Barátta Keflvíkinga og lukkan sem henni fylgdi. Það hjálpaði líka að vera 2-0 yfir en róðurinn varð þungur eftir að Þórsarar minnkuðu munin í upphafi síðari hálfleiks og hvað þá þegar Keflvíkingar voru orðnir tveimur færri. En vinnusemi skilar oft árángri og þess nutu Keflvíkingar í dag. Þórsarar mega samt alveg vera svekktir því þeir fengu færinn til að jafna en þeir nýttu þau ekki og því fór sem fór.

Fyrsta mark leiksins var áhugavert. Virtist eiga vera auðveldur bolti fyrir Aron Birki í marki Þórs en boltinn hreinlega lak úr höndunum á honum og í netið. Reyndist dýrkeypt þegar upp var staðið.

Keflavík lyftir sér upp í 3.sætið með 10 stig fyrir ofan Leikni á markatölu. Þórsarar sitja í því 5. með 9 stig.

Aron Birkir gerir slæm mistök í fyrsta marki Keflavíkur en átti nokkrar góðar vörslur eftir það og verður seint sakaður einn um tapið. Þórsarar voru sömuleiðis og skapa sér færi fram á við en frammistaða Sindra í marki Keflavíkur sem og fórnfýsi útileikmanna Keflavíkur sem hentu sér fyrir boltann þegar þess þurfti komu í veg fyrir að þeir fengju eitthvað úr þessum leik svo það er erfitt að tala um vondan dag. Ég held samt að Frans Elvarssyni og hvað þá Kian Williams hafi ekki liðið neitt sérstaklega vel að horfa á leikinn eftir að þeim var vikið af velli en á endanum kom það ekki að sök.

Gunnar Freyr Róbertsson átti bara heilt yfir ágætan dag. Ekkert frábær en ekkert slæmur heldur. Auðvitað atvik sem gera má betur í en engin er fullkominn.