Stjarnan hefur spilað tvo alvöru leiki á þessari leiktíð og mótherjar þeirra fengið rautt spjald í þeim báðum, gegn KR og Val. Illa hefur Stjörnunni þó gengið að skora manni fleiri en gaman verður að sjá hvort að þeir nái að raða inn mörkum í dag.

Gaman að sjá að ÍBV byrjar með þrjá uppalda Eyjamenn allir fæddir árið 1999 en það eru þeir Róbert Aron Eysteinsson, Sigurður Arnar Magnússon og Felix Örn Friðriksson sem er mættur aftur heim frá Danmörku þar sem hann spilaði með Vejle.

Líklegt er að Eyjamenn verði í leikkerfinu 5-3-2, með Glenn og Franks uppi á topp.

Sindri Snær Magnússon og Guðmundur Magnússon leikmenn ÍBV eru báðir í leikbanni í dag. Þá er Alfreð Már Hjaltalín meiddur.

Í liði Stjörnumanna eru 4 fyrrum leikmenn ÍBV en það eru þeir Guðmundur Steinn, Þórarinn Ingi, Brynjar Gauti og Guðjón Orri. Þórarinn og Guðjón Orri eru báðir uppaldir Eyjamenn.

Rúnar Páll Sigmundsson, þjálfari Stjörnunnar gerir 5 breytingar á liði sínu frá jafnteflinu gegn KR.

Daníel Laxdal tekur stöðu Brynjars Gauta Guðjónssonar. Baldur Sigurðsson sem meiddist á hálsi í leiknum gegn KR fer á bekkinn. Þá koma þeir Ævar Ingi Jóhannesson, Sölvi Snær Guðbjargarson og Elís Rafn Björnsson einnig inn í liðið.

Pedro Hipolito, þjálfari ÍBV, gerir fjórar breytingar á liði sínu frá tapinu gegn Fylki. Rafael Veloso kemur inn í markið fyrir Halldór Pál og þá koma þeir Evariste Ngolok, Róbert Aron Eysteinsson og Felix Örn Friðriksson inn í liðið.

Liðin tvö eru meistarar síðustu tveggja ára, Stjörnumenn eru ríkjandi bikarmeistarar en ÍBV vann árið áður.

Góðan daginn og verið velkomin í bikarleik ÍBV og Stjörnunar. Liðin áttu bæði heimaleik í fyrstu umferð Pepsi Max deildarinnar en Eyjamenn tóku á móti Fylki þar sem þeir töpuðu 0-3 og Stjarnan fékk KR í heimsókn og endaði leikurinn með 1-1 jafntefli.