Gott skipulag norðankvenna skilaði þeim góðu stigi. Þær virtust á löngum köflum hafa öll ráð Selfyssinga í hendi sér.

Feilskalli Emmu í fyrri hálfleik sem leiddi til marks gestanna. Engin pressa á Emmu sem misreiknaði boltann illa með þessum afdrifaríku afleiðingum.

Stigið gerir lítið fyrir bæði lið en líklega eru norðankonur sáttari við úrslitin. Bæði lið sigla lygnan sjó um miðja deild eftir leikinn, Þór/KA færist fjær fallsvæðinu og Selfyssingar fjær toppbaráttunni.

Erfitt að taka eitthvað eitt atriði út úr leiknum en þá kannski helst úrræðaleysi Selfyssinga að brjóta niður varnir gestanna.

Var týndur í leiknum og virtist á köflum hafa gleymt flautunni heima. Eins og oft vill vera bitnaði það þó jafnt á báðum liðum.