Keflvíkingar eru hreinlega með miklu betra lið. Í fyrri hálfleik leit þetta út eins og létt æfing fyrir þá. Áttu miðjuna og þá voru fremstu þrír leikmennirnir mjög sprækir og spiluðu boltanum vel á milli sín. Mótspyrnan var samt ekki mikil.

Fyrsta markið sem Ari skoraði eftir flottan undirbúning frá Gibbs. Eftir þetta sáu Magnamenn ekki til sólar.

Keflavík fer á toppinn og er liðið með betri markatölu heldur en Leiknir Reykjavík. Magni er hins vegar á botninum með einungis eitt stig og -20 í markatölu.

Allt Magna liðið. Ekki hægt að pikka einn út. Steinþór í markinu var samt fínn, hann er eini sem sleppur við þetta.

Siggi Þrastar komst vel frá sínu. Vítaspyrnudómurinn réttur og leikurinn fékk að fljóta fínt.