94. mín
Kelsey markvörður með háan bolta inn á teig. Grace er í baráttunni og nær að vinna skallann en flikkar boltanum í raun bara í fangið á Söndru.
Eyða Breyta

94. mín
Allison liggur eftir, fékk boltann í höfuðið. Er vonandi í lagi. Búin að vera mjög kröftug.
Eyða Breyta

93. mín
Barbára stoppar Málfríði Önnu og Valur fær horn. Málfríður Anna tekur sjálf. Spilar stutt á Elínu Mettu og Valskonur vinna með klukkunni.
Eyða Breyta

92. mín
Við erum komin í uppbótartíma. Fáum við dramatík?
Eyða Breyta

88. mín
FÆRI!

Selfoss býr sér til stórhættulegt færi!

Magdalena nær að lauma boltanum í skotfæri fyrir Önnu Maríu Bergþórsdóttur. Hún er undir pressu frá varnarmanni og setur boltann yfir!

Dauðafæri en taugarnar eflaust þandar hjá leikmanninum unga.
Eyða Breyta

82. mín
Það verður ekkert úr hornspyrnunni en stuttu síðar mundar Margrét Lára skotfótinn úti á velli og lætur Kelsey hafa fyrir hlutunum.

Kelsey gerir vel í að verja í horn. Selfyssingar verjast horninu og mér sýnist Magdalena skalla aftur fyrir en Selfoss fær markspyrnu.
Eyða Breyta

80. mín
Halla gerir vel í að stoppa Elínu Mettu sem var að komast í fínan séns í teignum. Setur boltann í horn.

Áslaug Dóra virtist meiðast þegar hún fór upp í skallabolta í aðdragandanum og hún er á leið af velli.
Eyða Breyta

76. mín
Magdalena vinnur aukaspyrnu upp við hornfána eftir að Hallbera brýtur á henni. Tekur spyrnuna sjálf en Lillý hreinsar frá.
Eyða Breyta

72. mín
FANNDÍS!

Margrét Lára spilar boltanum utanfótar út til vinstri og í hlaupið hjá Fanndísi. Hún hleypur inn á völlinn, fer framhjá þremur varnarmönnum Selfoss áður en hún lætur vaða en setur boltann yfir.
Eyða Breyta

63. mín
Brynja brýtur á Margréti á miðjum vallarhelmingi Selfoss. Dóra María lyftir boltanum á Elínu Mettu í teignum. Elín Metta spilar út til hægri á Elísu sem neglir að marki. Mér sýndist það vera Margrét Lára sem fékk boltann í sig og lagði hann svo út á Elínu Mettu sem dúndraði framhjá!
Eyða Breyta

60. mín
Aftur er Fanndís að ógna. Hún finnur skotið vinstra megin í vítateig Selfoss en neglir rétt framhjá.
Eyða Breyta

59. mín
Nú losnar um Fanndísi. Hún kemst upp að endamörkum og reynir að koma boltanum fyrir en Kelsey stígur vel af línunni og grípur fyrirgjöfina.
Eyða Breyta

56. mín
Barbára reynir skot utan teigs en setur boltann beint á Söndru. Um að gera að reyna.

Valskonur ekki búnar að finna taktinn sinn hér í seinni hálfleik.
Eyða Breyta

55. mín
Brotið á Elínu Mettu úti á miðjum velli en ekkert dæmt. Valskonur eðlilega ósáttar. Sérstaklega þegar dæmt er á þær stuttu síðar á sama stað þegar Cassie brotið er á Cassie.

Vantaði samræmið þarna.
Eyða Breyta

52. mín
Þá er komið að Valskonum að sækja. Elín Metta og Hlín gera sig líklegar í vítateig Selfoss en finna ekki skotið.
Eyða Breyta

50. mín
Aftur fær Selfoss aukaspyrnu út á miðjum velli. Þessi er þó aðeins aftar en spyrnan sem var dæmd hér rétt áðan.

Aftur tekur Anna María og aftur reynir hún skot. Setur boltann rétt framhjá!

Selfoss er að byrja seinni hálfleikinn vel.
Eyða Breyta

48. mín
Grace Rapp er búin að vera lífleg á miðjunni hjá Selfoss. Nú vinnur hún heldur soft aukaspyrnu á miðjum vallarhelmingi Vals.

Anna María tekur spyrnuna og reynir skotið! Sandra þarf að hafa sig alla við að slá boltann í slánna og grípur svo frákastið sjálf.

Hættulegt.

Lillý er annars komin aftur inná svo inná eru 11 á móti 11.
Eyða Breyta

46. mín
Þetta er ekki gott. Magdalena reynir fyrirgjöf sem smellur beint á höfðinu á Lillý sem steinliggur eftir. Ásta Árna sjúkraþjálfari er fljót inná til að kíkja á Lillý sem er vonandi í lagi.
Eyða Breyta

45. mín
Það verður smá töf á að síðari hálfleikur hefjist. Elvar Smári aðstoðardómari er farinn að gera við annað marknetið. Betra að hafa slíkt í lagi áður en leikurinn verður flautaður á að nýju.
Eyða Breyta

44. mín
STÖNGIN!

Elín Metta leggur boltann út í teig á Ásgerði Stefaníu sem er í draumafæri!

