Klaufaskapur í vörn Aftureldingar spilaði stóra rullu í þessum leik. HK skora tvö mörk úr föstum leikatriðum og eitt sem var gjöf frá miðjumönnum Aftureldingar. Fyrir utan þess andartök voru leikmenn Aftureldingar mjög góðir á löngum köflum og voru í stöðunni 3-2 líklegri til að jafna en að missa HK frá sér. Heimamenn leystu hins vegar vel úr árásum Aftureldingar og refsuðu grimmilega þegar tækifærið gafst.

Sláarskot Aftureldingar á 65. mínútu. Þeir voru með vindinn í bakið á þessum tíma og ef þeir hefðu jafnað þá er aldrei að vita hvað hefði skeð. Þess í stað settu HK-ingar mark skömmu síðar og keyrðu svo yfir gestina undir lokin.

Einfalt: HK er komið í átta liða úrslit bikarsins. Afturelding þarf að klóra sér í hausnum yfir því hversu vel þeir spiluðu á löngum köflum en fengu samt á sig sex mörk.

Alejandro Zambrano Martin fyrir hörmungar sendinguna sem gefur HK þriðja markið.

Á tíma var að færast mikill hiti í leikinn en Erlendur náði að róa það án þess að vera neitt áberandi við það. Bara vel valin orð hér og þar. Langt síðan ég hef séð leikmönnum skipað jafn oft að hætta að stela metrum í innköstum, ekki stórt dæmi en gott að sjá.