Selfoss
0
1
Valur
0-1 Hlín Eiríksdóttir '65
21.08.2019  -  18:00
JÁVERK-völlurinn
Pepsi-Max deild kvenna
Aðstæður: Logn og milt síðsumarveður.
Dómari: Steinar Berg Sævarsson
Áhorfendur: 311
Maður leiksins: Hlín Eiríksdóttir
Byrjunarlið:
Anna María Friðgeirsdóttir ('74)
1. Kelsey Wys
2. Hrafnhildur Hauksdóttir
4. Grace Rapp
5. Brynja Valgeirsdóttir ('64)
10. Barbára Sól Gísladóttir
15. Allison Murphy
18. Magdalena Anna Reimus
21. Þóra Jónsdóttir
24. Áslaug Dóra Sigurbjörnsdóttir ('81)
29. Cassie Lee Boren

Varamenn:
13. Dagný Pálsdóttir (m)
8. Ásta Sól Stefánsdóttir
9. Halla Helgadóttir ('64)
11. Anna María Bergþórsdóttir ('74)
16. Selma Friðriksdóttir ('81)
20. Helena Hekla Hlynsdóttir
26. Hólmfríður Magnúsdóttir

Liðsstjórn:
Alfreð Elías Jóhannsson (Þ)
Erna Guðjónsdóttir
Elías Örn Einarsson
Svandís Bára Pálsdóttir
Hafdís Jóna Guðmundsdóttir
María Guðrún Arnardóttir
Stefán Magni Árnason

Gul spjöld:
Grace Rapp ('58)

Rauð spjöld:
Leik lokið!
Þetta er búið. Hörkuleikur tveggja góðra liða endar með eins marks sigri Vals.

Það var engin bikarþynnka í Selfyssingum sem stóðu sig vel en tókst ekki að sækja stigin sem þær hefðu þurft til að klifra upp í 3. Sætið.

Valskonur halda sigurgöngu sinni áfram með enn einum sigrinum! Líður vel í toppsætinu.
94. mín
Kelsey markvörður með háan bolta inn á teig. Grace er í baráttunni og nær að vinna skallann en flikkar boltanum í raun bara í fangið á Söndru.
94. mín
Allison liggur eftir, fékk boltann í höfuðið. Er vonandi í lagi. Búin að vera mjög kröftug.
93. mín
Barbára stoppar Málfríði Önnu og Valur fær horn. Málfríður Anna tekur sjálf. Spilar stutt á Elínu Mettu og Valskonur vinna með klukkunni.
92. mín
Við erum komin í uppbótartíma. Fáum við dramatík?
89. mín
Inn:Málfríður Erna Sigurðardóttir (Valur) Út:Margrét Lára Viðarsdóttir (Valur)
Valskonur þétta pakkann síðustu mínúturnar.
88. mín
FÆRI!

Selfoss býr sér til stórhættulegt færi!

Magdalena nær að lauma boltanum í skotfæri fyrir Önnu Maríu Bergþórsdóttur. Hún er undir pressu frá varnarmanni og setur boltann yfir!

Dauðafæri en taugarnar eflaust þandar hjá leikmanninum unga.
86. mín
Inn:Málfríður Anna Eiríksdóttir (Valur) Út:Fanndís Friðriksdóttir (Valur)
Önnur skipting Vals. Málfríður Anna kemur á vinstri kantinn fyrir Fanndísi sem er búin að vera spræk í dag.
82. mín
Það verður ekkert úr hornspyrnunni en stuttu síðar mundar Margrét Lára skotfótinn úti á velli og lætur Kelsey hafa fyrir hlutunum.

Kelsey gerir vel í að verja í horn. Selfyssingar verjast horninu og mér sýnist Magdalena skalla aftur fyrir en Selfoss fær markspyrnu.
81. mín
Inn:Selma Friðriksdóttir (Selfoss) Út:Áslaug Dóra Sigurbjörnsdóttir (Selfoss)
Selma kemur inná í sínum fyrsta meistaraflokksleik. Mér sýnist hún fara í vinstri bakvörðinn og Barbára færir sig yfir til hægri.
80. mín
Halla gerir vel í að stoppa Elínu Mettu sem var að komast í fínan séns í teignum. Setur boltann í horn.

