Fyrir leik
Liðin að verða klár.

Víkingar eru í hefðbundnum klæðum, gestirnir albláir í sínum varabúning.
Eyða Breyta

Fyrir leik
Arnar Gunnlaugs verður ekki í boxinu hjá Víkingum í dag.

Hann er í sóttkví í dag, við vitum ekki enn hvursu lengi. Einar Guðnason, hr. Arsenal mun halda um taumana í dag hjá heimamönnum.

Samkvæmt mínum heimildum er Arnar í úrvinnslusóttkví og fer í sýnatöku í kvöld sem ræður framhaldinu.
Eyða Breyta

Fyrir leik
Nú er vert einmitt að benda á að þeir sem hafa á því hug geta hent inn pælingum um þennan leik á Twitter og þá hent inn myllumerkinu #fotboltinet.

Skutlum inn í lýsinguna skemmtilegum molum!
Eyða Breyta

Fyrir leik
Dómarateymi dagsins hefur verið skipað á þann hátt að Ívar Orri Kristjánsson er með flautuna, honum til aðstoðar verða Birkir Sigurðsson og Jóhann Gunnar Guðmundsson.

Varadómarinn er Þorvaldur Árnason og til eftirlits er Þórður Ingi Guðjónsson.
Eyða Breyta

Fyrir leik
Bæði lið ættu að vera fullmönnuð, ekki er um leikbönn að ræða en það er þó varla að reikna með að Kári Árnason hlaupi um völlinn í dag.

Meiðsli eru að hrjá hann og væntanlega verið að spara hann fram í Rúmeníuviðureign.
Eyða Breyta

Fyrir leik
Saga þessara leikja er mjög sérstök á þann hátt að liðunum gengur miklu betur á útivelli!

Víkingur vann síðast heimaleik árið 1984 í þessari viðureign, þá voru í liði heimamanna kempur eins og Andri Marteinsson, Ragnar Gíslason og núverandi dómarastjóri KSÍ, Magnús Már Jónsson. Hjá KA voru það menn eins og Njáll Eiðsson, Bjarni Jóhannsson og Siglufjarðarkonungurinn Hafþór Kolbeinsson.

Leikurinn fór 6-2 fyrir heimamenn, semsagt 36 ár síðan KA fóru stigalausir heim úr þessum leik!
Eyða Breyta

Fyrir leik
Leikur liðanna í dag er sá þrítugasti þeirra í efstu deild.

Árangurinn er býsna jafn, Víkingar hafa unnið 11 leiki og KA 12, 6 sinnum orðið jafntefli. Markatalan samanlögð er 47 - 46, heimamönnum í vil.
Eyða Breyta

Fyrir leik
Fyrri leik þessara liða lauk með...jafntefli!

Markalausu í þokkabót, við nennum því ekki takk.
Eyða Breyta

Fyrir leik
Liðin hafa svo sannarlega ekki náð að raða saman mörgum sigrum, hvort hefur aðeins krækt í þrjá slíka í allt sumar.

Heimamenn hafa gert 7 jafntefli og unnu síðast knattspyrnuleik þann 19.júlí - síðan eru liðnir tíu leikir!

KA menn hafa vinninginn í jafnteflunum, hafa gert 11 slík sem er jöfnun á landsmeti...gætu bætt það í dag. Þeir unnu hins vegar í síðustu umferð þegar þeir lögðu Gróttuna á Seltjarnarnesi 2-4.
Eyða Breyta

Fyrir leik
Liðin sitja í neðri hlutanum með að litlu öðru að keppa en heiðrinum, en það er auðvitað nokkuð.

Ljóst má telja að bæði félög ætluðu sér stærri hluti í sumar en orðið er og því er heiðurinn vissulega mikilvægur.
Eyða Breyta

Fyrir leik
Góðan og blessaðan daginn og velkomin í beina textalýsingu í leik Víkings og KA frá heimavelli hamingjunnar í Fossvoginum.

Leikurinn er liður í 18.umferð PepsiMax - deildarinnar
Eyða Breyta