Fyrir leik
Liðin að ganga til vallar og toppslagur Lengjudeildarinnar að hefjast. Vonum að sjálfsögðu að við fáum spennandi leik.
Eyða Breyta

Fyrir leik
Ofur- Framarinn og þjóðargersemin Ómar Ragnarsson fagnaði áttræðis afmæli sínu í gær þegar leikurinn átti upphaflega að fara fram. Það er því ekki úr vegi að óska Ómari til hamingju með afmælið í gær.
Eyða Breyta

Fyrir leik
Gamli leikurinn

Fram hefur áður gert Keflavík grikk í toppbaráttu svo ekki sé fastar að orði kveðið. Þótt aðstæður í kringum leik dagsins séu ekki nándar nærri því jafn dramatískar og þá er vert að rifja upp leik liðanna í lokamferð Landsbankadeildarinnar sálugu 2008.

Keflavík sem háði harða baráttu við FH um að verða meistari sat fyrir leik á toppi deildarinnar og hefði sigur tryggt þeim Íslandsmeistaratitilinn það árið. Eftir rólegan fyrri hálfleik kom færeyingurinn Símun Eiler Samuelsen Keflavík yfir á 54. mínútu leiksins, Adam var þó ekki nema í um korter í paradís en Almarr Ormarsson jafnaði fyrir Fram á 67. mínútu aðeins um mínútu eftir að hafa komið inn á sem varamaður. Keflavík sem eðlilegt er setti mikið púður í sóknarleik sinn og sendi meðal annars Bjargvættinn Þórarinn Kristjánsson á vettvang. Það dugði þó ekki til þar sem Hjálmar Þórarinsson kom Fram yfir á 80. mínútu og þar við sat. Á meðan vann FH sinn leik gegn Fylki í Árbæ og tryggði sér þar með titilinn.

Hægt er að lesa umfjöllun Fótbolta.net um leikinn með því að smella hér.
Eyða Breyta

Fyrir leik
Fyrri viðureignir

131 leik hafa liðin leikið sín á milli samkvæmt gagnagrunni KSÍ.

Keflavík hefur haft sigur 53 sinnum, 35 leikjum hefur lokið með jafntefli og 43 sinnum hefur Fram borið sigur úr býtum.

Markatalan er 205-185 Keflavík í vil
Eyða Breyta

Fyrir leik
Keflavík

Keflvíkingar eru hér um bil á pari miðað við spár fyrir mót en þeim var spáð 3.sæti deildarinnar fyrir mót. 2.sæti er þeirra hlutskipti þessa stundina en aðeins tvö stig skilja þá að frá Fram á toppnum auk þess sem Keflavík á leik til góða.

Eysteinn Húni og Sigurður Ragnar þjálfarar Keflavíkur hafa fundið góða blöndu eldri og yngri leikmanna sem hafa spilað stórgóðan sóknarleik en Keflavík hefur skorað alls 44 mörk í 14 leikjum í sumar eða rúmlega 3 mörk í leik. Þar hefur farið fremstur í flokki ástralinn Joey Gibbs sem hefur raðað inn mörkum í sumar og er lang markahæstur í deildinni með 18 mörk í leikjunum 14.
Eyða Breyta

Fyrir leik
Fram

Það má alveg færa rök fyrir því að Fram hafi komið liða mest á óvart í Lengjudeildinni það sem af er móti. Liðinu sem spáð var 6.sæti fyrir mót af sérfræðingum Fótbolta.net situr í toppsæti deildarinnar að loknum 15 leikjum með 32 stig.

Liðið undir stjórn Jóns Sveinssonar hefur sýnt góðan og stöðugan leik í sumar og eru í dauðafæri að vinna sér sæti aftur í deild þeirra bestu eftir mögur ár.

Alexander Már Þorláksson er þeirra markahæstur til þessa en hann hefur skorað alls 8 mörk. Besti leikmaður þeirra hefur þó án efa verið Frederico Bello Saraiva eða bara Fred sem hefur verið algjör prímusmótor í sóknarleik þeirra í sumar. Hann er þó í leikbanni í dag eftir að hafa fengið rautt spjald gegn Vestra um síðastliðna helgi.
Eyða Breyta

Fyrir leik
Komið þið sæl kæru lesendur og verið hjartanlega velkomin í beina textalýsingu Fótbolta.net frá toppslag Keflavíkur og Fram í Lengjudeild karla.
Eyða Breyta