Man Utd ætlar að selja Antony - Zirkzee til Arsenal?
Þór
1
2
Stjarnan
Nacho Gil '110 1-0
1-1 Guðjón Baldvinsson '116
1-2 Sölvi Snær '118
25.06.2018  -  20:00
Þórsvöllur
Mjólkurbikar karla
Dómari: Vilhjálmur Alvar Þórarinsson
Maður leiksins: Óskar Elías Zoega Óskarsson
Byrjunarlið:
1. Aron Birkir Stefánsson (m)
Sveinn Elías Jónsson ('84)
Orri Sigurjónsson ('99)
3. Óskar Elías Zoega Óskarsson
4. Aron Kristófer Lárusson ('115)
5. Loftur Páll Eiríksson
6. Ármann Pétur Ævarsson
8. Jónas Björgvin Sigurbergsson ('84)
24. Alvaro Montejo
30. Bjarki Þór Viðarsson
88. Nacho Gil

Varamenn:
2. Gísli Páll Helgason
4. Hermann Helgi Rúnarsson
12. Aron Ingi Rúnarsson
13. Ingi Freyr Hilmarsson ('115)
14. Jakob Snær Árnason ('84)
15. Guðni Sigþórsson ('84)
18. Alexander Ívan Bjarnason ('99)

Liðsstjórn:
Lárus Orri Sigurðsson (Þ)
Sveinn Leó Bogason
Hannes Bjarni Hannesson
Guðni Þór Ragnarsson
Kristján Sigurólason
Sölvi Sverrisson

Gul spjöld:
Nacho Gil ('40)

