Liðin eru að ganga út á völlinn! Gæsahúð!

Heiðurgestur leiksins er Margrét Lára Viðarsdóttir fyrrum leikmaður Vals.
Ég veit ekki einu sinni hvar ég ætti að byrja ef ég ætlaði að telja upp afrekin hennar.

Takk MLV9 fyrir að færa knattspyrnuna á hærra level. Held að ég kvitti bara undir þetta frá mér og landi og þjóð, svei mér þá.

Byrjunarliðin eru komin í hús!

Valskonur byrja nánast með sama lið og spilaði Meistaraleikinn á móti Selfossi en það er ein breyting. Dóra María kemur á miðjuna fyrir Málfríði Önnu.

Spurningin er hvort að Elín og Fanndís verða tvær frammi með tígulmiðju fyrir aftan sig í þeim Ásdísi Karen, Hlín, Dóru og Ásdísi Karen eða hvort að þær spili með Elínu Mettu fremsta með Hlín og Fanndísi á köntunum.

Gaman verður að fylgjast með Ásdísi Karen í liði Vals en hún er uppalin í KR og spilaði með KR á síðustu leiktíð. Fædd árið 1999 og komin tími til að hún komi sér vel fyrir í góðu liði Vals af krafti!

KR liðið teflir fram sínu sterkasta liði en það hafa verið meiðsli hjá þeim í æfingaleikjum. Líklegt er að þær Katrín Ómars og Lára verði á miðjunni með Þórdísi Hrönn fyrir framan sig og þrjár fremstar í þeim Ölmu, Katrínu Ásbjörns og Kristínu Ernu.

Gaman verður að fylgjast með Ölmu Mathiesen sem er fædd árið 2003. Mjög skemmtilegur leikmaður sem fær núna tækifæri í opnunarleik sumarsins!

Tölfræðin er Valskonum í hag. Það verður bara að segja.

KR vann Val síðast 17.ágúst 2008. Fyrir áhugafólk í stærðfræðinni eru það 11 ár, 9 mánuðir og 26 dagar. Það er ansi langur tími í fótbolta.

Valsarar hafa því farið í gegnum 18 deildarleiki á móti KR án þess að tapa. Þær hafa unnið 15 af þeim leikjum og markatalan 62-8 Völsurum í hag.

Ég er alla vega alveg afskaplega spennt fyrir leik kvöldsins og er löngu komin í stellingar!

Guðni forseti mætir á opnunarleikinn og þá þýðir ekki að vera minni maður en að skella sér líka í stúkuna.

Það er stórfínt fótboltaveður og lífið gæti ekki verið betra.

Allir á völlinn!

LET´S GO

Jóhannes Karl Sigursteinsson, þjálfari KR:
Markmiðið er alltaf að stefna hærra en síðasta ár og við viljum færa okkur í efri hluta deildarinnar og berjast þar. Eins og mörg önnur lið viljum við sjá í toppinn og helst hafa tækifæri til að sækja þangað allt til enda móts.

Hallbera Guðný Gísladóttir, fyrirliði Íslandsmeistara Vals:
Ég er rosalega spennt að byrja loksins. Þetta er búið að vera lengsta undirbúningstímabil lífsins og það verður rosalega gaman að byrja Undirbúningstímabilið hefur gengið vel, við vorum með prógram frá Val og það var fylgst vel með okkur; það þurftu allir að æfa vel. Ég ætla samt ekki að ljúga að þetta var ekki skemmtilegt og sem betur fer er þetta búið.

KR liðið er Stjörnuprýtt 2015 lið þar sem þær Þórdís Hrönn, Katrín Ásbjörns, Lára Kristín og Ana Cate hafa bæst í hópinn. Þetta eru allt reynslumiklir leikmenn sem kunna að vinna leiki. Verður liðið nógu samstillt í kvöld eða þarf liðið kannski lengri tíma að slípa sig saman?

Með tilkomu þessara leikmanna er alveg ljóst að KR ætlar sér stærri hluti en síðustu ár og Vesturbærinn getur alveg gert meiri kröfur en 5.sætið þegar liðið er búið að sanka að sér svona gæðaleikmönnum.

Mikið hefur verið rætt um brotthvarf Margrétar Láru úr liði Vals og hvaða áhrif það mun hafa á liðið. Margrét kom að 23 mörkum liðsins í fyrra af 65 mörkum með því að skora eða leggja upp. Mun Pétur skella Ásdísi Karen eða Ídu beint í holuna eða verður breytt um leikkerfi í kvöld?

Valsliðið er ógnarsterkt og ætlar sér titilinn, það er alveg á hreinu.

Íslandsmeistarar Vals taka á móti splunkunýju KR liði sem endaði í 7.sæti á síðustu leiktíð.

Íslandsmeisturunum er þó hvergi spáð 1.sæti í ár og var til að mynda spáð þriðja sæti í spá formanna, þjálfara og fyrirliða sem birt var á kynningarfundi KSÍ í gær á eftir Breiðablik og Selfossi.

KR-ingum er hinsvegar spáð 5.sæti í þeirri spá.

ÞAÐ ER KOMIÐ AÐ ÞVÍ! VEISLAN ER AÐ HEFJAST!

Verið velkomin á fyrsta leik í Pepsi Max. Í kvöld mætast Reykjavíkurstórveldin Valur og KR og leikurinn hefst kl 19:15.