Neglir að marki, boltinn fer af Cassie og lekur í stöngina áður en Kelsey nær til hans. Þarna mátti engu muna.
Eyða Breyta

42. mín
Það munar litlu í tvígang að Hrafnhildur Hauks nái að senda liðsfélaga sína í gegn en Valsvörnin betur með á nótunum en samherjarnir.
Eyða Breyta

40. mín
VÓ!

Hér er færið sem við vorum að bíða eftir!

Elín Metta leggur boltann út í skot á Fanndísi. Hún setur fastan bolta á markið, Kelsey ver og boltinn dettur fyrir Dóru Maríu.

Dóra reynir skotið en aftur ver Kelsey!
Eyða Breyta

35. mín
Þetta hefur aldeilis dottið niður. Fengum frábærar fyrstu 20 mínútur en tempóið hefur lækkað og færunum fækkað.
Eyða Breyta

28. mín
Við höfum ekki fengið færi í þetta í nokkrar mínútur en nú fær Selfoss dæmda aukaspyrnu á miðjum vallarhelmingi Vals þegar brotið er á Þóru.

Anna María tekur spyrnuna en hún er slök og setur boltann aftur fyrir. Það hefði verið hægt að nýta þetta betur.
Eyða Breyta

21. mín
Þetta er hraður og skemmtilegur leikur. Valskonur meira með boltann en bæði lið búin að skapa sér færi.
Eyða Breyta

18. mín
Hættulegur séns!

Þarna átti Grace Rapp að gera betur.

Anna María stingur boltanum út til hægri á Magdalenu. Valskonur vilja rangstöðu en það fer ekkert flagg á loft og Magda laumar eitruðum bolta á nærsvæðið. Þar er Grace mætt en setur boltann laflaust á Söndru. Þarna hafði hún meiri tíma og pláss en hún hélt.
Eyða Breyta

15. mín
ALLISON!

Virkilega fínt uppspil hjá Selfyssingum. Grace Rapp spilar út til hægri í hlaupið hjá Allison sem kemur á blússandi ferð. Kemst framhjá Hallberu sem lét grípa sig á útsölu þarna, lék í átt að teignum og negldi svo í hliðarnetið.

Kraftur í Alli.
Eyða Breyta

12. mín
Að því sögðu eru Selfyssingar að finna Magdalenu vel í fremstu línu. Hún er búin að eiga þrjú markskot hér í byrjun leiks. Hefur þó ekki náð að setja nægan kraft í þau til að valda Söndru og samherjum teljandi vandræðum.
Eyða Breyta

11. mín
Sóknarþungi Vals er ansi mikill. Þær eru að finna fullt af plássi í teignum hjá Selfossi. Cassie var líklega að bjarga marki með því að komast fyrir skot Elínar Mettu úr teignum.
Eyða Breyta

10. mín
Byrjunarlið Vals:

Sandra

Elísa - Guðný - Lillý - Hallbera

Ásgerður - Dóra María

Hlín - Margrét Lára - Fanndís

Elín Metta
Eyða Breyta

6. mín
Það er áhugavert að skoða uppstillinguna hjá Selfyssingum. Alfreð hefur þurft að færa til í fjarveru lykilmanna.

Wys

Áslaug Dóra - Brynja - Cassie - Barbára

Anna María - Allison - Þóra - Hrafnhildur

Grace - Magdalena
Eyða Breyta

5. mín
Kelsey!

Elín Metta gerir vel í að finna skot rétt utan teigs. Setur fastan bolta niðri við stöngina sem Kelsey Wys gerir vel í að verja í horn.

Hornspyrnan endar svo í höndunum á Kelsey.
Eyða Breyta

4. mín
Áhugavert. Steinar dómari skokkar að varamannabekk Selfoss. Þar sýnist mér hann fá kælisprey á fótinn. Vonandi er hann í lagi því hér er enginn varadómari til staðar. Ekki einu sinni eftirlitsdómari.
Eyða Breyta

2. mín
Þetta byrjar á háu tempói. Valskonur freista þess að keyra á Selfosskonur sem eru mögulega ekki með eins ferska fætur eftir framlengdan leik á laugardaginn.

Bæði lið vilja víti hér strax í upphafi. Fyrst féll Margrét Lára við eftir litla snertingu. Síðan var snertingin öllu meiri hinu megin þegar Hallbera virðist brjóta á Magdalenu.

Magdalena hafði rétt áður komist í mjög fínan séns þegar hún fékk boltann á milli hafsenta Vals. Lék á varnarmann og hefði getað látið vaða með vinstri. Ákvað hinsvegar að reyna að leggja boltann yfir á hægri og við það tapaðist tími og færið rann út í sandinn.
Eyða Breyta

1. mín
Og aftur tveir hættulegir sénsar í vítateig Selfoss strax á fyrstu mínútunni. Litlu munar að Hlín og Elín Metta finni skot í teignum eftir laglega spretti Fanndísar upp vinstra megin.
Eyða Breyta

1. mín
Dauðafæri strax á 15. sekúndu. Rangstöðugildra Selfoss bregst og Fanndís kemst inn fyrir vinstra megin. Rennir boltanum fyrir en Hlín hittir boltann ekki af markteig!
Eyða Breyta