Rauð spjöld:
Leik lokið!
+3
ÞETTA ER BÚIÐ!!!! STJARNAN FER ÁFRAM Í UNDANÚRSLIT!!!!!!! 7 mínútur í flug hjá Stjörnunni, reyni að ná viðtali!
120. mín
+2
Tekið stutt. Glíma við hornfánann og Stjarnan fær aukaspyrnu. Þetta hlýtur að vera búið.
120. mín
+2
Siglum inn í þriðju mínútu hér. Mikið stopp. Stjarnan vinnur inn horn.
120. mín
Þremur mínútum bætt við hér í framlengingunni.
120. mín
Inn:Jóhann Laxdal (Stjarnan) Út:Alex Þór Hauksson (Stjarnan)
Klipið af klukkunni. Fjórða skiptingin nýtt.
118. mín MARK!
Sölvi Snær (Stjarnan)
MAAAAAAARRRRRRRRRKKKKKKKK!!!!! STJARNAN ER KOMIN YFIR!!!!!! SENUR Á ÞÓRSVELLI!!!! Fyrirgjöf frá hægri, skölluð á fjær þar sem Sölvi Snær klárar af stuttu færi. Stúkan bilast yfir því að ekki sé flögguð rangstæða og Sölvi var vissulega einn á auðum sjó. Get ekki dæmt um þetta.
116. mín MARK!
Guðjón Baldvinsson (Stjarnan)
Stoðsending: Þórarinn Ingi Valdimarsson
MAAAAAAAAARRRRRRRRRRRRK!!!!!!!!! STJARNAN HEFUR JAFNAÐ!!!! Um leið og Hilmar Árni tekur ekki hornið jafna þeir. Þórarinn Ingi með inswing og mér sýnist Gaui Bald rísa hæst til að skalla í netið. Yfir Aron Birki. Kollegi minn hér í blaðamannastúkunni vill meina að um sjálfsmark sé að ræða, svo lítil stemning sé yfir að fagna þessu.
115. mín
Inn:Ingi Freyr Hilmarsson (Þór ) Út:Aron Kristófer Lárusson (Þór )
Fjórða og síðasta skipting Þórsara. vinstri bak fyrir vinstri bak. Stjarnan á svo hornspyrnu.
115. mín
Inn:Óttar Bjarni Guðmundsson (Stjarnan) Út:Hilmar Árni Halldórsson (Stjarnan)
Go long.
115. mín
Gaui við það að sleppa en Loftur Páll finnur einhvern aukakraft til að komast inn fyrir hann og hreinsa í horn. Tekið snöggt og stutt og Stjarnan vinnur horn hinum megin.
113. mín
Þórarinn Ingi með flotta fyrirgjöf sem Aron Kristófer hreinsar vel í innkast af fjærstönginni. Kemur ekkert úr því.
110. mín MARK!
Nacho Gil (Þór )
MAAAAAAAAAAAARRRRRRRRKKKKK!!!!!!!!!!! ÞÓRSARAR ERU KOMNIR YFIR!!!! Alexander Ívan tekur aukaspyrnu úti á hægri kanti, fastur bolti fyrir sem Nacho Gil fleytir áfram og boltinn virðist á leið framhjá en mér sýnist leikmaður Stjörnunnar setja hann í eigið mark fyrir rest!! Hvað gera Stjörnumenn nú??
107. mín
Hér byrjar allt í einu að mígrigna. Vonandi mörk í kjölfarið fyrst stíflan er brostin.
106. mín
Leikur hafinn
Þórsarar byrja nú með boltann og sækja í átt að Gleránni. Flautað á!
105. mín
Hálfleikur
+2
Hornspyrnan sú endar ofan á markinu. Flautað til hálfleiks. Þetta er leiðinlega bragðdauft. Vanilla.
105. mín
+2
Þórsarar fá horn á deyjandi andartökum fyrri hálfleiks framlengingar.
103. mín
Nacho Gil reynir hér skot af færi, skáhallt utan teigs. Framhjá á nær. Engin hætta.
101. mín
Leikurinn fer hér aftur af stað, Hilmar kemur aftur inn á sm er mjög jákvætt fyrir gestina.
99. mín
Inn:Alexander Ívan Bjarnason (Þór ) Út:Orri Sigurjónsson (Þór )
Þriðja skipting Þórsara. Miðjumaður fyrir miðjumann. Nýta tímann meðan verið er að hlúa að Hilmari.
98. mín
Hilmar Árni lendir hér í samstuði á miðjum vallarhelmingi Þórsara og liggur óvígur eftir. Grimmt kallað á sjúkraþjálfara Stjörnunnar.
97. mín
Aron Kristófer fær hann hérna vinstra megin í teignum eftir fyrirgjöf hægra megin frá. Fast, lágt skot en Haraldur grípur hann á nærstönginni. Öruggur þarna Halli.
95. mín
Stjarnan búin að fá 15 hornspyrnur það sem af er. Eðlilega.
92. mín
Skallað burtu og Þórsarar fá aukaspyrnu. Róa þetta niður.
91. mín
Annað horn!
91. mín
Horn hægra megin. Hilmar Árni tekur
91. mín
Leikur hafinn
Leikur hafinn að nýju. Stjarnan byrjar með boltann og ætlar að overlóda hægri vænginn. Langur!
90. mín
Hálfleikur
Flautað af!!! Framlenging. Skemmtunin hefur ekki verið gapandi og því ætla ég ekki að hoppa hæð mína af kæti yfir þessu. En, enn er von um að það lifni yfir þessu! 5 mínútna pása og svo lagt af stað aftur.
90. mín
+3
Hilmar Árni tekur og þetta er á mitt markið en Aron er ragur við að grípa og kýlir til hliðar. Stjarnan fær innkast en eru svo dæmdir brotlegir í teignum.
90. mín
+2

