Liðin labba til vallar á eftir Guðmundi Ársæli, Breka og Egil Guðvarðar.

Geggjaðir drengir úr 6. flokk Fjölnis sem leiða leikmenn inná.

Skagamenn eiga sína fulltrúa allsstaðar og þá vantar ekki hér.

Egill Guðvarður er aðstoðardómari, Helgi Ólafs er fjórði dómari og Óli stórdómari er eftirlitsmaður.

Korter í leik og liðin að hita upp, Unnar Jó spilar ''deyja fyrir hópinn minn'' með Kristmund Axel til að peppa mannskapinn.

Byrjunarliðin eru komin inn hér til hliðar.

Albert Brynjar kemur inn í lið Fjölnismanna en hann var fjarverandi gegn Leikni vegna handarbrots.

Þorri Mar kemur beint inn í byrjunarlið Keflvíkinga en hann kom á láni frá KA á dögunum.

Ég reikna með að við fáum hörkuleik, Fjölnir situr á toppi deildarinnar og Keflvíkingar hafa sýnt það að þeir geta mætt í heimsókn til sterkustu liðanna og strítt þeim.

Í þokkabót er Eysteinn Húni þjálfari Keflvíkinga svo mikill toppmaður að ég reikna með að hér verði bara skemmtun.

Ungir og sprækir Keflvíkingar eru í aðeins öðruvísi málum, þeir hafa ekki tapað útileik á tímabilinu, en þeim gengur aðeins verr heima á Nettóvellinum í Keflavík.

Þeir hafa unnið Magna og Víking Ó á útivelli og gert jafntefli við grannana í Njarðvík og Þór á Akureyri, það telst þokkalega sterkt að fara bæði til Ólafsvíkur og Akureyrar án þess að tapa.

Leikurinn í dag fer fram á Extra vellinum í Grafarvogi, heimavelli Fjölnismanna.

Fjölnismenn hafa unnið alla heimaleiki sína nema einn, og það var tap gegn Víkingum frá Ólafsvík, annars hafa þeir unnið hina fjóra með markatölunni 11-2. Þeir hafa sömuleiðis haldið markinu hreinu þrjá leiki í röð, og fimm sinnum í síðustu sex leikjum.

Góða kvöldið gott fólk og verið hjartanlega velkomin í beina textalýsingu frá leik Fjölnis og Keflavíkur í Inkasso deild karla!