun enda á toppnum í neðri hlutanum. HK gæti hins vegar fallið í dag en það þarf mikið að gerast.

   05.10.2023 10:30

Fjögur lið geta fallið í lokaumferðinni - Nokkrar sviðsmyndir

Til að HK falli: þá þarf ÍBV að vinna upp sex marka mismun, HK að tapa og Fylkir að vinna Fram. Fylkir mætti ekki vinna Fram stærra en KA gegn HK, því þá færi Fram niður fyrir HK á markatölu. Ef ÍBV vinnur með fjórum mörkum og Fylkir gerir jafntefli þá má HK ekki tapa með meira en þremur mörkum gegn KA því þá fellur liðið.

Hinir leikirnir
14:00 ÍBV - Keflavík
14:00 Fylkir - Fram

Staðan
7. KA - 38 stig (-4)
8. Fram - 27 stig (-12)
9. HK - 27 stig (-13)
10. Fylkir- 26 stig (-16)
11. ÍBV - 24 stig (-19)
12. Keflavík - 15 stig (-27)

LOKAUMFERÐIN Góðan daginn og verið velkomin í beina textalýsingu frá leik KA og HK í lokaumferð Bestu deildarinnar en leikurinn fer fram á Greifavellinum á Akureyri.