Standa ekki nema 6 stjörnur yfir boltanum. Spennandi hver tekur!
90. mín
+2

Stjarnan fær hér aukaspyrnu af 25-30 metrunum. Gult á Þórsara, sá ekki hvern!
90. mín
Daníel Laxdal hælar hérna hornspyrnuna framhjá á nær. Aldrei hætta.
90. mín
Fjórum mínutum bætt við og Stjarnan fær hornspyrnu.
89. mín
Jakob Snær með hörkuskot hérna rétt utan D-bogans en rétt yfir markið. Þetta var fast.
88. mín
ARON BIRKIR MEÐ GLÆSILEGA VÖRLSU!!!!! Brynjar Gauti hér með hörkuskalla að marki sem Aron tekur úti við stöngina. Út í teig þar Baldur Sigurðsson reynir skot að marki en varnarmaður kastar hér fyrir. Menn ætla að selja sig dýrt og GRÍÐARSTÓR varsla hjá Aroni!
84. mín
Inn:Guðni Sigþórsson (Þór ) Út:Sveinn Elías Jónsson (Þór )
84. mín
Inn:Jakob Snær Árnason (Þór ) Út:Jónas Björgvin Sigurbergsson (Þór )
Tvöföld skipting hjá Þórsurum. Kantmennirnir báðir út.
83. mín Gult spjald: Brynjar Gauti Guðjónsson (Stjarnan)
Brýtur hér á Alvaro við miðlínu þegar hann er að komast á ferðina í skyndisókn.
83. mín
SKOT HÉR Í STÖNGINA!!!!!! Hilmar Árni með skemmtilega fintu yfir á vinstri fótinn, vinstra megin í teignum og þrumar boltanum með jörðinni í innanverða stöngina fjær. Boltinn þeytist út í teig en Þórsarar ná boltanum og hreinsa fram.
80. mín
Nacho með fastan skalla af vítateig. Haraldur grípur hann þó enda vel staðsettur. Þetta stefnir allt í framlengingu.
78. mín
Inn:Sölvi Snær (Stjarnan) Út:Þorri Geir Rúnarsson (Stjarnan)
Stutt gaman hjá Þorra Geir. Hann kom nú skokkandi út af svo það var ekki sjáanlegt að um meiðsli væri að ræða. Hann fer hér beint inn í klefa.
76. mín
Guðjón Baldvinsson fær gott skallafæri eftir að boltinn hafði borist aftur út á Hilmar sem átti vinstri fótar fyrirgjöf. Skallar yfir úr góðu færi. Gerir alls ekki vel þarna..
75. mín
Heiðar Ægisson vinnur hér inn hornspyrnu hægra megin. Outswing hjá Hilmari
70. mín
Skallar framhjá hérna á báðum endum með stuttu millibili. Þetta er að opnast!
69. mín
VEL VARIÐ HARALDUR!!! Hornspyrnan á fjær þar sem mér sýnist Ármann Pétur rísa hæst og skalla á markið af stuttu færi. Haraldur slær út í teiginn og það verður þrefalt klafs um boltann en alltaf koma gestirnir honum frá, þó ekki nema meter í burtu í senn. Á endanum neglt langt og frá.
69. mín
Þór fær hér hornsprynu. Inswing frá Aroni
68. mín
Baldur Sigurðsson á hér skalla yfir markið frá markteigslínu. Stóð í teignum og fær frían skalla.
64. mín
Inn:Þorri Geir Rúnarsson (Stjarnan) Út:Ævar Ingi Jóhannesson (Stjarnan)
Fyrsta skipting leiksins. Akureyringurinn og KA-maðurinn Ævar Ingi fér hér út af og inn á í hans stað kemur Þorri Geir.
62. mín
Broddurinn örlítið farinn úr sóknarleik Stjörnunnar. Ekki sömu leiftursóknirnar. Lítið annað en barningur og klafs þessa stundina. Menn þó aðeins farnir að öskra núna, bæði á velli og úr stúku.
56. mín
Gott uppspil Þórsara endar hér vinstra megin í boxinu og staðinn fyrir að senda fyrir reynir Aron Kristófer að negla á markið úr þröngu og vonlausu færi. Átti að gera betur þarna.
53. mín
Jónas Björgvin reynir hér langskot sem Haraldur á ekki í teljandi erfiðleikum með. Á mitt markið, skoppar einu sinni á leiðinni.
52. mín
Fá fínasta skallafæri eftir að hornspyrnan var hreinsuð frá. Framhjá.
51. mín
Þórarinn Ingi með bylmingsvolley! Í varnarmann og framhjá. Horn! Upp úr því kasta Þórsarar sér fyrir skot og bjarga í annað horn. Legið á þeim núna
50. mín
Dæmt sóknarbrot á Stjörnuna hér í teignum. Rifu bakvörðinn niður.
49. mín
Þórsarar koma boltanum í burt af línunni! Aftur fyrir í annað horn.
48. mín
ÆVAR INGI FELLUR HÉR Í TEIGNUM!!!!!! Guðjón Baldvinsson skallar boltann hér inn fyrir þar sem Ævar vinnur kapphlaupið og rekur boltann inn í teig. Fellur niður en ekkert dæmt. Hronspyrna í kjölfarið!
47. mín
Þetta fer af stað af krafti, Hilmar Árni á hér gott skot af vinstra vítateigshorni sem Aron Birkir ver vel.
46. mín
Leikur hafinn
Seinni hálfleikur er hafinn hér á Þórsvelli og Stjörnumenn byrja nú með boltann. Þeir munu leika gegn vindi hér í seinni hálfleik.
