Ég er ekki frá því að það hafi bætt aðeins í vindinn hérna í Grindavík. Líklega betra fyrir menn í dag að halda boltanum niðri. Í það minnsta vona boltastrákar Grindavíkur að leikmenn liðanna geri það.

Byjunarlið liðanna mætt í hús.

Heimamenn í Grindavík gera nokkrar breytingar á liði sínu sem tapaði gegn KR í síðustu umferð, , Will Daniels og Aron Jóhannsson fá sér sæti á bekkinn og inn í þeirra stað koma þeir Nemanja Lationvic Og René Joensen. Jóhann Helgi Hannesson er svo farinn aftur norður yfir heiðar til Þórs og kemur Alexander Veigar Þórarinsson inn í hans stað.

Víkingar gera sömuleiðis breytingar á sínu liði en þeir Sindri Scheving, Alex Freyr Hilmarsson og Aron Már Brynjarsson fá sér sæti á bekknum fyrir þá Jorgen Richardsen, Erling Agnarsson og Arnþór Inga Kristinsson.

Mættur á völlinn hér í Grindavík og það verður að segjast að það blæs aðeins þó langt því frá eins mikið og í gær.

Efast nú samt um að vindurinn hafi teljandi áhrif á leikinn enda ættu menn að vera vanir svona aðstæðum.

Leikurinn átti að fara fram í gær þriðjudag en vegna veðurs var honum seinkað þar til í dag en töluverður vindur var í Grindavík í gær sem hefði gert leikmönnum erfitt fyrir.

Heilir og sælir lesendur góðir og verið hjartanlega velkomin í þráðbeina textalýsingu Fótbolta.net frá leik Grindavíkur og Víkings í Pepsideild karla.