Það er sól og blíða og frábærar aðstæður til að spila fótbolta. Hinsvegar allt of fáir í stúkunni miðað við að það séu tæpar 5 mínútur í leik, vonum að fólk skríði inn á síðustu stundu.

Byrjunarliðin eru klár, þau má sjá hér til hliðar.

Aðeins 5 leikmeinn Stjörnunnar halda sæti sínu í byrjunarliði og það eru þær Birta Guðlaugs, Sóley Guðmunds, Sigrún Ella, Diljá Ýr og Jasmín Erla. Það eru því margar að fá tækifæri til að sanna sig hér í dag.

Tvær breytingar eru á liði Selfoss og er það fyrirliðinn Anna María sem kemur aftur inn í liðið og sömuleiðis er Fríða komin inn. Á bekkinn setjast þær Eva Lind og Darian Powell.

Liðin spiluðu bæði erfiða leiki fyrr í vikunni en Selfoss heimsótti Val á Hlíðarenda, þar sem leik lauk með 4-1 sigri Vals. Stjarnan fékk sömuleiðis skell í Eyjum og tapði 5-0 fyrir spræku liði ÍBV.

En þau úrslit skipta engu máli hér í dag og bæði lið mætt til að tryggja sér sæti í 8.liða!

16 liða úrslitin hófust í gær og þar voru það Þór/KA, Valur og ÍA sem tryggðu sér sæti í 8. liða úrslitunum. Umferðin heldur áfram í dag þar sem 4 leikir eru spilaðir og lýkur á morgun með leik Augnabliks og Tindastóls.

Í þeim þremur leikjum sem spilaðir voru í gær, voru skoruð hvorki meira né minna en 20 mörk!

Góðan dag og verið velkomin í beina textalýsingu frá leik Stjörnunar og Selfoss í 16 liða úrslitum Mjólkurbikarsins. Bæði liðin leika í Pepsi-Max deildinni og koma því beint inn í 16 liða úrslitin.

Stutt er síðan þessi lið mættust síðast en það var í fyrstu umferð Pepsi-Max deildarinnar í byrjun maí. Þeim leik lauk með 1-0 sigri Stjörnunnar eftir mark frá Birnu Jóhanns.