Chelsea vill 100 milljónir fyrir Jackson
Rashford er efstur á óskalista Barcelona
Jadon Sancho gæti loksins verið á förum frá Man Utd
Chelsea reynir að fá 100 milljónir punda fyrir Nicolas Jackson, Marcus Rashford er áfram á óskalista Barcelona og Jadon Sancho gæti verið á förum frá Man Utd, Þetta og margt fleira í Powerade-slúðurpakka dagsins.
Chelsea hefur sett 100 milljóna punda verðmiða á senegalska framherjann Nicolas Jackson (24). AC Milan er áhugasamt. (Mail)
Marcus Rashford (27), leikmaður Manchester United, er efstur á óskalista Barcelona á vinstri vænginn eftir að spænska félaginu mistókst að fá Luis Díaz (28) og Nico Williams (22). (Sky Sports)
Juventus hefur náð samkomulagi við Man Utd um kaup á enska vængmanninum Jadon Sancho. Kaupverðið er 17,3 milljónir punda. (La Stampa)
Tottenham hefur enn áhuga á Yoane Wissa (28), sóknarmanni Brentford, þrátt fyrir að hafa ekki verið í sambandi við félagið síðan það fékk að vita 50 milljóna punda verðmiðann á honum fyrr í sumar. (Standard)
PSV er reiðubúið að selja belgíska vængmanninn Johan Bakayoko (22), en Everton, Bournemouth og Nottingham Forest hafa verið í sambandi við hollenska félagið ásamt Bayer Leverkusen og RB Leipzig. (Fabrizio Romano)
Nottingham Forest er að íhuga að leggja fram 25 milljóna punda tilboð í James McAtee (22), en Man City metur leikmann á um það bil 40 milljónir. (Mail)
Atalanta vill að minnsta kosti 50 milljónir punda fyrir ítalska varnarmanninn Giorgio Scalvini (21). Newcastle United og Manchester United hafa áhuga á miðverðinum. (i paper)
Aston Villa er nálægt því að ganga frá kaupum á hollenska markverðinum Marco Bizot (34) frá Brest í Frakklandi. (Athletic)
Arsenal hefur áfram áhuga á Rodrygo (24), vængmanni Real Madrid og brasilíska landsliðsins, þó félagið sé nálægt því að ganga frá kaipum á Noni Madueke (23) frá Chelsea. (GiveMeSport)
Daniel Munoz (29), vængbakvörður Crystal Palace, vonast til þess að yfirgefa félagið í sumar þrátt fyrir að hafa skrifað undir nýjan samning við félagið í apríl. (Mirror)
Tyrkneska félagið Fenerbahce er að ganga frá kaupum á spænska sóknartengiliðnum Marco Asensio (29) frá Paris Saint-Germain. (Football Italia)
Athugasemdir
