Haraldur Örn Haraldsson @haraldur_orn

Textalýsing Skýrslan

Hvað réði úrslitum? KA menn refsuðu Fylkismönnum þegar þeir gerðu mistök. Fylkir spilaði vel en voru ekki jafn klínískir og andstæðingarnir að norðan. Bestu leikmenn 1. Harley Willard (KA) Harley skoraði 2 frábær mörk og hann lítur mjög vel út í sínu nýja hlutverki á miðsvæðinu hjá KA. Hann spilaði lítið í byrjun tímabilsins en virðist vera finna sitt besta form núna. 2. Hallgrímur Mar Steingrímsson (KA) Grímsi var eins og oftast þegar KA spilar vel, viðloðandi allt í sóknarleik KA manna. Hann skoraði frábært aukaspyrnumark, lagði upp eitt og skilaði sínu hlutverki frábærlega í dag. Atvikið Þriðja mark KA manna sem Harley Willard skoraði gerði út um leikinn og svo var það alveg einkar fallegt og ég mæli með því að fólk fari og horfi á það.

Hvað þýða úrslitin? Fylkismenn eru ennþá í harðri fallbaráttu aðeins 1 stigi fyrir ofan Fram og ÍBV. KA eru 9 stigum á undan HK í 8. sæti þegar 3 leikir eru eftir. Því er það mjög líklegt að þeir endi þar. Vondur dagur Kristijan Jajalo fékk alveg svakalegt högg þegar Benedikt Daríus slapp í gegn og dúndraði boltanum í andlitið á honum. Hann þurfti að fara útaf sem tók alveg góðar 7 mínútur og mér finnst mjög líklegt að hann spili ekki meira á tímabilinu. Dómarinn - 7 Nokkrar vafaákvarðanir sem hefðu getað farið á einn eða annan veg. Ekkert stórvægilegt hinsvegar og ekkert sem hefði breytt úrslitum.