45. mín
Hálfleikur
Flautað til hálfleiks! Ég ætla að vera óþolandi jákvæður, sem ég er svo alls ekki að eðlisfari, og segja að leikurinn hafi skánað eftir því sem leið á fyrri hálfleikinn. Vonumst eftir flugeldasýningu hér í seinni! VIÐ ÞURFUM MÖRK!!
45. mín
Óskar Elías liggur hér í eigin vítateig eftir aukaspyrnu Stjörnumanna sem Aron Birkir greip. Þarf aðhlynningu og fer út af við hliðarlínu. Lá í töluverðan tíma svo ég held að fyrri hálfleikur fjari hér út í kjölfarið.
43. mín
Alvaro með skot framhjá úr vítateigsboganum. Hann er mikið einn gegnum mörgum varnarmönnum og það hefur verið honum erfitt hér í fyrri hálfleik.
40. mín Gult spjald: Nacho Gil (Þór )
Fyrsta spjald leiksins er spænskt. Kemur spánskt fyrir sjónir, alltof seinn í tæklingu þarna hann Nacho.
39. mín
Hilmar Árni með vinstri fótar langskot. Það er hátt yfir markið.
36. mín
Undur og stórmerki. Baldur Sigurðsson, Smalinn, er staddur utanvallar þessa stundina þar sem þarf að hlúa ð höfði hans. Honum til varnar tók hann boltann á trýnið og verið er að fylla upp í nasirnar sýnist mér.
35. mín
Þórsurum verður að hrósa fyrir fyrstu 35. Spila gegn vindinum og eru þéttir fyrir til baka og farnir að ógna meira fram á við.
31. mín
DAUÐAFÆRI HJÁ STJÖRNUNNI!!! Hilmar með hornspyrnu sem Baldur Sig skallar á mitt markið, Aron nær bara að slá hann rétt til hliðar og Þorsteinn Már fær dauðafæri en neglir boltann yfir markið. Agalegt klúður!!
30. mín
Þórsarar fá hér aukaspyrnu á hægri kantinum, Aron með lúmska spyrnu sem skoppar í teignum í gegnum miðjan pakkann og aftur fyrir. Þarna hefði bara þurft stóru tánna í boltann!
29. mín
Það kemur ekkert markvert upp úr því horni. Aðeins að færast líf í þetta þó.
27. mín
Gott færi hjá Alvaro!! Jónas Björgvin með frábæran undirbúning, hælar boltann í gegnum klofið á Þórarni Inga og sendir innfyrir á Alvaro en skot hans er varið í horn. Aron með stórhættulegt horn á markið en Halli nær að slá í annað horn!
26. mín
...sem ekkert hættulegt kemur úr. Boltinn barst þó til Nacho Gil utan teigs en veikburða vinstri fótar skot hans langt framhjá.
25. mín
Þórsarar fá hornspyrnu!
24. mín
Hilmar Árni með frábæra aukaspyrnu inn á teig þar sem Brynjar Gauti rís einn og skallar framhjá. Flaggaður rangstæður, mögulega honum til happs því maður skorar úr svona!!
23. mín
Stjarnan fær hér tvær hornspyrnur sem ekkert kemur úr, Alvaro brunar upp völlinn eftir seinni og nær 50-60 metra sprett með boltann áður en hann er hirtur af honum. Hratt upp hinum megin og Guðjón Baldvins fær aukaspyrnu á miðjum vallarhelmingi.
20. mín
Hilmar Árni með ágætis tilraun utan teigs. Fer af varnarmanni og Aron Birkir er með þennan örugglega.
17. mín
Skallað aftur fyrir og önnur hornspyrna. Ekkert kemur úr þessu. Það er ekki mikið um að vera eins og er.
17. mín
Stjarnan fær hér aftur hornspyrnu. Nú reynir Hilmar inswing.
15. mín
Alex Þór á hérna magnaða stungusendingu, Ævar og Aron Birkir lenda saman og Ævar fer í frontflip og lendir á bakinu. Það á ekki af þessum dreng að ganga. Haltrar hér útaf, en virðist þó líklegur til þess að halda leik áfram.
12. mín
Jónas Björgvin vinnur hér horn af harðfylgi. Daníel Laxdal er mjög ósáttur mepð að fá ekki aukaspyrnu. Aron með lélega hornspyrnu sem endar aftan við mark Stjörnunnar.
10. mín
Fyrsta markskotið er Þórsara! Aron Kristófer með kross frá vinstri, mér sýnist Manni skalla boltann aftur fyrir þar Alvaro fær boltann en snýr með mann í bakinu og hittir boltann illa. Yfir markið.
6. mín
Það kemur ekkert úr spyrnunni. Boltinn fer aftur fyrir mark heimamanna. Fer nokkuð hægt af stað, bæði lið að þreifa fyrir sér.
5. mín
Stjarnan fær hér fyrstu hornspyrnu leiksins. Hilmar Árni tekur.
4. mín
Ég er ekki að ruglast á köntum eins og kunnuga gæti grunað. Sveinn Elías og Þorsteinn Már, sem vanalega eru hægra megin í sínum liðum byrja báðir á vinstri kanti.
3. mín
Stjarnan er einnig í 4-5-1 nokkurs konar.

