Keflavík var einfaldfaldlega miklu betra liðið í dag. Íslandsmeistararnir höfðu engin svör við grimmd og hörku Keflvíkinga og Aerial Chavarin fór afar illa með varnarlínu Blika. Sanngjarn sigur gestanna.

Fyrsta markið. Stórkostlegt mark hjá Aerial eftir aðeins átta mínútur. Fáir bjuggust við að Keflavík kæmist yfir í þessum leik svo þetta kom á óvart. Glæsilegt mark og góð byrjun á leiknum.

Með sigrinum lyftir Keflavík sér í 7. sæti en Blikar halda 2. sætinu allavega tímabundið, en detta niður í þriðja ef Valur sækir þrjú stig gegn Tindastóli.

Varnarlína Blika. Þær litu bara frekar illa út í dag, verulega óöruggar sem er óvenjulegt að sjá. Aerial fór sérstaklega illa með þær en þær réðu ekkert við hana.

Ég var ekkert alltof hrifin af tríóinu í dag en seinni hálfleikur var þó skárri heilt yfir. Nokkrar mjög furðulegar ákvarðanir með horn, spjöld og aukaspyrnur. Eftir að hafa séð atvikið í lokin aftur þá er ég sammála Blikum og hefði átt að dæma vítaspyrnu á Keflavík í lokin.