Staðan í deildinni er annars þannig eftir tvær umferðir að Þróttur er á toppnum með 6 stig, jafnar Augnablik að stigum en með töluvert betri markatölu.

Tindastóll vann Hauka óvænt í fyrstu umferð en tapaði svo 4-6 fyrir FH í ótrúlegum markaleik í síðustu umferð. Þær eru því með 3 stig og sitja í 5-6. sæti ásamt Grindavík.

Liðin áttust við fyrir tæpum mánuði þegar þau mættust í úrslitaleik C-deildar Lengjubikarsins. Þar var aldeilis boðið upp á dramatík. Staðan var 4-4 að loknum venjulegum leiktíma en Tindastóll hafði upphaflega komist 3-0 yfir. Leikurinn fór því í vítaspyrnukeppni þar sem Þróttarar höfðu betur. Í millitíðinni hafði Nik Chamberlain, þjálfari Þróttar, fengið rautt fyrir að mótmæla dómgæslu.

Ég ætla að leyfa mér að vera með væntingar um markasúpu hér á eftir. Tindastóll hefur skorað 22 mörk í síðustu fimm leikjum sínum og Þróttarar hafa skorað mest í deildinni í sumar, 12 stykki.

Góðan dag og verið velkomin í þráðbeina textalýsingu frá leik Þróttar og Tindastóls í Inkasso-deild kvenna.

Sindri Snær A van Kasteren mun flauta til leiks í bongóblíðu í Laugardalnum á slaginu 19:15 og ég hvet þig til að bruna á völlinn.

Ef það er ómögulegt þá fylgistu auðvitað með hér!