Það er mínútuklapp fyrir leik til að minnast Grétars Einarssonar og Gunnlaugs Úlfars Gunnlaugsonar sem létust í vikunni

Jæja þetta fer að fara af stað. Svona 20 manns mættir í stúkuna í þessu yndislega veðri.

Dómari leiksins er Helgi Mikael Jónasson. Helgi er auðvitað einn umtalaðasti dómari landsins þetta sumarið og er hann yfirleitt í essinu sínu þegar hann mætir til Grindavíkur. Vonum að sjálfsögðu að hann eigi toppleik eins og leikmenn í dag.

Fyrir áhugamenn um veðurfræði er veðurspáin fyrir leik upp á talsverðan vind og grenjandi rigningu. Hressandi svona þegar langt er liðið á september en á ekki von á því að áhorfendamet verði slegið í Grindavík í dag.

Fyrri Viðureignir

Liðin hafa leikið 33 leiki innbyrðis í efstu deild til þessa.

Grindavík hefur fagnað sigri 10 sinnum, Valur er með 17 sigra og 6 leikjum hefur lokið með jafntefli.

Markatalan er 50-38 Val í vil.

Heimamenn úr Grindavík spila sömuleiðis upp á stoltið. Tölfræðilega geta þeir bjargað sér frá falli en það er bara allt of margt sem þarf að gerast til þess að það sé raunhæft.

Sóknarleikur er það sem varð Grindavík að falli í sumar en þeir hafa aðeims skorað 15 mörk í leikjunum 20 sem er alls ekki líklegt til árangurs og fall því næstum því staðreynd.

Gestirnir af Hlíðarenda mæta hér í dag til að spila upp á stoltið. Íslandsmeistarar síðustu tveggja ára hafa átt afleitt sumar og sitja fyrir leik í 8.sæti deildarinnar sem verða að teljast gífurleg vonbrigði þar sem talsvert púður og peningar voru sett í Valsliðið á undirbúningstímabilinu.

Góðan dag kæru lesendur og verið hjartanlega velkomin til leiks í beina textalýsingu Fótbolta.net frá leik Grindavíkur og Vals í 21.umferð Pepsi Max deildarinnar.