Það eru 10 mínútur í leik og liðin farin uppí klefa í lokapepp fyrir leikinn. Stúkan að fyllast og allt stefnir í hörku skemmtilegt fótboltakvöld á Akranesi.

Það er tveimur leikjum lokið í Pepsi Max deild karla í dag. Grindvíkingar unnu sinn fyrsta deildarsigur síðan 20.maí þegar þeir unnu ÍBV í Grindavík 2-1. Útlitið orði ansi dökkt hjá Eyjamönnum.

Þá unnu KA menn FH-inga fyrir norðan 1-0 og lyftu sér þar með upp úr fallsæti í bili að minnsta kosti. Vonbrigði FH-inga halda hins vegar bara áfram.

Það eru fínar aðstæður Akranesi í kvöld. Smá gola, 14 stiga hiti og riginig. Völlurinn vel bleytur.

Dómari leiksins er Helgi Mikael Jónasson og honum til aðstoðar eru Gylfi Már Sigurðssong og Andri Vigfússon. Varadómari er Gunnþór Steinþór Jónsson og eftirlitsmaður KSÍ er Einar Freyr Jónsson

Byrjunarliðin eru dottin í hús og fátt sem kemur á óvart. Arnór Snær og Aron Kristófer koma inní lið ÍA í fjarveru Hödda Löpp og Lars Marcus. Hjá Val byrja bæði Hannes og Andir Adolphs sem voru víst tæpir fyrir leikinn.

Byrjunarliðin koma inn um klukkustund fyrir leik. Það verður fróðlegt að sjá hvernig Jói Kalli stillir uppí dag þar sem bæði Hörður Ingi og Lars eru í banni.

Og það verður ekki síðra fróðlegt fjá hvað Óli Jó gerir margar breytingar eftir evrópuleikinn í vikunni. Og einnig að sjá hvort Hannes Halldórsson verður í markinu og Andri Adolphs verði með en þeir eru tæpir vegna meiðsla.

Liðin hafa mæst 138 sinnum í leikjum á vegum KSÍ frá því að þau mættust fyrst 6.sept árið 1953. Þar hafa Valsmenn vinninginn. Þeir hafa unnið 63 leiki, ÍA hefur unnið 54 og 21 sinni hafa liðin gert jafntefli. Þá hafa Valsmenn skorað 237 mörk á meðan Skagamenn hafa skorað 212 mörk.

Þegar liðin mættust í fyrri umferðinni á Origo vellinum þá höfðu Skagamenn betur með mörkum frá Óttari Bjarna og Arnari Má en mark Vals skoraði Gary nokkur Martin. Það vita hins vegar allir hvernig sú saga endaði.

Valsmenn hins vegar sitja í sjöunda sæti deildarinnar með 17 stig og sumarið hingað til í deidlinni hefur verið vonbrigði. Þeir hafa þó unnið þrjá af síðustu fimm leikjum og geta með sigri í dag komið sér af alvöru inní baráttuna um evrópusæti.

Skagamenn sitja í þriðja sæti deildarinnar með 22 stig en stiga söfnunin uppá síðkastið hefur kannski ekki verið neitt spes. Í síðustu fimm leikjum hafa þeir unnið einn, gert þrjú jafntefli og tapað einum og þeir vilja fá þrjú stig hér í dag til að styrkja stöðu sína í evrópubaráttunni.

Góðan daginn kæru lesendur og velkominn í beina textalýsingu frá leik ÍA og Vals í 14. umferð í Pepsi Max deild karla.