Liðin eru að ganga til vallar á eftir Ívari Orra og hans aðstoðarmönnum.

Frikki Dór er að fara hamförum í hátalarakerfinu.

Það er afmælisdrengur á varamannabekk FH í dag, en Logi Hrafn Róbertsson er hvorki meira né minna en 16 ára í dag, óskum honum til hamingju með það!

Hann hefur komið við sögu í tveimur leikjum í deildinni í sumar, vonandi kemur sá þriðji í dag.

Að vanda eru markmennirnir fyrstir út að hita, ég held ég hafi bara aldrei séð það öðruvísi fyrir fótboltaleik.

Peddi er einnig mættur út á völl að keila völlinn fyrir upphitun leikmanna KA, það er allt löngu klárt FH megin.

Eiður Smári var í viðtali við Guðmund Hilmarsson og má lesa glefsur úr því með því að smella hér.

Liðin eru komin inn hér til hliðar. Bæði lið gera eina breytingu frá síðasta leik en Guðmann tekur út leikbann á meðan að Ívar Örn tók út bann í síðasta leik KA og kemur inn í liðið aftur núna.

KA

Gestirnir ráku Óla Stefán frá félaginu eftir brösugt gengi í upphafi tímabils og óánægju innan leikmannahópsins með leikkerfi og upplegg liðsins. Arnar Grétarsson tók við liðinu, mér finnst það líka jákvæð skipti eins og hjá FH. Addi þekkir fótboltaumhverfið inn og út þar sem hann hefur þjálfað bæði Breiðablik og Roeselare í Belgíu ásamt því að hafa verið yfirmaður knattspyrnumála hjá AEK Aþenu og Club Brugge, bæði stórlið í sínum löndum. Addi var auðvitað líka atvinnumaður sjálfur og frábær miðjumaður.

KA hefur verið í brasi á tímabilinu og sat í fallsæti þegar Arnar tók við með 0 sigra og 3 jafntefli, liðið var að spila leikkerfið 3-4-3 undir stjórn Óla og voru sumir leikmenn ekki sáttir með það, Rodri var farinn að spila hafsent vegna meiðsla varnarmanna og fleira í þeim dúr sem skapaði gríðarlega óánægju brekkumegin á Akureyri. Arnar tók við og fór í 4-3-3 og landaði fyrsta sigri Akureyringa gegn Gróttu með sigurmarkið frá Steinþór á síðustu andartökum leiksins, gríðarlega mikilvægt fyrir KA.

Vinni KA hér í Kaplakrika í dag koma þeir sér inn í pakkann fyrir ofan fallsvæðið og skilja Fjölni, Gróttu og HK eftir í svaðinu, þó ekki langt undan og alls ekki öruggir um eitt né neitt, en tapi KA-menn eru þeir ekki í spes málum með örlítið bil upp í liðin fyrir ofan og með fallsvæðið á hælunum.

Vonandi fyrir KA tekst Adda Grétars að leysa þeirra vandamál en leikmannahópurinn er að mínu mati of góður til að vera á þessum stað en einungis tíminn mun leiða það að í ljós hvernig tekst til hjá Arnari með Pedda og Hadda í teyminu en þeir störfuðu einnig undir Óla og fá því veglegan samaburð frá innstu veggjum KA-heimilisins.

FH

Heimamenn misstu Óla Kri til Esbjerg í Danmörku og réðu Loga Ólafs og Eið Smára í hans stað, jákvæð skipti hjá Fimleikafélaginu af mínu mati. FH er í 8. sæti með 10 stig og með þéttan pakka fyrir ofan sig, þeir eru hinsvegar 4 stigum fyrir ofan KA í 9. sætinu og geta brúað gott bil milli félaganna og skorið deildina niður í fjögurra liða botnbaráttu með sigri.

Með sigri kemur FH sér upp í 3. sæti, nema að þeir slátri KA með 8 mörkum þá fara þeir uppfyrir Val í 2. sætið.

Daníel Hafsteinsson leikmaður FH er uppalinn í KA en er á láni frá Helsingborg, KA seldi Daníel til Helsingborg fyrir rétt rúmu ári síðan og mætir hann núna uppeldisfélaginu í fyrsta skipti á ferlinum.

Guðmann Þóris lék svo þrjú tímabil með KA og átti stóran þátt í uppgangi félagsins.

Bæði lið eru með nýja þjálfara og unnu bæði lið sinn fyrsta leik eftir skiptin, hinsvegar eru 100% líkur á því að sigurganga annars félagsins með nýjan þjálfara stöðvast hér í dag, mögulega beggja ef þeir deila stigunum og kasta einu í súginn, þá eru nýjir þjálfarar hinsvegar enn taplausir.

Rýnum aðeins betur í liðin.

Ívar Orri Kristjánsson fær það verðuga verkefni að dæma þennan leik, hann er einn albesti dómari landsins og ég hef fulla trú á því að hann sýni okkur það hér í dag.

Góðan daginn kæru lesendur og verið velkomin í beina textalýsingu frá leik FH og KA í Pepsi Max deild karla.