Valur virka bara óstöðvandi og spiluðu oft á tíðum frábærlega í dag. Birta Guðlaugsdóttir markvörður Stjörnunar átti stórkostlegar vörslur í þessum leik og er kannski ein helsta ástæða þess að leikurinn endaði bara 1-0 því hann hefði getað endað stærra. Stjarnan náði lítið að ógna á síðasta þriðjung vallarins

Það voru nokkrur móment þar sem Valur vildi fá vítaspyrnur en aldrei var dæmt. Þetta voru nokkur 50/50 atriði og svo eitt sem var líklegri en annað og það var þegar Sigrún Ella tæklar Elín Mettu inn í teig en Valur fékk bara hornspyrnu.

Valur er með fullt hús stiga eftir þrjár umferðir og virka í hörkustandi. Stjarnan tapar hinsvegar sínum fyrsta leik og fá á sig sitt fyrsta mark í deildinni og eru með 6 stig eftir þrjár umferðir

Renae Nicole Cuellar átti mjög erfitt uppdráttar í þessum leik þar sem Stjarnan náði lítið að ógna. Þær voru mikið í löngum boltum inn fyrir vörnina og hún réði illa við Guðný og Lillý í þeim einvígum. Ætlast til meira af henni og í svona leik á hún að geta tekið af skarið þegar liðið þarf á sóknarþunga að halda.

Voru nokkri mögulegir vítaspyrnudómar sem ekki allir eru sammála um.