Alexandra Bía Sumarliðadóttir @alexandrabia95

- Meðalaldur 10 ár

- Meðalaldur 22 ár

Textalýsing Skýrslan

Hvað réði úrslitum? Valur skoraði en Breiðablik ekki. Það er svona skýrasta svarið. En Blikar fengu fullt af marktækifærum í kvöld sem þeim tókst ekki að nýta, auk þess sem þær klikkuðu á vítaspyrnu. Valur átti ekki jafn mörg marktækifæri en náðu að nýta sér hornspyrnu þar sem Arna Sif skoraði með skalla. Bestu leikmenn 1. Sandra Sigurðardóttir Fullkomin frammistaða hjá Söndru í kvöld. Hún varði nokkrum sinnum gríðarlega vel og átti allavega þrjár góðar vörslur á fyrsta korteri leiksins. Hún kórónaði leik sinn þegar hún varði vítaspyrnu á 83. mínútu leiksins og tryggði Val endanlega sigurinn. 2. Arna Sif Ásgrímsdóttir Fyrir vítaspyrnuna hefði Arna Sif verið maður leiksins, en hún átti eins og Sandra frábæran leik. Hún skoraði sigurmark leiksins úr hornspyrnu og var virkilega góð varnarlega og hreinsaði fjölmargar hornspyrnur Blika burt. Atvikið Vítaspyrnan á 83. mínútu. Melina Ayres stígur á punktinn og getur jafnað leikinn en Sandra les hana og ver frábærlega.

Hvað þýða úrslitin? Valskonur hirða toppsætið og skilja Blika eftir í rykinu. Breiðablik er með 9 stig í 6. sæti deildarinnar eftir 6 umferðir og eru komnar 6 stigum á eftir Val. Vondur dagur Blikum gekk illa að skora mark, en þær fengu nóg af tækifærum til þess. Melina Ayres hefur átt betri daga í grænu treyjunni en hún virkaði ekki sannfærandi í þessum leik. Virtist ekki vera með tímasetningar og staðsetningar á hreinu þegar fyrirgjafir komu fyrir markið og getur svo jafnað leikinn en brennir af vítaspyrnu. Dómarinn - 6.0 Fínn leikur hjá Vilhjálmi en það voru nokkur vafaatriði sem voru óljós. Blikar vilja tvisvar fá víti þar sem varnarmenn Vals fengu bolta í hendi og Valskonur vildu vítaspyrnu þegar Ásta Eir fékk boltann í höndina skömmu eftir mark Vals. Þarf að sjá þetta endursýnt en við fyrstu sýn virtist þetta klárlega vera víti á Ástu. Svo fá Blikar vítaspyrnuna sem enginn virtist sjá, en Vilhjálmur var alveg ofan í atvikinu og virtist alveg með það á hreinu svo ég treysti því.

- Meðalaldur 6 ár

- Meðalaldur 30 ár