Jassim Bin Hamad
þriðjudagur 15. janúar 2019  kl. 16:45
Vináttuleikur
Aðstæður: Logn og flottur völlur
Dómari: Abdulla Al-Marri
Ísland 0 - 0 Eistland
Myndir: Fótbolti.net - Elvar Geir Magnússon
Byrjunarlið:
2. Birkir Már Sævarsson
11. Guðmundur Þórarinsson ('46)
14. Davíð Kristján Ólafsson
19. Hilmar Árni Halldórsson ('46)
22. Kolbeinn Finnsson

Varamenn:
13. Anton Ari Einarsson (m) ('80)
8. Eggert Gunnþór Jónsson
10. Arnór Smárason ('46)
15. Adam Örn Arnarson
21. Willum Þór Willumsson ('69)
23. Eiður Aron Sigurbjörnsson

Liðstjórn:

Gul spjöld:
Aron Elís Þrándarson ('20)

Rauð spjöld:


@maggimar Magnús Már Einarsson
92. mín Leik lokið!
Dómarinn frá Katar flautar til leiksloka. Þessi leikur verður ekki gefinn út á DVD um næstu jól, færin fá og rólegt yfir þessu.

Þriðja jafnteflið í röð í vináttuleikjunum hjá íslenska liðinu. Erik Hamren þarf ennþá að bíða eftir fyrsta sigrinum.

Skýrsla og viðtöl frá Doha innan tíðar!
Eyða Breyta
92. mín
Arnór tekur spyrnuna en langt yfir. Líklega síðasta marktilraun leiksins.
Eyða Breyta
91. mín
Ísland fær aukaspyrnu nokkrum metrum fyrir utan vítateig. Hendi á leikmann Eista.

Kolbeinn og Arnór Smára standa yfir boltanum. Fáum við sigurmark?
Eyða Breyta
90. mín
Tvær mínútur í viðbótartíma. Lítið miðað við að Ingvar lá lengi eftir áðan.
Eyða Breyta
85. mín
Kolbein með frábæra sendingu en Andri skallar framhjá.

,,Höldum áfram að hamra á þá," öskrar Freyr inn á. ,,Good Kolli," öskrar Hamren.
Eyða Breyta
83. mín
Eistar með skalla framhjá. Þeir hafa verið að færa sig upp á skaftið undanfarnar mínútur.
Eyða Breyta
83. mín
Arnór er að senda Andra í gegn en Bolvíkingurinn fellur í baráttu við varnarmenn Eista við vítateigslínu. Dómarinn frá Katar dæmir ekkert! Það var klárlega hægt að gera tilkall í aukaspyrnu þarna.
Eyða Breyta
80. mín Anton Ari Einarsson (Ísland) Ingvar Jónsson (Ísland)

Eyða Breyta
79. mín
Adam Örn Arnarson var að búa sig undir að koma inn á en Ingvar virðist ekki geta haldið leik áfram vegna höfuðhöggs. Það blæðir úr höfðinu á honum. Anton Ari kemur því inn á. Þetta er sjötta og síðasta skipting Íslands í leiknum.

Hjörtur, sem lá einnig meiddur eftir, getur haldið leik áfram.
Eyða Breyta
77. mín
Ingvar Jónsson og Hjörtur Hermanns liggja eftir í teignum eftir samstuð. Sjúkraþjálfarar Íslands huga að þeim.
Eyða Breyta
76. mín Rasmus Peetson (Eistland) Artjom Dmitrijev (Eistland)

Eyða Breyta
75. mín
Boltinn í stöngina! Frank Liivak á skot frá vítateigslínu sem fer í varnarmann Íslands og þaðan í utanverða stöngina. Þarna munaði litlu!
Eyða Breyta
75. mín
Kolbeinn með laglegan snúning á miðjunni og sendir inn á Andra. Andri á skot utarlega úr teignum en boltinn fer framhjá fjærstönginni.

