Það verður að viðurkennast að það er notaleg tilfinning að sjá fólk í stúkunni á ný. Gefur þessu meira líf.

Áhorfendur leyfðir á ný

Áhorfendur hafa verið leyfðir á íþróttaviðburðum á Íslandi á nýjan leik. Engir áhorfendur hafa verið á fótboltaleikjum síðastliðinn mánuðinn.

Fram kemur á KSÍ að heimildin hefur þegar í stað tekið gildi og því verða áhorfendur leyfðir á leikjum frá og með deginum í dag með skilyrðum.

Skilyrðin eru að 2 metra reglan gildi milli einstaklinga sem ekki eru í nánum tengslum og að ekki séu nema 100 manns að hámarki í stúku/stæði.

Spákonan
Barbára Sól Gísladóttir, leikmaður Selfoss, tók að sér það verkefni að spá í 14. umferðina í Lengjudeildinni fyrir Fótbolta.net

Grindavík 1 - 1 Vestri
Grindvíkingar búnir að vera í basli en náðu í sigur í síðasta leik á meðan að Vestri hafa verið að mjatla inn stigum.

Tengingar á milli liðanna

Það hafa talsverðar tengingar verið á millið liðana undanfarin ár. Leikmenn eins og Andri Rúnar Bjarnason, Giles Mbang Ondo og Alexander Veigar Þórarinsson hafa leikið með báðum liðum og svo er það að sjálfsögðu þjálfari Vestra Bjarni Jóhannsson sem hefur þjálfað lið Grindavíkur í tvígang.

Fyrri Viðureignir

17 leiki hafa liðin leikið sín á milli. Reyndar aðeins tvo þar sem gestalið dagsins ber heitið Vestri en tólf leiki sem BÍ eða BÍ/Bolungarvík.

14 sinnum hefur Grindavík haft sigur, 1 leik hefur lokið með jafnteflinu en Vestramenn sigrað tvo leiki.

Síðasti sigurleikur gestanna kom árið 2013 er þeir lögðu Grindavík 3-1 á Torfnesvelli.

Fyrri leikurinn í sumar

Fyrri viðureign liðanna sumar var hin besta skemmtun. En Grindavík hafði þar 2-3 útisigur þar sem Alexander Veigar Þórarinsson skoraði sigurmark Grindvíkinga undir lok leiks. Áður höfðu Stefán Ingi Sigurðarson og Gunnar Þorsteinsson komið Grindavík í 0-2 en Sigurður Grétar Benónýsson og Rafael Jose Navarro Mendez jöfnuðu fyrir Grindavík áður en Alexander kláraði svo leikinn fyrir Grindavík.

Grindavík

Hlutinn Jó-jó má einnig nota til að lýsa liði Grindavíkur. Liðið sem flestir bjuggust við að yrði í og við toppinn í Lengjudeildinni þetta sumarið hefur alls ekki verið sannfærandi. Akkilesarhæll liðsins hefur verið að klára leikinn en ég efast um að önnur lið í deildinni hafið fengið fleiri mörk á sig á síðustu 5-10 mínútum leikja en Grindavík.

Hópurinn á þó að teljast sterkur fyrir Lengjudeildina og með sigur í síðustu tveimur leikjum þar á meðal gegn Þór í síðustu umferð þar sem Grindvíkingar voru manni færri frá 10. mínútu og tveimur færri frá þeirri 51. höfðu þeir 1-0 sigur á lánlausu liði Þórs.

Það er þó skarð fyrir skildi hjá þeim í dag að fyrirliðinn Gunnar Þorsteinsson og Oddur Ingi Bjarnason taka út leikbann í dag fyrir brottvísanirnar gegn Þór.

Vestri

Vestri hefur verið nokkuð Jó-jó að undanförnu, í það minnsta hvað varðar úrslit. 3 jafntefli, 1 sigur og 1 tap er niðurstaðan úr síðustu 5 leikjum liðsins sem situr í 7.sæti deildarinnar með 16 stig fyrir leik dagsins.

Það hefur þó viljað loða við lið Vestra að seinni helmingur tímabilsins hefur verið betri en sá fyrri. En Vestri líkt og mörg önnur landsbyggðarlið glíma við það vandamál að hópurinn kemur seint saman í heilu lagi og oft hefur tekið tíma að slípa menn saman. Fáir eru þó betri í slíkum verkefnum en Bjarni Jóhannsson og verður spennandi að fylgjast með liði Vestra á síðari hluta tímabilsins. Það verður þó ekki tekið af þeim að sem nýliðar í deildinni hafa þeir staðið sig með miklum sóma.

Góðan dag kæru lesendur og verið velkomin í beina textalýsingu Fótbolta.net frá leik Grindavíkur og Vestra í Lengjudeild karla.