Fyrir leik eru tveir leikmenn heiðraðir fyrir að hafa leikið 100 leiki fyrir félagið. Það eru þeir Gunnar Þorsteinsson og Alexander Veigar Þórarinsson. Hjörtur Watlthersson og gjaldkeri Knattspyrnudeildar Grindavíkar afhendir þeim þakklætisvott fyrir góða þjónustu við félagið.

Eins og áður sagði eru aðstæður hér í Grindavík allar hinar bestu sem er annað en var síðasta föstudag.

Þá má líka segja að hér séu að gerast hálf ótrúlegir hlutir. Flöggin á fánastöngum umhverfis völlinn hreyfast ekki. Það er logn í Grindavík

Veðurútlitið er bara virkilega gott fyrir leikinn sem er annað en var uppá teningnum síðastliðin föstudag þegar Grindavík og Fram gerðu 1-1 jafntefli í miklum rokleik þar sem aðstæður voru vægast sagt hörmulegar. En spáin hljómar upp á sunnan 2 metra ´á sekúndu,skýjað og um 12 gráðu hita,

Við getum því vonast eftir hröðum og skemmtilegum leik þar sem boltinn fýkur ekki í innkast á 5 sekúndna fresti.

Grindavík

Grindavíkurliðið er ólíkindatól og efast ég ekki um að þjálfarar og leikmenn hafi viljað sjá liðið ofar á þessum tímapunkti í mótinu en fyrir leik kvöldsins situr liðið í 8.sæti með 9 stig.

Toppliðin eru þó nokkuð skammt undan og ekki þarf mikið til að Grindavík líkt og Afturelding blandi sér af fullri alvöru í toppbaráttuna.

Leikur Grindavíkur hefur þó verið nokkuð óstöðugur og menn verið í leit að meira jafnvægi í leik liðsins. Meiðsli hafa þó verið að plaga hópinn en menn hafa verið að týnast inn undanfarnar vikur og verður spennandi að sjá hvernig lærissveinum Sigurbjörns Hreiðarssonar reiðir af í leik kvöldsins.

Afturelding

Gestirnir úr Mosfellsbæ hófu leiktíðina á heldur rólegum nótum og töpuðu fyrstu þremur leikjum sínum. Prógrammið var þó erfitt ef horft er á stöðu liðanna í deildinni í dag en mótherjar fyrstu umferðanna voru Keflavík, ÍBV og Fram sem sitja í 1.,2. og 3.sæti deildarinnar í dag.

Þeir hafa þó heldur betur hysjað upp um sig eftir þau töp og hafa unnið síðustu 3 leiki. 7-0 sigur á Magna, 4-0 sigur á Leikni F. og 1-3 útisigur á Víking Ó. hafa rifið liðið upp töfluna en Afturelding situr fyrir leik kvöldsins í 7.sæti með 9 stig aðeins 5 stigum á eftir toppliði ÍBV. Sigur í Grindavík í kvöld getur því lyft lærissveinum Magnúsar Más í óvænta toppbaráttu.

Lengjudeildin hefur farið ansi skemmtilega af stað og staða liðanna í deildinni eftir 6.umferðir er ansi þétt og ef áframhald verður á má búast við æsispennandi móti allt til loka.

Gott kvöld lesendur góðir og verið velkomin líkt og alltaf í beina textalýsingu Fótbolta.net frá leik Grindavíkur og Aftureldingar í 7.umferð Lengjudeildar karla.