Hörmuleg byrjun Magna varð þeim að falli, fá á sig þrjú barnaleg mörk á fyrstu 12 mínútunum og þrátt fyrir að skora þrjú mörk þá gefa þeir Þrótti einfaldlega öll fimm mörkin. Skelfilegur varnarleikur.

Það er úr mörgu að velja hér en ég held ég velji fimmta mark Þróttar. Magni voru tvisvar sinnum búnir að ná að minnka munin í tvö mörk og voru miklu líklegri en Þróttur til að skora þegar kemur langur bolti úr vörninni sem fer yfir allan pakkann og á Viktor Jóns sem skoraði fimmta markið. Skelfilegur varnarleikur og þótt Magni hafi aftur minnkað í tvö mörk var leikurinn búinn.

Þróttarar vinna alla leiki um þessar mundir og eru enn í fimmta sætinu, sex stigum frá öðru sætinu en með þessu áframhaldi gætu þeir alveg komist upp í Pepsí-deildina. Magni er búið að vera í fallsæti í allt sumar og eftir sigur Selfoss í gær fara þeir aftur niður í 12. sætið með 12 stig líkt og Selfoss sem eru með betri markatölu.

Jón Alfreð Sigurðsson. Það væri hægt að velja alla varnarlínu Magna en Jón Alfreð réði ekkert við framlínu Þróttar, gefur tvö mörk og skorar sjálfsmark. Leikur sem hann vill gleyma sem allra fyrst.

Hafði engin tök á leiknum fannst mér, sleppti augljósri vítaspyrnu og leyfði of mikið, 2-3 klár gul spjöld sem hann sleppti.