Sóknarleikur liðanna að sjálfsögðu. Fjölnir hóf leikinn af krafti og setti mikla pressu á Víkinga frá fyrstu mínútu og uppskáru gott mark snemma leiks. Vikingar náðu þá undirtökum en gekk bölvanlega að skapa nokkuð af viti og var refsað grimmilega þegar Fjölnismenn ákváðu að fara að sækja aftur. Heilt yfir spiluðu Fjölnismenn glimmrandi fótbolta á köflum á gulköflóttum Víkingsvelli og ber að hrósa þeim fyrir það.

Annað mark FJölnis drap Víkingsliðið algjörlega. Víkingur hafði stýrt leiknum mínúturnar á undan en varnarmistök þeirra plús einstaklingsframtak Almarrs virtist slökkva allann neista í þeim.

Víkingar eru að síga niður í fallbaráttu eftir sterka byrjun á mótinu á meðan að Fjölnismenn lyfta sér ofar í töfluna og geta með góðri spilamennsku alveg komið sér í evrópuséns

Það er freistandi að setja Víkingsliðið sem heild hér inn en ég get ekki annað en tekið Sölva sérstaklega fyrir í þessum reit. Mögulega ósanngjarnt vegna meiðsla en hann virkaði bara ekki tilbúinn í leikinn, var seinn í flestar sínar aðgerðir, gekk illa að koma boltanum frá sér og gerir slæm mistök í öðru marki Fjölnis.

Vilhjálmur átti mjög solid dag í dag og væri með hærri einkunn ef ekki hefði verið fyrir nokkrar mjög soft aukaspyrnur.