Áslaug Dóra virtist meiðast þegar hún fór upp í skallabolta í aðdragandanum og hún er á leið af velli.
76. mín Gult spjald: Hallbera Guðný Gísladóttir (f) (Valur)
Steinar sýnir Hallberu gult. Ég held að hafi ekki verið fyrir brotið. Mögulega hafa einhver orðaskipti átt sér stað.
76. mín
Magdalena vinnur aukaspyrnu upp við hornfána eftir að Hallbera brýtur á henni. Tekur spyrnuna sjálf en Lillý hreinsar frá.
74. mín
Inn:Anna María Bergþórsdóttir (Selfoss) Út:Anna María Friðgeirsdóttir (Selfoss)
Nöfnuskipting. Anna María Bergþórsdóttir fer uppá topp og Magdalena fer á hægri kantinn.

Bergþórsdóttir er efnilegur sóknarmaður, fædd 2003.
72. mín
FANNDÍS!

Margrét Lára spilar boltanum utanfótar út til vinstri og í hlaupið hjá Fanndísi. Hún hleypur inn á völlinn, fer framhjá þremur varnarmönnum Selfoss áður en hún lætur vaða en setur boltann yfir.
67. mín
Inn:Thelma Björk Einarsdóttir (Valur) Út:Dóra María Lárusdóttir (Valur)
Thelma kemur djúp fyrir Dóru.
65. mín MARK!
Hlín Eiríksdóttir (Valur)
Stoðsending: Hallbera Guðný Gísladóttir (f)
MAAAARK!

Hver önnur en Hlín er búin að koma Valskonum yfir?

Hallbera átti fyrirgjöf frá vinstri. Cassie reyndi að skalla frá en kom boltanum ekki lengra en á fjærsvæðið þar sem Hlín var mætt eins og gammur til að skila boltanum á lofti í netið.
64. mín
Inn:Halla Helgadóttir (Selfoss) Út:Brynja Valgeirsdóttir (Selfoss)
Halla leysir Brynju af í miðverðinum.
63. mín
Brynja brýtur á Margréti á miðjum vallarhelmingi Selfoss. Dóra María lyftir boltanum á Elínu Mettu í teignum. Elín Metta spilar út til hægri á Elísu sem neglir að marki. Mér sýndist það vera Margrét Lára sem fékk boltann í sig og lagði hann svo út á Elínu Mettu sem dúndraði framhjá!
60. mín
Aftur er Fanndís að ógna. Hún finnur skotið vinstra megin í vítateig Selfoss en neglir rétt framhjá.
59. mín
Nú losnar um Fanndísi. Hún kemst upp að endamörkum og reynir að koma boltanum fyrir en Kelsey stígur vel af línunni og grípur fyrirgjöfina.
58. mín Gult spjald: Grace Rapp (Selfoss)
Loksins fá Valskonur aukaspyrnu. Grace tekur Margréti Láru niður með hálfgerðu glímubragði á miðjum vellinum og vinnur fyrir spjaldi.
56. mín
Barbára reynir skot utan teigs en setur boltann beint á Söndru. Um að gera að reyna.

Valskonur ekki búnar að finna taktinn sinn hér í seinni hálfleik.
55. mín
Brotið á Elínu Mettu úti á miðjum velli en ekkert dæmt. Valskonur eðlilega ósáttar. Sérstaklega þegar dæmt er á þær stuttu síðar á sama stað þegar Cassie brotið er á Cassie.

Vantaði samræmið þarna.
52. mín
Þá er komið að Valskonum að sækja. Elín Metta og Hlín gera sig líklegar í vítateig Selfoss en finna ekki skotið.
50. mín
Aftur fær Selfoss aukaspyrnu út á miðjum velli. Þessi er þó aðeins aftar en spyrnan sem var dæmd hér rétt áðan.

Aftur tekur Anna María og aftur reynir hún skot. Setur boltann rétt framhjá!

Selfoss er að byrja seinni hálfleikinn vel.
48. mín
Grace Rapp er búin að vera lífleg á miðjunni hjá Selfoss. Nú vinnur hún heldur soft aukaspyrnu á miðjum vallarhelmingi Vals.

Anna María tekur spyrnuna og reynir skotið! Sandra þarf að hafa sig alla við að slá boltann í slánna og grípur svo frákastið sjálf.

Hættulegt.

Lillý er annars komin aftur inná svo inná eru 11 á móti 11.
46. mín
Þetta er ekki gott. Magdalena reynir fyrirgjöf sem smellur beint á höfðinu á Lillý sem steinliggur eftir. Ásta Árna sjúkraþjálfari er fljót inná til að kíkja á Lillý sem er vonandi í lagi.
46. mín
Leikur hafinn
Jæja. Þá förum við af stað aftur. Sömu leikmenn hefja síðari hálfleik og þann fyrri. Við erum einhverjum 5-6 mínútum á eftir áætlun.
45. mín
Það verður smá töf á að síðari hálfleikur hefjist. Elvar Smári aðstoðardómari er farinn að gera við annað marknetið. Betra að hafa slíkt í lagi áður en leikurinn verður flautaður á að nýju.
45. mín
Hálfleikur
Hálfleikur.

Steinar flautar til hálfleiks. Hér er enn markalaust en bæði lið hafa fengið fín færi. Þá sérstaklega Valskonur sem hafa náð að finna þónokkur skot í vítateig Selfoss.

Við tökum okkur kaffipásu og sjáumst aftur eftir korter.
44. mín
STÖNGIN!

Elín Metta leggur boltann út í teig á Ásgerði Stefaníu sem er í draumafæri!

Neglir að marki, boltinn fer af Cassie og lekur í stöngina áður en Kelsey nær til hans. Þarna mátti engu muna.
42. mín
Það munar litlu í tvígang að Hrafnhildur Hauks nái að senda liðsfélaga sína í gegn en Valsvörnin betur með á nótunum en samherjarnir.
40. mín
VÓ!

Hér er færið sem við vorum að bíða eftir!

Elín Metta leggur boltann út í skot á Fanndísi. Hún setur fastan bolta á markið, Kelsey ver og boltinn dettur fyrir Dóru Maríu.

Dóra reynir skotið en aftur ver Kelsey!
35. mín
Þetta hefur aldeilis dottið niður. Fengum frábærar fyrstu 20 mínútur en tempóið hefur lækkað og færunum fækkað.
28. mín
Við höfum ekki fengið færi í þetta í nokkrar mínútur en nú fær Selfoss dæmda aukaspyrnu á miðjum vallarhelmingi Vals þegar brotið er á Þóru.

Anna María tekur spyrnuna en hún er slök og setur boltann aftur fyrir. Það hefði verið hægt að nýta þetta betur.
21. mín
Þetta er hraður og skemmtilegur leikur. Valskonur meira með boltann en bæði lið búin að skapa sér færi.
18. mín
Hættulegur séns!

Þarna átti Grace Rapp að gera betur.

Anna María stingur boltanum út til hægri á Magdalenu. Valskonur vilja rangstöðu en það fer ekkert flagg á loft og Magda laumar eitruðum bolta á nærsvæðið. Þar er Grace mætt en setur boltann laflaust á Söndru. Þarna hafði hún meiri tíma og pláss en hún hélt.
15. mín
ALLISON!

Virkilega fínt uppspil hjá Selfyssingum. Grace Rapp spilar út til hægri í hlaupið hjá Allison sem kemur á blússandi ferð. Kemst framhjá Hallberu sem lét grípa sig á útsölu þarna, lék í átt að teignum og negldi svo í hliðarnetið.

Kraftur í Alli.
12. mín
Að því sögðu eru Selfyssingar að finna Magdalenu vel í fremstu línu. Hún er búin að eiga þrjú markskot hér í byrjun leiks. Hefur þó ekki náð að setja nægan kraft í þau til að valda Söndru og samherjum teljandi vandræðum.
11. mín
Sóknarþungi Vals er ansi mikill. Þær eru að finna fullt af plássi í teignum hjá Selfossi. Cassie var líklega að bjarga marki með því að komast fyrir skot Elínar Mettu úr teignum.
10. mín
Byrjunarlið Vals:

Sandra

Elísa - Guðný - Lillý - Hallbera

Ásgerður - Dóra María

Hlín - Margrét Lára - Fanndís

Elín Metta
6. mín
Það er áhugavert að skoða uppstillinguna hjá Selfyssingum. Alfreð hefur þurft að færa til í fjarveru lykilmanna.

Wys

Áslaug Dóra - Brynja - Cassie - Barbára

Anna María - Allison - Þóra - Hrafnhildur

Grace - Magdalena
5. mín
Kelsey!

Elín Metta gerir vel í að finna skot rétt utan teigs. Setur fastan bolta niðri við stöngina sem Kelsey Wys gerir vel í að verja í horn.

Hornspyrnan endar svo í höndunum á Kelsey.
4. mín
Áhugavert. Steinar dómari skokkar að varamannabekk Selfoss. Þar sýnist mér hann fá kælisprey á fótinn. Vonandi er hann í lagi því hér er enginn varadómari til staðar. Ekki einu sinni eftirlitsdómari.
2. mín
Þetta byrjar á háu tempói. Valskonur freista þess að keyra á Selfosskonur sem eru mögulega ekki með eins ferska fætur eftir framlengdan leik á laugardaginn.