Haraldur
Heiðar - Daníel - Brynjar - Þórarinn
Baldur - Alex Þór
Ævar - Hilmar - Þorsteinn
Guðjón
2. mín
Þórsarar stilla upp í 4-5-1:

Aron Birkir
Bjarki - Loftur - Óskar - Aron
Ármann - Orri
Jónas - Gil - Sveinn
Alvaro
1. mín
Leikur hafinn
Leikurinn er hafinn hér á Þórsvelli og það eru heimamenn sem byrjuðu með boltann!
Fyrir leik
Liðin ganga hér inn undir dynjandi lófataki. Ómþýð rödd vallarþularins les hér upp liðin og áhorfendur renna þétt að sér úlpunni.
Fyrir leik
Það er aðeins einn Geddi Ara get ég sagt ykkur. Stendur vaktina á grillinu eins og herforingi og bragðið maður minn! Korter í leik og aðeins farið að sjást af fólki í stúkunni.
Fyrir leik
40 mínútur í leik og enn lægir vind. Þjálfarateymi beggja liða hafa stillt upp keilum og allskonar fyrir upphitun. Þó eru það aðeins markmenn Stjörnunnar sem eru mættir í upphitun.
Fyrir leik
Byrjunarliðin eru klár og má sjá þau hér til hliðar! Lítið um breytingar frá síðasta leik sem félögin spiluðu, eingöngu Orri Sigurjónsson inn hjá Þór og óbreytt hjá Stjörnunni
Fyrir leik
Byrjunarliðin ættu að detta í hús hvað úr hverju þar sem klukkutími er í leik. Mjölnismenn eru að grilla hamborgara og vonandi veðrur góð mæting hér í kvöld. Engin rigning og vindurinn fer minnkandi. HM leikir dagsins verða búnir svo það eru fáar afsakanir eftir.
Fyrir leik
Stjörnuliðið er lent á Akureyri og því vitum við að leikurinn verður spilaður. Nokkuð hvasst hér á Akureyri og skýjað.
Fyrir leik
Vilhjálmur Alvar Þórarinsson mun dæma leikinn hér í kvöld. Honum til aðstoðar eru Gylfi Már Sigurðsson og Bjarki Óskarsson.

Sigurður Hjörtur Þrastarson er fjórði dómari og Magnús Sigurólason er eftirlitsmaður. Hæfilegt jafnvægi sunnan- og norðandómara, efast ekki um að formaður Vestra sé sammála mér þar.
Fyrir leik
Búið er að fresta leiknum til kl.20.00. Geri ráð fyrir að það sé vegna flugsamgangna sem hafa verið í lamasessi í dag.
Fyrir leik
Stjarnan kom til leiks í 32-liða úrslitum. Mættu þá Fylki á heimavelli og unnu 2-1 sigur í hörkuleik. Í 16-liða úrslitum fengu þeir Þrótt Reykjavík í heimsókn og unnu auðveldan 5-0 sigur þar sem Guðmundur Steinn Hafsteinsson gerði þrennu. Vonandi að leikur kvöldsins verði jafnari en það!
Fyrir leik
Þór hefur farið langa leið hér inn í 8-liða úrslitin. Mættu Dalvík/Reyni í 2.umferð þar sem þeir fóru með 3-1 sigur af hólmi. Í 32-liða úrslitum mættu Þórsarar HK í Boganum í hörkuleik. Þar var það 3-2 sigur áður en þeir heimsóttu Pepsideildarlið Fjölnis í 16-liða úrslitum. 1-1 jafntefli þar sem ráða þurfti úrslit í vítaspyrnukeppni. Aron Birkir Stefánsson, hinn ungi markvörður Þórs, var þar hetjan en hann varði hvorki fleiri né færri en 3 vítaspyrnur!
Fyrir leik
Við að sjálfsögðu vonumst eftir hörkuleik hér í dag. Liðin spila vissulega í sitt hvorri deildinni svo þetta er Davíð gegn Golíat. Þór situr í 4.sæti Inkasso deildarinnar á meðan Stjarnan er í 2.sæti Pepsi deildarinnar eftir brösótta byrjun.
Fyrir leik
Góðan daginn og velkomin í beina textalýsingu frá átta liða úrslitum í Mjólkurbikar karla. Hér í dag mætast Þór og Stjarnan á Þórsvelli.
Byrjunarlið:
Haraldur Björnsson
2. Heiðar Ægisson
2. Brynjar Gauti Guðjónsson
7. Guðjón Baldvinsson
8. Baldur Sigurðsson
9. Daníel Laxdal
10. Hilmar Árni Halldórsson ('115)
11. Þorsteinn Már Ragnarsson
15. Þórarinn Ingi Valdimarsson
16. Ævar Ingi Jóhannesson ('64)
29. Alex Þór Hauksson (f) ('120)

Varamenn:
13. Terrance William F. Dieterich (m)
23. Guðjón Orri Sigurjónsson (m)
3. Jósef Kristinn Jósefsson
4. Jóhann Laxdal ('120)
5. Óttar Bjarni Guðmundsson ('115)
6. Þorri Geir Rúnarsson ('64) ('78)
18. Sölvi Snær ('78)

Liðsstjórn:
Rúnar Páll Sigmundsson (Þ)
Veigar Páll Gunnarsson
Fjalar Þorgeirsson
Davíð Sævarsson
Jón Þór Hauksson
Andri Freyr Hafsteinsson
Stefán Sigurður Ólafsson

Gul spjöld:
Brynjar Gauti Guðjónsson ('83)

Rauð spjöld: