Það er Eurovision þema á Greifavellinum í dag. Wild Dances með Ruslönu komið á fóninn og við fögnum því.

Þá eru byrjunarliðin klár.

KA menn gera fjórar breytingar á liði sínu frá síðasta leik gegn ÍA. Ýmir Már Geirsson og Elfar Árni Aðalsteinsson taka út leikbann í dag og þá koma þeir Hallgrímur Jónasson og og Torfi Tímóteus út. Inn í þeirra stað koma Ívar Örn Árnason, Haukur Heiðar Hauksson, Steinþór Freyr Þorsteinsson og nýjasti leikmaður KA David Cuerva.

FH-ingar gera þrjárbreytingar frá tapinu gegn HK. Pétur Viðarsson og Cedric D'ulvio taka út leikbann og þá kemur Halldór Orri Björnsson einnig út. Inn koma þeir Hjörtur Logi Valgarðsson, Brynjar Ásgeir Guðmundsson og nýjasti leikmaður FH Morten Beck Andersen.

KA mun spila þennan leik án þeirra Elfars Árna Aðalsteinssonar og Ýmis Más Geirssonar en þeir eru báðir í leikbanni. Hjá FH eru þeir Pétur Viðarsson og Cedric D'ulvio fjarverandi vegna leikbanns.

Heimamenn í KA fengu lið ÍA í heimsókn í síðustu umferð og lauk þeim leik með 1-1 jafntefli. Almarr Ormarsson skoraði mark KA manna.

Þá fór FH í Kórinn þar sem að liðið steinlá 2-0 gegn HK. Ólafur Kristjánsson, þjálfari FH, baðst afsökunnar eftir leik.

FH-ingar styrktu sig í vikunni með tveimur leikmönnum. Danski framherjinn Morten Beck Guldsmed kom frá Viborg FF og bakvörðurinn Þórður Þorsteinn Þórðarson kom frá ÍA.

Þá hafa KA menn bætt við öðrum Spánverja í leikmannahóp sinn en sá heitir David Cuerva og spilar sem sóknarsinnaður miðjumaður. Það verður því áhugavert að sjá hvort að þessir þrír fái sénsinn í dag.

Heimamenn í KA sitja í 11.sæti deildarinnar með 13 stig á meðan að gestirnir eru í 6.sæti með 19 stig. Bæði lið hafa valdið vonbrigðum það sem að af er tímabils og ljóst að sigur myndi gera helling fyrir bæði lið.

Komiði sæl og blessuð og veriði hjartanlega velkomin í þessa beinu textalýsingu á leik KA og FH í Pepsi Max-deild karla.