ÍH
0
8
Fylkir
0-1 Arnór Borg Guðjohnsen '25
0-2 Orri Sveinn Stefánsson '28
0-3 Arnór Gauti Ragnarsson '32 , víti
0-4 Arnór Borg Guðjohnsen '35 , víti
0-5 Arnór Borg Guðjohnsen '39
0-6 Arnór Gauti Ragnarsson '42
0-7 Hákon Ingi Jónsson '78
0-8 Arnór Gauti Jónsson '90
24.06.2020  -  20:00
Skessan
Mjólkurbikar karla
Dómari: Pétur Guðmundsson
Maður leiksins: Arnór Borg Guðjohnsen
Byrjunarlið:
1. Stefan Mickael Sverrisson (m)
5. Garðar Benediktsson
6. Hafþór Þrastarson ('72)
7. Magnús Stefánsson
8. Ari Magnús Þorgeirsson
11. Hilmar Ástþórsson
13. Hákon Gunnarsson
14. Bergþór Snær Gunnarsson ('69)
17. Emil Stefánsson ('46) ('72)
25. Ragnar Pétursson ('69)
77. Garðar Ingi Leifsson

Varamenn:
2. Atli Fjölnisson ('72)
3. Aron Lloyd Green ('69)
4. Aðalsteinn Ingólfur Guðmundsson ('72)
9. Andri Magnússon ('69)
12. Viðar Logi Pétursson
23. Alex Birgir Gíslason ('46)
89. Brynjar Ásgeir Guðmundsson

Liðsstjórn:
Fannar Freyr Guðmundsson
Heimir Snær Guðmundsson
Jón Ásbjörnsson
Jón Már Ferro
Stefán Þór Jónsson
Ísak Örn Einarsson
Davíð Atli Steinarsson

Gul spjöld:
Hafþór Þrastarson ('43)

Rauð spjöld:
Leik lokið!
Þetta var síðasta spyrna leiksins. Leik lokið, 0-8.
90. mín MARK!
Arnór Gauti Jónsson (Fylkir)
Stoðsending: Andrés Már Jóhannesson
Skalli fyrir opnu marki. Hann kom við sögu eftir allt saman.
88. mín
Boltinn berst til Hákons eftir horn en skotið er laflaust. Honum til varnar var það með hægri.
86. mín
Djair með stórhættulega fyrirgjöf en enginn mættur. Svipað og ÍH áðan.
85. mín
STÖNGIN!

Birkir nýkominn inn á hjá Fylki með skot í stöngina.
83. mín
Ein hornspyrna ÍH-inga beint af æfingasvæðinu. Garðar Ingi sendir hann stutt, fær hann aftur og hamrar honum á fjær. Stórhættulegur bolti en enginn mættur. Garðar er hundfúll, skiljanlega.
81. mín
Inn:Birkir Eyþórsson (Fylkir) Út:Arnór Borg Guðjohnsen (Fylkir)
Arnór Borg hefur gert nóg í dag. Þrenna. Frábær leikur hjá honum.
80. mín
Laglegt þríhyrningsspil hjá Bjarka Ragnari og Djair sem endar með fyrirgjöf Bjarka á Hákon sem nær ekki boltanum og endar á að brjóta.
78. mín MARK!
Hákon Ingi Jónsson (Fylkir)
Stoðsending: Natan Hjaltalín
Natan með frábæra fyrirgjöf á Hákon Inga sem skallar hann þægilega í netið.
75. mín
Þessi seinni hálfleikur er einn sá leiðinlegasti sem ég hef séð. Hefði alveg mátt flauta af í hálfleik.
72. mín
Inn:Aðalsteinn Ingólfur Guðmundsson (ÍH) Út:Hafþór Þrastarson (ÍH)
72. mín
Inn:Atli Fjölnisson (ÍH) Út:Emil Stefánsson (ÍH)
Nú er það Emil sem fer út af. Í annað sinn samkvæmt mér. Emil hefur fengið ranglega skráð á sig gult spjald og ranglega skráða á sig skiptingu í hálfleik. Illa vegið.
69. mín
Inn:Aron Lloyd Green (ÍH) Út:Ragnar Pétursson (ÍH)
Mér sýnist Ragnar hafa farið út fyrir Aron.
Ég gæti verið í ruglinu með þessar skiptingar en ég skrifa það þá svona 70% á manninn með skiltið.
69. mín
Inn:Andri Magnússon (ÍH) Út:Bergþór Snær Gunnarsson (ÍH)
69. mín
Inn:Djair Parfitt-Williams (Fylkir) Út:Þórður Gunnar Hafþórsson (Fylkir)
Mér sýnist Þórður hafa farið út af fyrir Djair.
66. mín
Nú er það Nikulás Val sem á skot yfir markið. Ég minni Fylkismenn á að markið hinum megin er jafn hátt og markið sem þeir sóttu á í fyrri háflleik og skoruðu 6 mörk í.
62. mín
Valdimar Þór Ingimundarson bað um hrós í textalýsingunni fyrir góða upphitun. Ég hef ákveðið að verða við þeirri bón, einfaldlega vegna þess að það er það lítið að gerast í leiknum sjálfum.
61. mín
Inn:Bjarki Ragnar Sturlaugsson (Fylkir) Út:Daníel Steinar Kjartansson (Fylkir)
Ég efast um að Árbæingum hafi komið á óvart að Daníel Steinar hafi meiðst.

En það sem kemur á óvart er að Bjarki Ragnar Sturlaugsson kom inn á í vinstri bakvörðinn. Ég er ekki viss um að hann hafi spilað þessa stöðu áður.
60. mín
Leikurinn hefur róast mikið í seinni hálfleik. Fylkismenn virðast fyrst og fremst vilja forðast meiðsli. Brynjar Ásgeir, þjálfari ÍH, sem hefur getið sér gott orð fyrir hálfleiksræður sínar virðist hafa blásið mönnum byr í brjóst. Þeir ætla ekki að tapa seinni hálfleik.
51. mín
ÍH Í DAUÐAFÆRI!

Garðar Ingi fær boltann á hægri kantinum, á hættulega fyrirgjöf sem skoppar í gegnum vörn Fylkis. Magnús er ekki tilbúinn og fær hann í sig. Boltinn svífur hátt upp og stefnir í fjærhornið en Arnar Darri nær að blaka boltanum burt.
50. mín
Nú er það Andrés Már sem á skot yfir.
49. mín
Sending fyrir á Natan, boltinn berst til Hákons sem fær tíma til að taka á móti boltanum og stilla upp í skot. Skotið er yfir. Dauðafæri.
46. mín
Inn:Alex Birgir Gíslason (ÍH) Út:Emil Stefánsson (ÍH)
46. mín
Inn:Hákon Ingi Jónsson (Fylkir) Út:Arnór Gauti Ragnarsson (Fylkir)
46. mín
Inn:Axel Máni Guðbjörnsson (Fylkir) Út:Orri Sveinn Stefánsson (Fylkir)
45. mín
Það er ekkert frí í þessum hálfleik hjá mér. Ég fékk passíft aggressíva ábendingu um að Emil hafi ekki fengið spjaldið heldur Hafþór. Bið kollega minn Pétur að vera skýr í spjaldagjöf. 8,2.
45. mín
Ég var að fatta að Arnór Borg er kominn með þrennu. Það er alltof mikið af Arnórum í þessu liði. Tveir Arnór Gautar. Óþolandi fyrir textalýsara.

En þessi þrenna kom eftir aukaspyrnu, hornspyrnu og vítaspyrnu. Sagnfræðingar mega segja mér hvort þetta sé sú fyrsta sinnar tegundar.
45. mín
Hálfleikur
0-6 í hálfleik. Ég er nooookkuð viss um að Fylkismenn fari áfram hér í kvöld.
44. mín
Arnór Borg hamrar aukaspyrnunni á nærstönginni, eins og alltaf. Þar er Óli Skúla mættur en skallinn af varnarmanni ÍH. Markspyrna hins vegar dæmd.
43. mín Gult spjald: Hafþór Þrastarson (ÍH)
Fyrir brot á Daníel Steinari.
42. mín MARK!
Arnór Gauti Ragnarsson (Fylkir)
Hvað er að gerast? Arnór Gauti RAGNARSSON fær boltann. Tveir varnarmenn vinna boltann af honum. Fá valkvíða. Arnór Gauti hirðir boltann af þeim. Sólar einn. Hamrar á nær. Sá ætlaði sér að skora!
39. mín MARK!
Arnór Borg Guðjohnsen (Fylkir)
Sprellimark í Skessunni. Arnór Borg stillir sér upp til að taka hornspyrnuna. Stúkumegin. Hann hættir ekki tilhlaupinu fyrr en hann hefur bakkað á eitthvað og dettur aftur fyrir sig. Stúkan hlær.

Arnór stendur upp. Tekur hornspyrnuna. Skorar beint úr henni.

Sá hlær best...
39. mín
Arnór Gauti JÓNSSON næstum með sokk handa undirrituðum. Boltinn skoppar til hans úr horni. Hann tekur á móti honum og hamrar honum í stöngina.
38. mín
Arnór Borg læðir honum í gegn á Þórð en Garðar á frábæra tæklingu og stöðvar skotið.
35. mín Mark úr víti!
Arnór Borg Guðjohnsen (Fylkir)
Stoðsending: Þórður Gunnar Hafþórsson
Ekki veit ég hvað Hilmar var að gera þarna. Virtist vera búinn að vinna boltann af Þórði en endar á að rífa hann niður. Hárréttur dómur.

Nú fer Arnór Borg á punktinn og skorar einnig af miklu öryggi.
35. mín
Víti! Fylkir fær víti. Hvað er Hilmar að gera???
33. mín
Þegar ég segi Arnór Gauti í þessari lýsingu á ég nánast undantekningalaust við Arnór Gauta Ragnarsson sóknarmann. Arnór Gauti Jónsson varnarmaður Fylkis hefur ekki sést í þessum leik og mér sýnist hann muni koma lítið við sögu í dag. Sem er jákvætt því hann er varnarmaður.
32. mín Mark úr víti!
Arnór Gauti Ragnarsson (Fylkir)
Stoðsending: Andrés Már Jóhannesson
Andrés Már fær boltann í teignum. Sparkar honum öðrum megin við Garðar, hleypur hinum megin. Garðar brýtur heimskulega á honum.

Arnór Gauti fer á punktinn og skorar af miklu öryggi.
28. mín MARK!
Orri Sveinn Stefánsson (Fylkir)
Stoðsending: Arnór Borg Guðjohnsen
Fylkismenn fá hornspyrnu. ÍH vildu fá markspyrnu. Ég sá það ekki nógu vel.

Arnór Borg með GEGGJAÐA spyrnu á nærstöngina beint á Orra Svein sem stangar boltann í netið.
25. mín MARK!
Arnór Borg Guðjohnsen (Fylkir)
Stoðsending: Ólafur Ingi Skúlason
Arnór tekur aukaspyrnuna. Yfir vegginn. Mark. Súrt fyrir heimamenn að fá á sig mark með þessum hætti. Ég var algjörlega ósammála þessum dómi.
24. mín
Óli Skúla notar alla sína reynslu til að krækja í aukaspyrnu rétt utan teigs. Fannst Pétur dómari veiddur í gildru þarna.
23. mín
ÍH vinnur boltann á vallarhelmingi Fylkis. Hákon veður af stað og skýtur á markið. Arnar Darri ver boltann út en nær að handsama hann áður en leikmaður ÍH kemst að honum.
21. mín
Arnór Borg fær mikið pláss, keyrir á vörnina og skýtur fyrir utan teig. Skotið er laflaust og beint á markmanninn. Fyrsta skot leiksins komið.
18. mín
Stefan fær boltann. Stefan er markmaður ÍH. Natan kemur í pressu. Stefan leikur á hann. Margir hefðu haldið að þá væri sniðugt að sparka boltann burt. Sérstaklega þegar leikmaður númer tvö kom í pressu. Hann smeygði sér einhvern veginn á milli þeirra. Klafs myndaðist en Stefan slapp með skrekkinn þarna. Skemmtilegt engu að síður.
14. mín
Natan á sendingu á fjær. Á Þórð. Nikulás kemur á fleygiferð í teiginn og öskrar á boltann út. Þórður missir boltann hins vegar út af. Þarna vantaði ekki mikið upp á.
12. mín
Arnar Darri var að snerta boltann.
10. mín
10 mínútur búnar og við höfum enn ekki séð skot að marki. ÍH eru að veita þeim hörku mótspyrnu. Nú áttu þeir stungusendingu á Magnús á vinstri kantinum en fyrsta snertingin brást og ekkert varð úr þessu.
8. mín
ÍH-ingar hafa styrkt sig mikið fyrir komandi átök í 4. deildinni í sumar. Þeir byrja þennan leik bara sprækir en Fylkismenn eru meira með boltann. Reyna mikið að fara upp hægri kantinn en það hefur skilað litlum árangri.
3. mín
Lið ÍH:
Stefan
Emil - Hafþór - Garðar Benedikts - Hilmar
Hákon - Ari
Garðar Ingi - Ragnar - Magnús
Bergþór

