Jæja liðin ganga út á völlinn. KA er í varabúningi sínum í dag, hvítum treyjum með bláum ermum og stuttbuxurnar eru bláar.

Áhorfendur streyma í stúkunni. Hörðustu stuðningsmenn KA hentu sér í hópferð og greinilegt að það hefur ekki vantað söngvatn í þann langferðabíl.

Það styttist í að Egill Arnar Sigurþórsson dómari flauti leikinn á. Gunnar Helgason og Þórður Arnar Árnason eru aðstoðardómarar. Fjórði dómari er fyrrum fréttaritari Fótbolta.net, Jóhann Ingi Jónsson.

Helgi Sigurðsson gerir þrjár breytingar á byrjunarliðinu frá tapini geg Blikum í bikarnum. Hjá Fylki koma Helgi Valur Daníelsson. Orri Sveinn Stefánsson og Hákon Ingi Jónsson inn í byrjunarliðið fyrir Ara Leifsson, Daða Ólafsson og Arnór Gauta Ragnarsson.

Haukur Heiðar Hauksson og Bjarni Aðalsteinsson eru ekki með KA í dag. Torfi Tímoteus Gunnarsson og Steinþór Freyr Þorsteinsson koma inn í byrjunarliðið frá síðasta leik.

BYRJUNARLIÐIN ERU KOMIN INN!

Kolbeinn Birgir Finnsson er í byrjunarliði Fylkis. Kolbeinn er í láni hjá Fylki frá enska Championship-deildar félaginu Brentford. Hann gerði lánssamning til 1. júlí og því má ætla að það verði hans síðasti leikur í Pepsi Max-deildinni í sumar. En Helgi Sigurðsson, þjálfari Fylkis, vonast til að halda honum eitthvað lengur.

"Við sjáum til hvað verður með hann. Hann er búinn að vera frábær fyrir okkur og vonandi náum við að halda honum lengur," sagði Helgi við Stöð 2 Sport eftir 4-2 tap gegn Breiðabliki í Mjólkurbikarnum í liðinni viku.

Kolbeinn Birgir, sem er fæddur 1999 og uppalinn í Fylki, er búinn að leika 10 leiki í deild og bikar í sumar og skora eitt mark.

Árbæingar státa af einum skemmtilegasta heimavelli landsins og hér er allt til alls. Móttökurnar framúrskarandi að vanda. Viktor Lekve verður vallarþulur á leiknum í dag þar sem Þorsteinn Lár er staddur á Orkumótinu í Eyjum. Ekki amalegur maður inn af bekknum.

Hér er allt útlit fyrir æsispennandi leik! Liðin sitja í 5. og 6. sæti, bæði með 12 stig.

Ég var að segja áðan að varnarleikur Fylkis hafi ekki verið upp á marga fiska að undanförnu, KA tapaði 3-4 fyrir Víkingi Reykjavík í síðustu umferð!

Spámaður leiksins er Davíð Nói Kristjánsson, stuðningsmaður Fylkis.

Hann spáir 2-0 sigri Fylkis.

"Valdi skorar allavega eitt og Kolli leggur upp allavega eitt."

Fylkismenn fóru í framlengdan bikarleik gegn Breiðabliki á fimmtudag, leik sem þeir töpuðu 4-2. Varnarleikur Árbæjarliðsins hefur ekki verið til útflutnings síðustu vikur.

Góðan og gleðilegan daginn!

Velkomin með okkur í Árbæinn þar sem Fylkir og KA eigast við í 11. umferð Pepsi Max-deildarinnar. Hér verður stuð!