Íslenska liðið líklegra til að brjóta ísinn hér í Katar.
Eyða Breyta
72. mín
Andri nær snúning og skoti í teignum eftir hörkusókn. Meerits er vel staðsettur og ver.
Eyða Breyta
70. mín


Eyða Breyta
69. mín Alex Þór Hauksson (Ísland) Aron Elís Þrándarson (Ísland)

Eyða Breyta
69. mín Willum Þór Willumsson (Ísland) Jón Dagur Þorsteinsson (Ísland)
Þetta hafðist loksins. Sex mínútna bið eftir skiptingu.
Eyða Breyta
67. mín
Willum og Alex hafa beðið á hliðarlínunni í fjórar mínútur eftir skiptingu. Boltinn fer ekkert úr leik!
Eyða Breyta
65. mín
Góður spilkafli hjá íslenska liðinu. Arnór leggur boltann á Kolbein sem tekur hlaupið upp miðjuna. Kolbeinn á síðan skot fyrir utan teig sem Meerits nær að verja til hliðar. Hann nær svo að handsama boltann á endanum.
Eyða Breyta
61. mín
Flott sókn hjá íslenska liðinu. Birkir Már á fyrirgjöf á fjærstöng en þar er Arnór dæmdur brotlegur.
Eyða Breyta
61. mín Trevor Elhi (Eistland) Taijo Teniste (Eistland)

Eyða Breyta
60. mín
Alex og Willum að búa sig undir að koma inn á. Báðir að fara að spila sinn fyrsta landsleik.
Eyða Breyta
58. mín
Kolbeinn skorar en búið að flagga rangstöðu á Andra Rúnar sem lagði boltann á hann. Réttur dómur.
Eyða Breyta
56. mín
Hætta eftir langt innkast hjá Eistlandi en boltinn fer á endanum aftur fyrir.
Eyða Breyta
53. mín
Flott sókn hjá Íslandi. Kolbeinn á fyrigjöf með vinstri fæti frá vítateigshorninu. Kolbeinn skrúfar boltann inn að marki og Andri Rúnar er hársbreidd frá því að ná til hans á fjærstönginni.

Kolbeinn hefur verið mjög grimmur á hægri kantinum í dag. Ákveðinn í að sanna sig.
Eyða Breyta
53. mín
Ingvar Jónsson að bjóða hættunni heim. Lengi að sparka út og Henri Anier er nálægt því að ná boltanum af honum. Ingvar sleppur með skrekkinn.
Eyða Breyta
50. mín
Meiri kraftur í íslenska liðinu í byrjun seinni. Lofar góðu.
Eyða Breyta
47. mín
Dauðafæri! Samúel Kári á flotta fyrirgjöf eftir stutta hornspyrnu. Aron Elís er einn og óvaldaður á markteig en skalli hans fer framhjá.

Íslenska liðið byrjar síðari hálfleikinn af flottum krafti!
Eyða Breyta
46. mín
Þreföld skipting hjá íslenska liðinu í hálfleik og fjórföld hjá Eistum!

Andri og Arnór núna fremstu menn Íslands, líkt og í byrjun gegn Svium. Samúel Kári kemur inn á miðjuna fyrir Gumma.
Eyða Breyta
46. mín Henrik Purg (Eistland) Joonas Tamm (Eistland)

Eyða Breyta
46. mín Frank Liivak (Eistland) Mark Oliver Roosnupp (Eistland)

Eyða Breyta
46. mín Henri Anier (Eistland) Tristan Koskor (Eistland)

Eyða Breyta
46. mín Markus Poom (Eistland) Konstantin Vassiljev (Eistland)

Eyða Breyta
46. mín Arnór Smárason (Ísland) Hilmar Árni Halldórsson (Ísland)

Eyða Breyta
46. mín Samúel Kári Friðjónsson (Ísland) Guðmundur Þórarinsson (Ísland)

Eyða Breyta
46. mín Andri Rúnar Bjarnason (Ísland) Óttar Magnús Karlsson (Ísland)

Eyða Breyta
45. mín


Eyða Breyta
45. mín Hálfleikur
Tíðindalítill fyrri hálfleikur að baki. Vonandi fáum við íslenskt mark eða mörk í þeim síðari!

