4 mínútum bætt við!
Nægur tími fyrir eitt mark í viðbót frá Íslandi!

Hættuleg sókn hjá Ungverjalandi sem endar með því að Sara hendir sér fyrir boltann og boltinn í horn!

Fanndís með skot sem Szocs ver.
Sá ekki hver átti sendinguna inn fyrir en hún var hárnákvæm, líklega var það Elín Metta.

Leikurinn ögn rólegri síðustu mínúturnar en Ungverjar hafa hægt og rólega verið að stíga upp og sækja meira.

Taka hérna stutt horn og Jakabfi nær hörku skoti sem Sandra ver í horn. Ekkert verður úr seinni hornspyrnunni.

Fanndís allt í einu ein fyrir framan markið, með fast skot en beint á Szocs!

Stuttu seinna er Svava í DAUÐAFÆRI eftir sendingu frá Fanndísi en skallinn í hliðarnetið.

Fanndís með hornspyrnu eftir jörðinni frá hægri, beint á Glódísi sem beið inn á teignum. Skotið frá henni hinsvegar framhjá.

DAUÐAFÆR!

Elín Metta með fullkomna stungu innfyrir á Dagnýju. Skot hennar er hinsvegar ekkert sérstakt og fer beint á Szocs í markinu. Svona færi verðum við að nýta!

Stuttu seinna virðist Elín Metta vera tekin niður inn í teig en ekkert dæmt!

Elín Metta snýr bakvörðinn af sér og kemur boltanum á Söru, hún með skot á markið en það var ekki erfitt fyrir Szocs að verja það.

Ísland fékk aukaspirnu úti á hægri kantinum, sem Agla tekur. Hún kemur með fyrirgjöf sem Glódís skallar en FRÁBÆR varsla hjá Szocs aftur fyrir, hornspyrna sem Ísland á.

Ekkert verður úr hornspyrnunni.

Langt innkast frá Sif sem Sara skallar lengra, Dagný nær svo fínum skalla á markið en Szos ver boltann út í teiginn. Þar er Hlín mætt enn einu sinni, en skotið í varnarmann.

Aukaspyrna sem Agla tekur, vippar honum yfir varnarvegginn. Þar er Dagný mætt og nær hörkuskoti en Szöcs ver vel.

Efnileg sókn hjá Íslenska liðinu, Hlín gaf boltann inn fyrir á Söru sem náði fyrirgjöfinni en Ungverjar komu boltanum frá. Þar var Ingibjörg mætt í fína stöðu en fyrirgjöfin hjá henni slöpp og boltinn lengst út af. Það vantar aðeins bit í sóknarleikinn hjá íslenska liðinu, liðið hefur ekki náð að skapa sér mikið af færum.

Elín Metta snýr varnarmenn Ungverjalands af sér á miðjum vellinum og stefndi allt í stórsókn Íslenska liðsins en hún aðeins of lengi að ákveða sig og ekkert verður úr sókninni.

Aðeins hægst á leiknum síðustu mínúturnar og Ungverjaland fengið að vera með boltann en þær hafa enn lítið náð að skapa sér. Eru þó að koma sér meira inn í leikinn.

Csiszár fyrirliði Ungverja með fyrsta skot þeirra á markið, en það var máttlaust og og Sandra grípur auðveldlega.

Ísland heldur áfram að pressa og var Agla María nálægt því að komast í gegn en þær Ungversku koma boltanum frá.

Stuttu seinna fær Elín Metta boltann við vinstri horn fánann og kemur með fína fyrirgjöf, en íslensku stelpurnar ekki á réttum stað og boltinn því aftur fyrir.

Hallbera með fínan sprett upp kantinn og lék á Mosdóczi í bakverðinum, sendi svo boltann með jörðinni inn á teiginn þar sem Agla María var mætt, en skotið fram hjá.

Önnur hornspyrna sem Ísland fær eftir fína sókn. Boltinn berst enn einu sinni út á Hlín sem kemur honum fyrir en eftir klafs í teignum koma Ungverjar boltanum frá.

Ingibjörg með sendingu inn fyrir vörnina á Hlín sem fær hornspyrnu. Szocs ver hornspyrnuna út í teiginn og þar var Hlín átti hörku skot á markið en boltinn endaði einhvernveginn í Söru Björk sem var rangstæð.

Agla María í kapphlaupi við Mosdóczi en missir boltann útaf. Íslenska liðið pressar hátt þegar Ungverska vörnin er með boltann.