Sverrir Örn Einarsson @SEinarsson

- Meðalaldur 25 ár

- Meðalaldur 22 ár

Textalýsing Skýrslan Viðtöl

Hvað réði úrslitum? Einfalda svarið er stigsmunur á liðunum. Fylkismenn sýndu í kvöld að þeir eru skrefi framar gestunum frá Selfossi sem stendur á flestum sviðum fótbolta og tóku verðskuldað þrjú stig með sér inn í klefa. Ákafinn í þeirra leik var meiri, tempóið hærra, sendingarnar betri og nákvæmari og hugmyndaflugið var meira. Bestu leikmenn 1. Pablo Aguilera Simon Kom skemmtilega út í leiknum. Spilaði nokkuð frjálsa rullu fyrir aftan fremstu menn og var stöðugt að leita að plássi í millisvæðinu og fann það oftar en ekki. Gerði virkilega vel að vinna boltann í markinu sínu og kláraði enn betur. 2. Ragnar Bragi Sveinsson Er Ragnar Bragi besti leikmaður Lengjudeildarinnar? Hann allavega átti miðju vallarins með öllu í kvöld. Hleypti ekki nokkrum manni fram hjá og skilaði boltanum vel af sér fram á við. Atvikið Seinna mark Fylkismanna drap svolítið leikinn og von gestaliðsins. 1-0 staða var alltaf óþægileg fyrir heimamenn í Fylki og aðeins eitt augnablik hefði getað breytt öllu. Augnablikið féll þó Fylkismanna þegar Pablo vinnur boltann við vítateig Selfoss. Kemur sér einn gegn Blakala og skorar með yfirveguðum hætti og slökkti þann litla vonarneista sem bjó í Selfossliðinu.

Hvað þýða úrslitin? Fylkismenn fara í fjögur stig og eru í hópi liða á toppi deildarinnar með sama stigafjölda. Selfoss áfram með þrjú stig og sitja í sjötta sæti. Vondur dagur Það var svo sem vitað að gestirnir myndu freista þess að sitja djúpt og freista þess að beita skyndisóknum á erfiðum útivelli. Náðu einni góðri í blábyrjun leiks en eftir það voru sóknaraðgerðir þeirra fáar og ansi langt á milli þeirra. Sem dæmi rekur mig ekki minni í að þeir hafi átt tilraun að marki Fylkis í síðari hálfleik fyrr en komið var fram í uppbótartíma. Dómarinn - 8 Setti spurningamerki i lýsingu hvort að Fylkir hefði mögulega átt að fá vítaspyrnu. Ég get ekki séð það svo vel sé í útsendingu frá leiknum. Ívar sjálfur var vel staðsettur og fljótur að taka ákvörðun og tel ég talsvert meiri líkur en minni að sú ákvörðun hafi verið rétt. Annars fínasti leikur hjá teyminu í kvöld.

- Meðalaldur 24 ár

- Meðalaldur 20 ár