Íslenska liðið hefur fengið nokkur föst leikatriði sem hafa ekki náð að nýtast. Færin hafa hins vegar verið af skornum skammti.
Eyða Breyta
44. mín
Samúel Kári og Andri Rúnar fara að hita. Líklegir inn á sem varamenn í hálfleik.
Eyða Breyta
43. mín
Axel Óskar með langt innkast en Marko Meerits kemur út úr markinu og grípur boltann.
Eyða Breyta
40. mín
Mjög rólegt yfir þessu núna. Þéttir varnarnmúrar.
Eyða Breyta
35. mín
Fimm stuðningsmenn Eista láta nú í sér heyra í stúkunni fyrir aftan markið. Fjör!
Eyða Breyta
34. mín
Besta færi Eista hingað til. Fyrirgjöf frá hægri sem Mark Oliver Roosnupp skallar yfir. Mark var ekki í góðu jafnvægi og náði ekki að stýra skallanum á markið.
Eyða Breyta
32. mín
Íslenska liðið hefur náð að halda boltanum ágætlega á köflum en það vantar meiri ógn á síðasta þriðjungi.
Eyða Breyta
30. mín
Jón Dagur á hættulega aukaspyrnu sem siglir á fjærstöngina en þar er enginn Íslendingur mættur. Annað skipti sem þetta gerist í leiknum.
Eyða Breyta
26. mín
Hilmar Árni fær langa sendingu inn fyrir vörn Eistlendinga. Hilmar kemst fram fyrir varnarmenn en endar í þröngu færi. Skot hans fer síðan framhjá markinu. Besta marktækifærið hingað til i leikjum.
Eyða Breyta
24. mín
Við bíðum ennþá eftir fyrsta alvöru færinu í þessum leik. Rólegt yfir þessu.
Eyða Breyta
20. mín Gult spjald: Aron Elís Þrándarson (Ísland)
Aron með tæklingu þar sem hann fer í boltann en dómarinn frá Katar dró gula spjaldið upp á mettíma.
Eyða Breyta
17. mín
Íslenska liðið er að herða tökin á leiknum.
Eyða Breyta
15. mín
Íslenska liðið heldur boltanum í langan tíma og Eistar eru allir komnir aftur fyrir miðju. Axel Óskar kemur upp með boltann og reynir skot af 35 metra færi. Talsvert yfir markið.
Eyða Breyta
11. mín
Ísland fær fyrstu hornspyrnu dagsins. Boltinn fer á fjærstöngna en siglir svo aftur fyrir endamörk.
Eyða Breyta
7. mín
Aukaspyrna Gumma fer yfir markið. Fyrsta markskotið hér í dag.

Íslenska liðið færir sig nú framar og pressa á Eista eftir að þeir taka markspyrnu. Eistar reyna að spila út úr pressunni. Þeir hafa spilað mikið af stuttum sendingum hingað til í leiknum og ekki verið í þeim löngu.
Eyða Breyta
6. mín
Ísland fær aukaspyrnu 23 metrum frá marki eftir að botið er á Hilmari Árna. Sjáum hvað gerist. Gummi ætlar að spyrna.
Eyða Breyta
6. mín
Gummi Tóta fer á milli hafsentana og reynir að stjórna uppspili íslenska liðsins.
Eyða Breyta
2. mín
Eistar héldu boltanum fyrstu tvær mínúturnar en gerðu nákvæmlega ekkert til að ógna marki. Spörkuðu svo á endanum út af.

Íslenska liðið byrjar pressuna við miðju og varnarmúrinn er þéttur.
Eyða Breyta
1. mín
Eistar spila 3-4-3 í dag líkt og gegn Finnum. Ísland í 4-4-1-1.
Eyða Breyta
1. mín Leikur hafinn
Leikurinn er hafinn. Hægt er að heyra allt á vellinum þar sem áhorfendur eru í kringum 20.
Eyða Breyta
Fyrir leik
Eistneski þjóðsöngurinn ansi stuttur, meðan við fengum íslenska í fullri lengd. Styttist í að leikurinn hefjist.
Eyða Breyta
Fyrir leik
Abdulla Al-Marri er dómari í dag en hann er heimamaður frá Katar.
Eyða Breyta
Fyrir leik
Birkir Már er fyrirliði Íslands í leiknum í dag líkt og í 2-2 jafnteflinu gegn Svíum á föstudag. Hann spilar sinn 88. landsleik og fer upp að hlið Eiðs Smára Guðjohnsen sem þriðji leikjahæsti landsliðsmaður sögunnar.
Eyða Breyta
Fyrir leik
Byrjunarlið Eista má sjá hér til hliðar. Fyrirliðinn Konstantin Vassiljev er reynslumestur í liðinu í dag.
Eyða Breyta
Fyrir leik
Íslenska liðið mætt út á völl í upphitun. Eistar eru ennþá inni í klefa.

