Guðmundur Aðalsteinn Ásgeirsson @gummi_aa

- Meðalaldur 21 ár

- Meðalaldur 20 ár

Textalýsing Skýrslan

Hvað réði úrslitum? Víkingar áttu frábæra leikmenn á varamannabekknum sem komu inn af krafti og komu þessu yfir línuna í framlengingunni. Lið Keflavíkur var mjög þétt fyrir í leiknum og þær mega vera stoltar af sér fyrir frammistöðuna. Þær hefðu jafnvel getað stolið þessu, en þegar leið á leikinn var það breiddin í Víkingsliðinu sem kom þeim yfir línuna. Bestu leikmenn 1. Salóme Kristín Róbertsdóttir (Keflavík) Ungur miðvörður sem stóð vaktina frábærlega í vörn Keflavíkur, allavega lengst af. Hún og Anita Lind áttu mjög góðan leik í hjarta varnarinnar. 2. Jasmín Erla Ingadóttir (Víkingur R.) Kom inn af bekknum og reddaði málunum. Skoraði og átti stoðsendingu líka. Hún verður mjög mikilvæg fyrir Víkinga í sumar. Atvikið Markið sem Jasmín gerir í framlengingunni. Eftir það varð vonin veik fyrir Keflavík, orkan var lítil og ekki mikill möguleiki.

Hvað þýða úrslitin? Víkingur er komið áfram í átta-liða úrslitin á meðan Keflavík einbeitir sér að því að gera góða hluti í Lengjudeildinni. Vondur dagur Þeir leikmenn sem komu inn í Víkingsliðið náðu ekki að grípa gæsina og sanna fyrir þjálfurunum að þær eigi að byrja næsta leik í deildinni. Ariela Lewis nagar sig þá líklega í handarbökin að hafa ekki skorað. Hún var mjög góð í leiknum en náði ekki að klára þau færi sem hún fékk. Dómarinn - 6 Ekki mjög erfiður leikur að dæma.

- Meðalaldur 21 ár

- Meðalaldur 22 ár