Þórsarar voru fínir fyrstu tólf mínúturnar en eftir það tóku Þróttarar völdin úti á vellinum og uppskáru verðskulduðu að vera yfir í hálfleik. Þórsarar voru fyrstir til að sækja í seinni hálfleik en vel útfærð sókn og lagleg afgreiðsla Arons Snæs sá til þess að forystan var tvöfölduð strax í byrjun seinni hálfleiks. Heimamenn komnir þá í góða stöðu, leið vel í þriggja manna miðvarðakerfi og Þórsarar náðu ekkert að ógna þéttum varnarmúr heimamanna að neinu ráði. Aron Snær skoraði aftur og 3-0 sannfærandi og verðskuldaður sigur staðreynd.

Þriðja mark Þróttara var virkilega huggulegt. Baldur Hannes kórónaði sinn leik með huggulegri sendingu inn fyrir á Aron Snæ sem tók frábærlega við boltanum og laumaði honum milli fóta nafna síns í marki Þórs.

Þróttarar fara upp í 8. sætið og eru tveimur stigum á eftir Þór sem er þremur sætum ofar.

Gæðaleysi Þórsara fram á við; allir framsæknu leikmenn liðsins fá þetta saman.

Stóð sig vel heilt yfir. Er eflaust svekktastur sjálfur að hafa ekki dæmt brot eða stöðvað leikinn strax þegar Akseli meiddist.