Ísland verður í hvítum búningum í dag líkt og gegn Svíþjóð á föstudaginn.
Eyða Breyta
Fyrir leik
Leikurinn í dag fer fram á Jassim Bin Hamad leikvanginum, en Al Sadd og Al Rayyan spila heimaleiki sína þar í úrvalsdeildinni í Katar. Á meðal leikmanna Al Sadd er spænski snillingurinn Xavi.

Leikvangurinn tekur 13 þúsund manns í sæti en búast má við að þau verði flest auð í leiknum í dag.
Eyða Breyta
Fyrir leik
Auk Davíðs Kristjáns gætu fleiri nýliðar fengið sénsinn í dag. Alex Þór Hauksson og Willum Þór Willumsson eru á bekknum en þeir eiga ekki landsleik að baki.

Eiður Aron Sigurbjörnsson, Kolbeinn Birgir og Axel Óskar Andrésson spiluðu allir sinn fyrsta landsleik gegn Svíum.
Eyða Breyta
Fyrir leik
Í eistneska hópnum er meðal annars miðjumaðurinn Konstantin Vassiljev hjá Piast Gliwice. Hinn 34 ára gamli Konstantin á 109 landsleiki að baki en hann er langt á eftir landsleikjahæsta leikmanni Eista frá upphafi. Martin Reim er sá leikjahæsti í sögu Eistlands með 157 landsleiki en hann þjálfar í dag liðið.

Í liði Eistlands eru einnig leikmenn að stíga sín fyrstu skref á landsliðssviðinu en nokkrir þeirra spiluðu sinn fyrsta landsleik í 2-1 sigrinum á Finnlandi á föstudaginn.

Þar á meðal er Markus Poom, 19 ára miðjumaður Flora Tallin í Eistlandi. Markus kom inn á í hálfleik gegn Finnum og gæti byrjað í dag.

Markus er sonur Mart Poom sem varði mark Derby og Sunderland á árunum 1997-2006 áður en hann lauk ferlinum á því að stoppa við hjá Arsenal og Watford.
Eyða Breyta
Fyrir leik
Sjö breytingar eru á liði Íslands síðan í jafnteflinu gegn Svíum. Birkir Már Sævarsson, Hjörtur Hermannsson, Guðmundur Þórarinsson, Óttar Magnús Karlsson eru áfram í liðinu en sjö nýir koma inn.

Davíð Kristján Ólafsson, vinstri bakvörður Breiðabliks, spilar sinn fyrsta landsleik í dag. Kolbeinn Birgir Finnsson, leikmaður Brentford, fær einnig tækifæri á hægri kantinum en hann kom seint inn í landsliðshópinn eftir að Kári Árnason meiddist.


Eyða Breyta
Fyrir leik
Góðan daginn! Við heilsum hér frá Jassim Bin Hamad leikvanginum í Doha í Katar en þar mætast Ísland og Eistland í vináttuleik klukkan 16:45.

Báðar þjóðir hafa verið í Doha í rúma viku. Ísland gerði 2-2 jafntefli við Svíþjóð á föstudag en þá unnu Eistar lið Finna 2-1.
Eyða Breyta
Byrjunarlið:
4. Joonas Tamm ('46)
5. Madis Vihmann
7. Sander Puri
14. Konstantin Vassiljev ('46)
15. Hindrek Ojamaa
19. Tristan Koskor ('46)
20. Artjom Dmitrijev ('76)
23. Taijo Teniste ('61)

Varamenn:
12. Sergei Lepmets (m)
3. Henrik Purg ('46)
6. Brent Lepistu
8. Henri Anier ('46)
10. Markus Poom ('46)
13. Trevor Elhi ('61)
16. Rasmus Peetson ('76)
18. Robert Kriss
22. Matve Igonen

Liðstjórn:

Gul spjöld:

Rauð spjöld: