Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Í BEINNI
Lengjubikar kvenna - A-deild úrslit
Valur
13:00 0
0
Breiðablik
Leiknir R.
1
2
Njarðvík
0-1 Toni Tipuric '32
0-2 Stefán Birgir Jóhannesson '41
Sævar Atli Magnússon '89 , misnotað víti 0-2
Sævar Atli Magnússon '89 1-2
Valur Gunnarsson '90
17.05.2019  -  19:15
Leiknisvöllur
Inkasso deildin - 1. deild karla
Aðstæður: Þungt yfir - blautur grasvöllur og léttur andvari á annað markið
Dómari: Elías Ingi Árnason
Maður leiksins: Brynjar Atli Bragason
Byrjunarlið:
Eyjólfur Tómasson
Sólon Breki Leifsson
2. Nacho Heras
3. Ósvald Jarl Traustason ('77)
4. Bjarki Aðalsteinsson (f)
7. Stefán Árni Geirsson
10. Sævar Atli Magnússon (f)
15. Kristján Páll Jónsson (f)
17. Gyrðir Hrafn Guðbrandsson ('45)
20. Hjalti Sigurðsson ('45)
29. Vuk Oskar Dimitrijevic

Varamenn:
30. Brynjar Örn Sigurðsson (m)
5. Daði Bærings Halldórsson
6. Ernir Bjarnason ('45)
8. Árni Elvar Árnason ('45)
10. Daníel Finns Matthíasson ('77)
19. Ernir Freyr Guðnason
26. Viktor Marel Kjærnested

Liðsstjórn:
Sigurður Heiðar Höskuldsson (Þ)
Stefán Gíslason (Þ)
Valur Gunnarsson
Guðni Már Egilsson
Bjartey Helgadóttir

Gul spjöld:
Bjarki Aðalsteinsson ('14)

Rauð spjöld:
Valur Gunnarsson ('90)
90. mín Rautt spjald: Valur Gunnarsson (Leiknir R.)
Elías Ingi vísar Vali Gunnarsson sem virtist segja eitthvað við dómaratríóið eftir að leik var lokið
Leik lokið!
Viðtöl og fleira á leiðinni

Takk fyrir samveruna. Stórskemmtilegur leikur.
Leik lokið!
Elías flautar til leiksloka. 2 og hálf í viðbót.

Brynjar Atli liggur eftir. Greip vel inn í og fékk svo Sólon Breka í sig.
90. mín
+1

Leiknismenn sækja og gestinir liggja með allt sitt niðri.
Njarðvík verst hættulegri fyrirgjöf Kristjáns og svo rennur sóknin út í sandinn
90. mín
Venjulegum leiktíma er lokið. Uppbótartíminn 3-4 mínútur á að giska
89. mín MARK!
Sævar Atli Magnússon (Leiknir R.)
Frákastið vinveitt Sævari sem neglir boltann í annari tilraun í netið
89. mín Misnotað víti!
Sævar Atli Magnússon (Leiknir R.)
Brynjar ver þessa. Étur hana!
88. mín
Leiknismenn vilja vítaspyrnu. Bras á vörn gestanna. Hreinsa að því er virðist í hönd samherja. Leiknismenn vilja víti.

Fá svo vítið upp úr hornspyrnu þegar Sævar tekur snertingu í bakið og fellur við.
87. mín
Inn:Guillermo Lamarca (Njarðvík) Út:Andri Fannar Freysson (Njarðvík)
Fyrirliðinn út - gott dagsverk
84. mín
Leiknismenn eru að renna út á tíma. Þeir hafa lagt allt í sölurnar hérna. En hafa að mörgu leyti verið sjálfum sér verstir.
83. mín
Pressan þung! Árni Elvar með hörkuskot sem stefndi upp í samskeytin. Frábær varsla frá Brynjari.

Uppúr horninu fær svo Vuk séns en Brynjar Atli gerir vel og bjargar eftir að fyrirgjöf Vuk tók stefnubreytingu og hafnaði að marki.
79. mín
Geggjaður bolti frá Daníel Finns sem finnur Sævar Atli sem tekur snertingu í teignum en stendur í fæturna og klárar að marki. Varið af Brynari Atla.
77. mín
Inn:Daníel Finns Matthíasson (Leiknir R.) Út:Ósvald Jarl Traustason (Leiknir R.)
77. mín
Kristján Páll með góðan sprett upp. Skilar svo íslenskri fyrirgjöf afturfyrir endamörk. Lýsandi um afgreiðsluna á síðasta þriðjung. Eru að skila framlaginu við að komast í leikstöðurnar Leiknismenn en skortir uppá framkvæmdina á síðasta bolta
75. mín
Stefán Árni með flottan bolta inn á teiginn. Kristján Páll hársbreidd frá því að koma boltanum á markið úr teignum. Vantar þetta smotterí uppá.
72. mín
Hörkutempó á þessum leik. Leiknismenn opnir og gestirnir líklegir í skyndisóknunum. Heimamenn eru að leggja allt í sölurnar en hafa ekki náð að klára þessar opnanir og hefur aðallega verið um að kenna að gæði á síðasta þriðjung hafa ekki verið næg.
67. mín
Inn:Ari Már Andrésson (Njarðvík) Út:Alexander Helgason (Njarðvík)
67. mín
Virkilega flott spil hjá heimamönnum. Vuk setur boltann í 45 gráðurnar og finnur þar Sævar sem var búinn að skera tilbaka. Skotið hjá Sævar fast á nær en boltinn yfir markið.
65. mín
Pressan mikil á mark Njarðvíkur. Stefán Árni með slaka tilraun og uppúr því finnur Ósvald Nacho á fjær en spáverjinn dæmdur rangstæður. Fyrsta rangstaðan.
65. mín
Þung pressa frá Leiknismönnum. Þeir færast nær. Sólon með góða tilraun úr teignum. En Brynjar Atli starfi sínu vaxinn og ver í horn. Enn ein hornspyrnan.
62. mín
Leiknismenn að hlaða pressunni á gestina. Vinna hér tíundu hornspyrnuna.
61. mín Gult spjald: Andri Fannar Freysson (Njarðvík)
Reynir að stöðva upphlaup Leiknis. Réttilega spjaldaður
60. mín
Kristján Páll í óvæntu færi. Fær boltann í teignum. Skýtur að marki með vinstri en boltann rétt framhjá. Brynjar Atli var ekki með þennan.
58. mín
Kenneth Hogg hefði getað klárað þetta hérna. Random ping-pong setur Hogg í efnilega stöðu. Hann keyrir að marki, klikkar aðeins á síðustu snertingunni og á svo slakt skot beint á Eyjólf. Ætlaði í klassíska Thierry Henry klárun
54. mín
Sannkallað Mordor svartnætti hérna í Breiðholtinu. Þungskýjað og skyggni svo sem ágætt en ansi hreint dimmt yfir.

Leiknismenn reyna að bíta frá sér hérna og ná inn þessu þriðja marki sem myndi jú opna leikinn.
53. mín
Stefán Árni með tilraun. Beint á Brynjar Atla.
52. mín
Úff. Sólon þarna í bölvuðu brasi. Keyrir á varnarmenn Njarðvíkur og boltinn endar svo hjá Vuk Óskari sem ætlar að leggja boltann í markvinkilinn en boltinn hárfínt yfir og framhjá
50. mín
Vuk keyrir á Pawel - það er snerting og hann fellur innan teigs. Leiknismenn vilja vítaspyrnu. Hefði verið strangur dómur frá mínu sjónarhorni.
49. mín
Alexander Helgason með tilraun. Snertir Leiknismann og boltinn í horn. Njarðvíkingar byrja þetta mikið betur.

Leiknismenn virðast vera komnir í 4-4-2
47. mín
Stefán Birgir með spyrnu af miðjunni inn á teiginn. Eyjólfur keyrir út og ætlar að kýla boltann frá. Nær ekki boltanum en tekur vesalings Ósvald og jarðar hann. Njarðvíkingar þarna nálægt lausa boltanum og með autt markið. Heimamenn þarna stálheppnir.
45. mín
Inn:Ernir Bjarnason (Leiknir R.) Út:Hjalti Sigurðsson (Leiknir R.)
Leiknismenn gera tvær breytingar í hálfleiknum. Hjalti Sig og Gyrðir fara útaf. Báðir búnir að vera í basli í dag.

Inn koma Ernir Bjarnason og Árni Elvar Árnason.
45. mín
Leikur hafinn
45. mín
Inn:Árni Elvar Árnason (Leiknir R.) Út:Gyrðir Hrafn Guðbrandsson (Leiknir R.)
45. mín
Hálfleikur
Elías Ingi blæs til hálfleiks. Njarðvíkingar með þetta í höndum sér hér í Breiðholtinu. Leiknismenn þurfa að fara yfir málin og leita lausna.

45. mín
+1

Leiknismenn sækja enn eina hornspyrnuna. Boltinn siglir inn niðri og Leiknismaður hittir bara ekki boltann sem endar hjá Hjalta - sem ætlar að teikna hann með hægri en sakleysilega mallar boltinn framhjá.
44. mín Gult spjald: Pawel Grudzinski (Njarðvík)
Brýtur á Vuk sem var kominn á siglinguna. Réttilega áminntur.
43. mín
Leiknismenn eru særðir hérna. Allt að ganga upp hjá gestunum. Þéttir varnarlega þegar þeir eru í jafnvægi og skeinuhættir og snöggir að skipta úr varnarham í sóknarham.
41. mín MARK!
Stefán Birgir Jóhannesson (Njarðvík)
Þetta á Stefán skuldlaust. Leiknismenn hreinsa og Stefán fer beint í pressuna eftir að hafa tekið aukaspyrnuna inn í teiginn. Vinnur návígið og finnur sig með ekrur af plássi vinstra megin í teignum. Rekur boltann að markinu og enginn pressar hann. Sýnir sendinguna í 45 gráðurnar en hleður svo bara í neglu upp í þaknetið. Glæsilega gert!
41. mín
Gestirnir með aukaspyrnu og hlaða inn í boxið. Hætta en Leiknismenn hreinsa
40. mín
Sólon í færi. Gott upphlaup hjá Leiknismönnum. Sævar Atli finnur Sólon í flottu hlaupi í gegnum miðjuna. Sólon hamrar boltanum með vinstri úr vítateignum vinstra megin. Boltinn hinsvegar framhjá markinu.
39. mín
Þéttar raðir hjá gestunum. Leiknismenn ná ekki að finna glufina og þá akkurat opnast eitthvað. Gyrðir á flottan bolta á Ósvald sem er með svæði vinstra megin. Ósvald sendir fyrir en gestirnir koma boltanum í horn.
34. mín Gult spjald: Rafn Markús Vilbergsson (Njarðvík)
Rafn refur þarna. Innkast við boðvanginn. Ósvald ætlar að taka innkastið hratt eftir að hafa fengið boltann frá boltasækjara. Rafn hinsvegar hendir boltanum inn á sem hafði farið útaf og hafnað í höndum hans. Ósvald reyndar heppinn að fá ekki spjald þar sem hann henti boltanum í Rafn Markús af nokkru afli í reiðikasti. Tilfinningar
34. mín
Leiknismenn verða að nýta þessar hornspyrnur betur. Fá þarna sína 5 eða 6 í leiknum og hafa hingað til ekki ógnað marki gestanna að neinu ráði.
32. mín MARK!
Toni Tipuric (Njarðvík)
Stoðsending: Stefán Birgir Jóhannesson
Hornspyrnan skilar marki. Stefán með fastan bolta inn. Toni stekkur upp og skilar boltanum í markið með bakinu.
30. mín
..og í því tapa þeir boltanum og gestirnir keyra upp. Efnileg leikstaða en Leiknisliðið nær að hægja þetta niður og koma sér í jafnvægi. Gestirnir eru hættulegir í skyndisóknunum. Vinna þarna hornspyrnu
30. mín
Leiknismenn stjórna ferðinni núna.
25. mín
Hornspyrnan slök og endar í innkasti á hinum vængnum.
25. mín
Elías stöðvar hér leik - eitthvað sem honum líkaði ekki þarna í boxinu.
25. mín
Stórhætta! Leiknismenn geysast upp. Finna Sólon Breka í 1v1 á móti Brynjari Frey. Sólon keyrir á hann en Brynjar Atli í markinu kemst í boltann sem fer svo að lokum yfir markið. Dauðafæri. Horn í kjölfarið sem gestirnir koma í annað horn. Liggur á Njarðvík.
24. mín
Pawel gerir vel á vinstir vængnum og sækir aukaspyrnu. Aðþrengdur af Leiknismönnum. Njarðvíkingar stilla upp.
23. mín
Stefán Árni með flottan sprett. Fer framhjá tveimur með Vuk í flottu hlaupi sem heldur varnarmönnum Njarðvíkur í gíslingu. Er svo að lokum stöðvaður
21. mín
Mikil barátta einkennir þennan leik. Bæði lið líkleg og hafa verið að finna opnanir. Leiknismenn finnst jafnvel visst óréttlæti í markinu sem var dæmt af og skal ég skilja vel þá gremju.

Þetta er leikur
20. mín
Langur bolti frá Bjarka. Sólon vinnur stöðuna vel. Njarðvíkingur fær boltann í sig og boltinn dettur fyrir Sólon sem er einn gegn marki. Skorar en markið er dæmt af. Elías vildi meina að Sólon hefði gerst brotlegur.

Vafasamt og vel það.
18. mín
Aukaspyrnan fer í vegginn. Áhugavert reyndar að Leiknir stillti upp fjórum í vegg. Njarðvíkingar stilltu sér upp utaná vegginn, sem er ólöglegt skv reglugerðarbreytingu (3 leikmenn eða fleiri í vegg og þá má andstæðingur ekki stilla sér upp utaná vegg). Kvöldlesningin fyrir Elías klár.
18. mín
Gestirnir vinna aukaspyrnu. 30m frá marki. Leystu vel úr pressu heimamanna og Vuk Óskar brotlegur. Bergþór stillir upp.
14. mín Gult spjald: Bjarki Aðalsteinsson (Leiknir R.)
Hárrétt. Klaufalegt hjá Leiknismönnum sem tapa boltanum eftir hornspyrnu. Hjalti hendir sér í grasið og spilar sig úr leik. Kenneth Hogg geysist upp í 2v2 stöðu og Bjarki stöðvar Kenneth áður en hann nær að losa boltann.
13. mín
Fyrsta skotið. Vuk Óskar fær flottan bolta frá vinstri sem siglir með grasinu. Vuk mætir og setur boltann á nær. Boltinn í bestu hæð hinsvegar fyrir Brynjar sem ver nokkuð auðveldlega í horn. Hættulegt!
11. mín
Efnilegt upphlaup hjá Leikni. Frábær bolti finnur Ósvald sem geysist upp í svæðið vinstra megin - reynir fyrirgjöf á hálfu skoppinu en boltinn beint til Brynjars Atla. Þarna vantaði betri fyrirgjöf.
10. mín
Sólon brotlegur hérna við hliðarlínuna við miðjuna. Brynjar Freyr eitthvað illa fyrir kallaður og fellur við og reynir að því er virðist að sparka til Sólons...en hittir ekki.
7. mín
Njarðvíkingar vinna fyrstu hornspyrnuna. Kenneth Hogg lendir í kjölfarið í basli með reimarnar sem tekur hann uþb 3 mín að græja. Hornspyrna fín en Leiknismenn koma boltanum af hættusvæðinu.
4. mín
Flott sókn hjá Leiknismönnum. Vuk Óskar ógnar í hægra horninu og svo tvinna Leiknismenn nokkrar sendingar saman og Sævar leggur boltann skemmtilega í hlaup en skottilraunin frá Hjalta sem kom í skemmtilegt þriðja hlaup sigldi í gegnum teiginn. Hættulegt
1. mín
Leikur hafinn
Njarðvíkingar byrja með knöttinn og sækja með vindinn í bakið í átt að Breiðholtslauginni
Fyrir leik
Liðin eru farin inn í klefa og í því fer að rigna hér á Leiknisvellinum. Smá vindur frá Lönguvitleysunni í átt að Vesturberginu. Annars eru aðstæður hér eins og best verður á kosið.

Verður sjálfsagt mikið um tæknifeila til að byrja með. Fyrsti grasleikur Leiknismanna í sumar.
Fyrir leik
Leiknismenn fá 3 stig fyrir uppsetningu á byrjunarliði á Twitter. Njarðvíkingar ná hinsvegar aðeins í einn punkt fyrir viðmótið og afmæliskveðjuna #class
Fyrir leik


Fyrir leik
Tónlistin ómar hér af Lönguvitleysunni. Take on me remix by KIKO. Veit ekki alveg.

Bæði lið komin út á völl til að hita upp.


Fyrir leik
Hjá Leiknismönnum er Ingólfur Sigurðsson í leikbanni.

Ekki er vitað um frí eða forföll hjá gestunum í Njarðvík.

Leikurinn er mikilvægur fyrir bæði lið sem geta tekið skref upp töfluna með 3 stigum.
Fyrir leik
Bæði lið hófu Inkasso tímabilið á sigri en lentu svo á jörðinni á nýjan leik í 2.umferð.

Njarðvíkingar sigruðu óvænt Þrótt á gervigrasinu í Laugardal á meðan að Leiknismenn rúlluðu nokkuð þægilega yfir Magnamenn á Leiknisvellinum.

Í síðustu umferð lutu bæði lið í gras. Njarðvíkingar heima fyrir Þórsurum frá Akureyri. Leiknismenn töpuðu svo á meðan í Mosfellssveitinni á móti Aftureldingu.
Fyrir leik
Heilir og sælir landsmenn góðir. Við skrifum héðan úr Efra Breiðholtinu og bjóðum ykkur hjartanlega velkomin í þessa lifandi textalýsingu.

Leiknir úr Reykjavík og Njarðvík etja hér kappi á blautum og iðagrænum Leiknisvellinum (Ghetto Ground).

Bendi gestum á twitter #fotboltinet sem vilja leggja orð í belg um þennan annars áhugaverða leik.
Byrjunarlið:
12. Brynjar Atli Bragason (m)
Brynjar Freyr Garðarsson
4. Atli Geir Gunnarsson
5. Arnar Helgi Magnússon
7. Stefán Birgir Jóhannesson
8. Kenneth Hogg
10. Bergþór Ingi Smárason
17. Toni Tipuric
21. Alexander Helgason ('67)
22. Andri Fannar Freysson ('87)
27. Pawel Grudzinski

Varamenn:
1. Jökull Blængsson (m)
11. Krystian Wiktorowicz
14. Andri Gíslason
15. Ari Már Andrésson ('67)
16. Jökull Örn Ingólfsson
18. Falur Orri Guðmundsson
24. Guillermo Lamarca ('87)

Liðsstjórn:
Rafn Markús Vilbergsson (Þ)
Árni Þór Ármannsson
Snorri Már Jónsson
Gunnar Örn Ástráðsson
Leifur Gunnlaugsson

Gul spjöld:
Rafn Markús Vilbergsson ('34)
Pawel Grudzinski ('44)
Andri Fannar Freysson ('61)

Rauð spjöld: