Liðin eru komin út á völlinn. Fyrirliðarnir faðmast innilega fyrir leik enda gamlir félagar úr landslinu, Ólafur Ingi Skúlason og Gunnleifur Gunnleifsson.

Bjarni Helgason frá Morgunblaðinu er mættur. Hann er að gæða sér á hamborgara og Coca Cola, besta kóladrykk í heimi. Bjarni er í virkilega góðu skapi. Hann fær líka að spá. Hann segir 2-1 fyrir Fylki.

Dómararnir eru að hita upp í góða veðrinu. Sigurður Hjörtur Þrastarson sér um að flauta leikinn en með honum eru aðstoðardómarinn Egill Guðvarður Guðlaugsson og línuvörðurinn Kristján Már Ólafs.

Það var ekki annað hægt en að prófa vallarborgarann hér í Árbænum. Það verður að segjast eins og er að hann er ansi hreint gómsætur. Myndi líklega komast í úrslitakeppnina yfir bestu vallarborgara Pepsi Max.

Þorsteinn vallarþulur er búinn að henda dóttur sinni í pössun hjá fréttamönnum meðan hann skrapp aðeins frá. Hún er í góðum höndum hjá mér og Svövu frá Vísi. Svava spáir leiknum einmitt 1-3.

Fylkir gerir eina breytingu frá síðasta leik. Daði Ólafsson fer á bekkinn en Andrés Már Jóhannesson kemur inn. Fylkir vann 2-1 útisigur gegn HK í Kórnum í síðustu umferð en Helgi Valur Daníelsson skoraði tvö mörk í þeim leik og var valinn leikmaður umferðarinnar í kjölfarið

Byrjunarliðin eru komin inn. Breiðablik vann 4-1 sigur gegn FH í síðasta leik. Ágúst Gylfason gerir eina breytingu frá síðasta leik. Höskuldur Gunnlaugsson kemur inn fyrir Kolbein sem er í banni.

Blikar eru á toppi deildarinnar með 16 stig, líkt og Skagamenn. Fylkismenn eru í sjöunda sæti með 9 stig.

Breiðablik er án Kolbeins Þórðarsonar í kvöld en miðjumaðurinn ungi tekur út leikbann vegna uppsafnaðra áminninga. Kolbeinn hefur verið virkilega öflugur í sumar og var tilnefndur sem leikmaður umferða 1-7.

Blikar hafa nú þegar spilað einn leik á þessum velli! Þeir léku hér heimaleik sinn gegn Víkingi Reykjavík í 3. umferð þar sem ekki var búið að teppaleggja Kópavogsvöllinn og hann ekki klár í slaginn.

Blikar eiga góðar minningar frá þeim leik því þeir voru miklu betra liðið á vellinum og unnu 3-1 sigur.

Af blikar.is:
Tölfræði undanfarinna ára bendir til þess að Blikaliðinu líði mög vel á Árbæjarvelli því Blikar hafa ekki tapað þar leik í efstu deild síðan 2009. Í 15 efstu deildar leikjum gegn Fylkismönnum á þeirra heimavelli hafa Blikar vinninginn í 8 leikjum gegn 3 sigrum Fylkismanna.

Gott og gleðilegt kvöld! Blíðskapaveðrið heldur áfram á höfuðborgarsvæðinu (og eflaust víðar) en í Árbænum í kvöld er komið að vonandi gríðarlega hressandi leik Fylkis og Breiðabliks í 8. umferð Pepsi Max-deildarinnar.