Erfitt að segja, leikur sem bæði lið geta sagst vera ósátt með að hafa ekki unnið og ekkert eitt atriði sem hægt er að benda á. Auðvitað eiga mistök þátt sinn í mörkunum sem skoruð voru svo við skrifum þetta á þau.

Þegar Gunnar Oddur dómari leiksins spjaldaði Valdimar Jóhannsson þegar hann hélt að Valdimar væri að fara lengstu mögulegu leið af vell. Valdimar var þó ekki að fara út af heldur að skipta um kant og spjaldið því dregið til baka. Aron Einarsson var þó að fara af velli og fór jafnlanga ef ekki lengri leið en Valdimar en slapp þó við spjaldið í havaríinu sem fylgdi.

Selfoss er enn á toppnum með 18 stig. Grindavík situr í sjötta sæti með 14 stig.

Thiago Dylan Ceijas var virkilega dapur í liði Grindavíkur í fyrri hálfleik. Mætti aftur út í þann síðari en aðeins í fimm mínútur áður en að Alfreð fékk nóg og tók hann af velli.

Leikurinn sem slíkur ekki illa dæmdur á vellinum. Auðvitað spaugilegt með atvik leiksins og allt það. Stóra atriðið fyrir mér er rauða spjaldið á Dean Martin sem fær rautt fyrir að sparka boltanum í burtu undir lok leiks þegar Grindavík á innkast. Maður sér þetta margoft gerast hjá þjálfurum í leik án þess að refsað sé fyrir. Reglan er víst þó svona og ekkert við því að segja.