Bæði lið vilja víti hér strax í upphafi. Fyrst féll Margrét Lára við eftir litla snertingu. Síðan var snertingin öllu meiri hinu megin þegar Hallbera virðist brjóta á Magdalenu.

Magdalena hafði rétt áður komist í mjög fínan séns þegar hún fékk boltann á milli hafsenta Vals. Lék á varnarmann og hefði getað látið vaða með vinstri. Ákvað hinsvegar að reyna að leggja boltann yfir á hægri og við það tapaðist tími og færið rann út í sandinn.
1. mín
Og aftur tveir hættulegir sénsar í vítateig Selfoss strax á fyrstu mínútunni. Litlu munar að Hlín og Elín Metta finni skot í teignum eftir laglega spretti Fanndísar upp vinstra megin.
1. mín
Dauðafæri strax á 15. sekúndu. Rangstöðugildra Selfoss bregst og Fanndís kemst inn fyrir vinstra megin. Rennir boltanum fyrir en Hlín hittir boltann ekki af markteig!
1. mín
Leikur hafinn
Steinar er búinn að flauta leikinn á. Elín Metta tekur upphafsspyrnuna fyrir Val.
Fyrir leik
Valskonur hafa ákveðið að standa heiðursvörð um nýkrýnda bikarmeistara Selfoss og eru búnar að stilla sér upp. Vel gert hjá þeim.

Liðin eru nú bæði komin út á völl. Heimakonur í sínum vínrauðu treyjum og gestirnir í grænu. Það tekur smá tíma að venjast því.
Fyrir leik
Það styttist heldur betur í leik. Liðin eru að hita upp og leikmenn beggja liða virðast einbeittir. Ekki furða, mikið í húfi.

Það er fallegt fóboltaveður og völlurinn iðagrænn. Nú bíðum við bara spennt.
Fyrir leik
Hjá Val heldur Pétur Pétursson sig eðlilega við sama byrjunarlið og vann 7-0 sigur á HK/Víking í síðustu umferð.
Fyrir leik
Það er áhugavert að sjá byrjunarlið Selfoss en þar er engin Hólmfríður Magnúsdóttir. Spurning hvort hún sé meidd? Alfreð gerir þar að auki tvær breytingar frá bikarleiknum. Vinnuþjarkurinn Karitas Tómasdóttir er í banni og Bergrós Ásgeirsdóttir er farin aftur út til Bandaríkjanna en henni var flogið sérstaklega heim fyrir bikarúrslitin. Þær Þóra Jónsdóttir, sem skoraði sigurmarkið í bikarnum, Hrafnhildur Hauksdóttir og Cassie Boren koma inn í liðið.
Fyrir leik
Það verður gaman að sjá hvernig liðin mæta stemmd til leiks. Selfyssingar geta komist upp í 3.sæti með sigri og Valskonur ætla sér auðvitað sigur og halda toppsætinu.

Verður bikarþynnka á Selfossi eða fáum við hörkuspennandi toppslag?
Fyrir leik
14. umferð Pepsi Max lýkur í kvöld með tveimur leikjum. Annar þeirra er leikur nýkrýndra bikarmeistara Selfoss og toppliðs Vals en hér verður hægt að fylgjast með beinni textalýsingu frá leiknum.
Byrjunarlið:
12. Sandra Sigurðardóttir (m)
Ásgerður Stefanía Baldursdóttir
4. Guðný Árnadóttir
7. Elísa Viðarsdóttir
9. Margrét Lára Viðarsdóttir (f) ('89)
10. Elín Metta Jensen
11. Hallbera Guðný Gísladóttir (f)
14. Hlín Eiríksdóttir
21. Lillý Rut Hlynsdóttir
22. Dóra María Lárusdóttir ('67)
23. Fanndís Friðriksdóttir ('86)

Varamenn:
2. Auður Sveinbjörnsdóttir Scheving (m)
17. Thelma Björk Einarsdóttir ('67)
18. Málfríður Anna Eiríksdóttir ('86)
19. Ólöf Sigríður Kristinsdóttir
23. Guðrún Karítas Sigurðardóttir
26. Stefanía Ragnarsdóttir
31. Vesna Elísa Smiljkovic
44. Málfríður Erna Sigurðardóttir ('89)

Liðsstjórn:
Pétur Pétursson (Þ)
Eiður Benedikt Eiríksson (Þ)
Ásta Árnadóttir
Rajko Stanisic
Karen Guðmundsdóttir
María Hjaltalín

Gul spjöld:
Hallbera Guðný Gísladóttir (f) ('76)

Rauð spjöld: