Keflavík nýtti eitt færi en Leiknir ekki neitt. Lengi framan af leik var gestaliðið ekkert að skapa sér þrátt fyrir að vera mun meira með boltann sem er yfirleitt ekki góð uppskrift til árangurs. Á meðan nýtti Keflavík einn séns og átti líklega heilt yfir fleiri hættuleg færi en gestirnir.

Á 88, mínútu kemst Máni Austmann í prýðisfæri í teig Keflavíkur en Sindri í marki heimamanna varði vel. Octavio Paez fær frákastið til sín en er tekinn niður í teignum og voru margir vissir um að vítaspyrna yrði dæmd. Flaggið fór þó á loft og Paez dæmdur rangstæður sem bjargaði heimamönnum.

Keflavík fer í 9 stig í 9.sæti deildarinnar með sínum fyrsta deildarsigri á Leikni í 6 ár á meðan að Leiknir fellur niður í það 10, með 8 stig.

Sævar Atli Magnússon komst lítt áleiðis gegn vörn gestanna lengst um í leiknum. Annars skrifast þetta á sóknarleik gestanna sem áttu sitt fyrsta skot eftir 47 mínútna leik og hittu rammann í fyrsta sinn á 74 mínútu.

Samkvæmur sjálfum sér í flestu sem hann gerði og átti bara fínan dag hann Elías