Haraldur Örn Haraldsson @haraldur_orn

- Meðalaldur 16 ár

- Meðalaldur 26 ár

Textalýsing Skýrslan Viðtöl

Hvað réði úrslitum? Stjörnumenn gengu bara gjörsamlega frá KR-ingum í fyrri hálfleik og staðan átti að vera miklu meira en 2-0. KR átti engin svör og Stjörnumenn voru á sínum besta degi. Bestu leikmenn 1. Emil Atlason (Stjarnan) Emil skoraði bæði mörk liðsins og var nálægt því í nokkur skipti að bæta við þriðja. Það er hinsvegar ekki bara mörk sem hann gefur liðinu því hann var einnig frábær varnarlega og varnarmenn KR voru alltaf í vandræðum með hann þegar hann komst nálægt boltanum. 2. Eggert Aron Guðmundsson (Stjarnan) Eggert var gjörsamlega stórkostlegur í fyrri hálfleik. Hann bjó til fyrsta markið þó hann fái ekki stoðsendingu með því að skjóta fast að marki þannig að Kjellevold missti boltan til Emils. Svo var bara svo gaman að horfa á hann að ég gat ekki annað en að setja hann hingað. Hann sýndi bæði hæfni sína með boltan og án hans þar sem það eru fáir í deildinni jafn ákafir og áreiðnir þegar þeir fara í pressuna. Atvikið Án þess að hafa séð endursýningar þá er ég eiginlega alveg viss um það að Stjarnan átti að fá víti í stöðunni 2-0 á 41. mínútu. Það er rifið í treyjuna á Adolfi Daða inn í teig þannig að hann fellur við. Það hafði ekki áhrif á úrslitin en gæti haft áhrif á markametið þar sem Emil hefði líkas til tekið þessa spyrnu.

Hvað þýða úrslitin? Stjarnan er enn í 4. sæti sem gefur evrópusæti á næsta tímabili. Þeir eru búnir að búa til 3 stiga forskot í næsta lið sem er FH. KR eru í 6. sæti 6 stigum á eftir Stjörnunni og með miklu lélegri markatölu þannig að þeir eru svo gott sem dottnir úr evrópubaráttunni. Vondur dagur Hver einasti KR-ingur í fyrri hálfleik. Þetta var á köflum eins og að horfa á 4. flokk spila við meistaraflokk yfirburðirnir voru svo miklir. Vissulega vantar mikið í þetta KR lið en það er ekkert sem afsakar þessa fyrri hálfleiks frammistöðu. Dómarinn - 5 Stjarnan á að fá 2 víti að ég held. Fyrra skiptið er ég eiginlega alveg viss um en ég á eftir að sjá endursýningar fyrir seinna skiptið þannig það gæti verið rangt hjá mér. Það kom ekki niður á úrslitunum en samt slæmt að missa af tveimur vítadómum.

- Meðalaldur 5 ár

- Meðalaldur 25 ár