Hákon og Ari eru veeel djúpir á miðjunni.
2. mín
Lið Fylkis:
Arnar Darri
Andrés - Orri - Arnór Gauti - Daníel
Ólafur Ingi - Nikulás
Þórður - Arnór Borg - Natan
Arnór Gauti
1. mín
Leikur hafinn
Þá er þetta farið af stað.
Fyrir leik
Jón Már Ferro fer á kostum fyrir leik sem vallarþulur fyrir leik. Umgjörðin er til fyrirmyndar hjá Hafnfirðingum. Fyrir utan fjölmiðlaaðstöðuna. Hún hefur eitthvað gleymst hjá arkitektunum.
Fyrir leik
Herra Pétur Guðmundsson, lögregluvarðstjóri eða hvað sem hann gerir, hann er allavega í löggubúning í vinnunni sinni og ber af sér mikinn þokka í honum, er aðaldómari þessa leiks.

Aðstoðardómarar eru Smári Stefánsson og Bergur Daði Ágústsson. Þeir bera einnig af sér mikinn þokka, svona svo því sé haldið til haga.
Fyrir leik
Staðreyndir sem segja af hverju þetta ætti að verða hörkuleikur:
ÍH hefur unnið alla þrjá leiki sína á tímabilinu, þar á meðal tvo bikarleiki. Þeir slógu Berserki út með 3-1 sigri og GG unnu þeir 3-0.
ÍH hefur skorað 3 mörk í öllum bikarleikjum hingað til.
Brynjar Ásgeir, þjálfari ÍH, hefur þrisvar sinnum mætt Fylki á heimavelli. Aldrei tapað.
Fylkismenn hafa tapað báðum leikjum sínum á tímabilinu.
Fyrir leik
Ég reikna með að flestir búist við þægilegum sigri gestanna enda spila þeir í Pepsi-deildinni á meðan ÍH spilar í 4. deild. En staðan er 0-0 akkúrat núna og allt getur gerst. Þetta gæti orðið spennandi leikur, hvað veit maður?
Fyrir leik
Leikurinn fer fram í hinni stórgóðu innanhúshöll Skessunni í Hafnarfirði og hefst kl. 20:00.
Fyrir leik
Góða kvöldið og velkomin í beina textalýsingu á leik ÍH og Fylkis í 32-liða úrslitum Mjólkurbikarsins.
Byrjunarlið:
32. Arnar Darri Pétursson (m)
4. Arnór Gauti Jónsson
5. Orri Sveinn Stefánsson ('46)
10. Andrés Már Jóhannesson
11. Þórður Gunnar Hafþórsson ('69)
13. Arnór Gauti Ragnarsson ('46)
16. Ólafur Ingi Skúlason
18. Nikulás Val Gunnarsson
21. Daníel Steinar Kjartansson ('61)
23. Arnór Borg Guðjohnsen ('81)
33. Natan Hjaltalín

Varamenn:
1. Aron Snær Friðriksson (m)
9. Hákon Ingi Jónsson ('46)
11. Valdimar Þór Ingimundarson
11. Djair Parfitt-Williams ('69)
15. Axel Máni Guðbjörnsson ('46)
17. Birkir Eyþórsson ('81)
77. Bjarki Ragnar Sturlaugsson ('61)

Liðsstjórn:
Rúnar Pálmarsson (Þ)
Ólafur Ingi Stígsson (Þ)
Atli Sveinn Þórarinsson (Þ)
Björn Metúsalem Aðalsteinsson
Óðinn Svansson
Ólafur Ingvar Guðfinnsson
Halldór Steinsson

Gul spjöld:

Rauð spjöld: