Fyrir leik
Liðin ganga inn á völlinn. ÍBV er í hvítum búningum og KA í gulum treyjum og bláum stuttbuxum.
Eyða Breyta

Fyrir leik
Það hefur ekki verið erfitt að manna gæsluna í dag. Allir vilja sjá leikinn og ég er ekki frá því að ég sjái fleiri gul vesti en vaninn er á deildarleik, fullyrði ekkert samt.
Eyða Breyta

Fyrir leik
Innbyrðis viðureignir:

KA hefur unnið þrjá af síðustu sex leikjum liðanna (2017-2019). ÍBV vann tvo og einu sinni var jafntefli.

KA vann 2-0 á Greifavellinum í leik liðanna í Pepsi Max-deildinni á síðustu leiktíð. Á Hásteinsvelli enduðu leikar 1-1.

Liðin léku æfingaleik fyrir mót á Hásteinsvelli og endaði sá leikur með jafntefli.
Eyða Breyta

Fyrir leik
Korter í leik. Það er 18° hiti á Celsius skalanum. Þokkalegur gustur á syðra markið ef mið er tekið af flöggunum við hliðarlínuna.
Eyða Breyta

Fyrir leik
Fimm breytingar eru á byrjunarliði ÍBV frá sigrinum gegn Þrótti í síðustu umferð Lengjudeildarinnar. Sigurður Arnar Magnússon, Nökkvi Már Nökkvason, Eyþór Daði Kajrtansson, Jonathan Glenn og Róbert Aron Eysteinsson koma inn í byrjunarliðið. Gary Martin, Víðir Þorvarðarson, Tómas Bent Magnússon og Óskar Elías Zoega setjast á bekkinn. Guðjón Ernir Hrafnkelsson er ekki í leikmannahópi ÍBV í dag.
Eyða Breyta

Fyrir leik
Byrjunarliðin eru komin inn. Þrjár breytingar eru á liði KA frá leiknum gegn KR. Aron Dagur Birnuson ver mark KA í dag og þeir Ásgeir Sigurgeirsson og Almarr Ormarsson koma aftur inn í liðið eftir að hafa byrjað á bekknum um síðustu helgi.

Guðmundur Steinn Hafsteinsson er ekki í leikmannahópi KA en hann þurfti að yfirgefa völlinn gegn KR vegna höfuðhöggs undir lok leiksins.
Eyða Breyta

Fyrir leik

Bikarslagur KA og �BV hefst kl. 17:45, minnum á að vegna Covid-19 aðstæðna eru engir áhorfendur leyfðir en leikurinn er í beinni á Stöð 2 Sport, áfram KA! #LifiFyrirKA @mjolkurbikarinn pic.twitter.com/6iC3RHk96G

— KA (@KAakureyri) July 30, 2020

Eyða Breyta

Fyrir leik
Það styttist í byrjunarliðin. Meðan við bíðum er ágætt að kynna dómara leiksins.

Helgi Mikael Jónasson er dómari leiksins og honum til aðstoðar eru þeir Birkir Sigurðarson (AD1) og Sveinn Þórður Þórðarson (AD2). Jón Sigurjónsson er eftirlitsmaður KSÍ og Valdimar Pálsson er varadómari.
Eyða Breyta

Fyrir leik
Athugið:

Leiknum hefur verið seinkað til klukkan 17:45 samkvæmt KSÍ! Fimmtán mínútna seinkun. Ég held að ástæðan fyrir seinkuninni sé að flugvélin, sem lið ÍBV flaug með, lenti seinna en áætlað var á Akureyrarflugvelli.
Eyða Breyta

Fyrir leik
Það er sól og blíða á Akureyri (staðsettur í Þorpinu eins og er). Sjáum til hvernig staðan er niðri á Greifavelli þegar textalýsir mætir þangað.
Eyða Breyta

Fyrir leik
Í leik KA gegn Leikni R. í 32-liða úrslitunum skoraði Nökkvi Þeyr Þórisson tvö mörk og þeir Steinþór Freyr Þorsteinsson, Hallgrímur Mar Steingrímsson, Gunnar Örvar Stefánsson og Mikkel Qvist bættu við einu marki hver.

ÍBV sigraði Tindastól 7-0. Þar skoraði Gary Martin þrennu og bæði Jón Ingason og Ásgeir Elíasson skoruðu tvö mörk. Í 1-5 útisgigri gegn Grindavík skoraði Gary aftur þrennu og Telmo Castanheira skoraði tvennu.
Eyða Breyta

Fyrir leik
Síðustu leikir hvors liðs í sinni deild:

KA hefur náð í fimm stig í síðustu þremur deildarleikjum. Liðið sigraði Gróttu 1-0 og gerði svo markalaust jafntefli bæði gegn FH og KR. Arnar Grétarsson tók við sem þjálfari KA fyrir leikinn gegn Gróttu.

ÍBV er í 2. sæti Lengjudeildarinnar og hefur enn ekki tapað leik í deildinni. Liðið sigraði gegn Þrótti í síðustu umferð deildarinnar en fyrir þann leik hafði liðið gert þrjú jafntefli í röð.
Eyða Breyta

Fyrir leik
KA vann stórisgur á Leikni R. í 32-liða úrslitum keppninnar. KA, ásamt öðrum Pepsi Max-deildar liðum, kom inn í keppnina á þeim tímapunkti. KA situr í 9. sæti efstu deildar.

ÍBV, sem er í 2. sæti Lengjudeildarinnar, vann stórsigra gegn Tindastól í 64-liða úrslitum og Grindavík í 32-liða.
Eyða Breyta

Fyrir leik
Góðan daginn lesendur góðir og veriði velkomnir í textalýsingu frá leik KA og ÍBV í 16-liða úrslitum Mjólkuribkars karla. Leikurinn fer fram á Greifavelli og hefst 17:30.

Athygli er vakin á því að leikurinn fer fram án áhorfenda. KSÍ gaf út þau fyrirmæli fyrr í dag. Meira má lesa um málið með því að skoða fréttir dagsins á Fótbolti.net.
Eyða Breyta