Færanýtingin í fyrri hálfleik réði nánast úrslitum en Víkingar hefðu getað verið 2-0 yfir í fyrri hálfleik en nýttu ekki færin sín áður en Jason Daði skoraði tvö mörk á skömmum tíma seint í fyrri hálfleik. Eftir það var þetta einstefna og Blikarnir sylgdu þessu örugglega heim.

Færi Helga Guðjóns eftir 10 sekúndna leik hefði getað breytt leiknum verulega en það var sannkallað dauðafæri. Hefði verið áhugavert að sjá hvernig leikurinn hefði þróast ef Víkingar hefðu komist yfir eftir 10 sek.

Blikarnir fara í 3. sæti með 26 stig eftir 14 leiki spilaða og eru aðeins þremur stigum frá Víkingum og Blikar eiga leik til góða á þá. Víkingar sitja ennþá í 2. sæti með 29 stig og eru aðeins stigi á eftir Val en Valur á leik inni.

Helgi Guðjónsson sást lítið í leiknum og komst ekkert í takt við leikinn. Eftir tíu sekúndur fékk Helgi besta færi Víkinga, sannkallað dauðafæri en nýtti það ekki. Það sást það vantaði nærveru Nikolaj Hansen. Helga var svo skipt út af eftir 50 mínútna leik.

Elli var bara ansi flottur í dag og það var ekkert út á hann að segja, engar stórar ákvarðannir sem hann þurfti að takast á við og var bara með góð tök á leiknum.