Elvar Geir Magnússon @elvargeir

- Meðalaldur 28 ár

Textalýsing Skýrslan

Hvað réði úrslitum? Hér varð hrun! Íslandsmeistararnir virkuðu kærulausir eftir að hafa komist 2-0 yfir. Framarar voru bitlausir í fyrri hálfleik en árásargirnin blossaði upp í seinni hálfleiknum, trú skapaðist og heimamenn sýndu gríðarlegan karakter. Bestu leikmenn 1. Guðmundur Magnússon - Fram Kom inn af bekknum á 66. mínútu og færði liðinu miklu meira bit. Hann skoraði sjálfur tvívegis og sýndi glögglega mikilvægi sitt fyrir þetta lið. 2. Sigurjón Rúnarsson - Fram Kom Fram á bragðið. Grindvíski varnarmaðurinn var öflugur og Rúnar Kristins talaði um hann sem gullmola í viðtali eftir leik. Atvikið Fram skoraði fjögur mörk á ótrúlegum tíu mínútna kafla. Atvik leiksins er þegar endurkoman var fullkomnuð.

Hvað þýða úrslitin? Breiðablik er strax búið að missa af stigum og í samkeppninni við Víking má ekki búast við miklu svigrúmi til að misstíga sig. Þessi úrslit geta gefið Framliðinu byr undir báða vængi. Vondur dagur Blikar létu keyra yfir sig og voru hreinlega linir. Halldór Árnason mun fá gagnrýni fyrir skiptingarnar í stöðunni 2-0, varamennirnir komu ekki sterkir inn en það sem upp úr stendur er þetta óvænta andleysi og hreinlega hræðsla sem blossaði upp hjá Íslandsmeisturunum. Dómarinn - 7 Blikar voru óánægðir með línuna hjá ÞÞÞ. Þetta var erfiður leikur að dæma en dómarinn var með stóru ákvarðanirnar réttar að ég tel og við horfum mest til þess.

- Meðalaldur 28 ár