Bæði lið hefðu getað skorað meira og því er hægt að segja að markvarsla hafi ráðið því að þessi leikur endaði með jafntefli, Arnar Darri átti frábæran leik og Andri Þór var sömuleiðis mjög góður í dag.

Jöfnunarmark Aftureldingar. Afturelding fékk gríðarlegt magn af færum í þessum leik og það hlýtur að hafa verið mikill léttir fyrir þá þegar boltinn fór loksins inn undir lok leiks.

Þau breyta litlu þegar það kemur að töflunni en bæði lið eru í neðri helmingi deildarinnar og Afturelding er í fallsæti á markatölu.

Árni Þór Jakobsson fær þennan vafasama titil, réði engan vegin við Jason Daða og leit ekki vel út þegar Jason brunaði framhjá honum trekk í trekk.

Flott frammistaða hjá dómarateyminu, dómarinn hélt góðri línu og allar stórar ákvarðanir voru réttar.